MANJI ATAJA JESHI LAKE LA MIAMVULI, ASEMA AKICHAGULIWA NALO YANGA ITATISHA KINOMA

Manji akiwa amemuinua mkono Bin Kleb, wengine kulia ni Manyama na Nyambaya, wakati kushoto ni Sanga

MGOMBEA Uenyekiti wa klabu ya Yanga, katika uchaguzi wa Jumapili ukumbi wa Diamond Jubilee, Dar es Salaam Yussuf Mehboob Manji siku ya jana ametambulisha watu watano anaotaka kuchaguliwa nao wakati alipokuwa akihutubia mamia ya wanachama kwenye Mkutano wa kampeni, Uwanja wa Kaunda, uliopo makao makuu ya klabu, makutano ya Mitaa ya Twiga na Jangwani.

Manji aliwataja watu hao kuwa ni nafasi ya Makamu Mwenyekiti, Clement Sanga na Wajumbe wanne ni Abdallah Bin Kleb, Mussa Katabaro, Lameck Nyambaya na George Manyama.

Ikumbukwe uchaguzi huo mdogo unafuatia Wajumbe wengi wa Kamati ya Utendaji iliyochaguliwa miaka miwili iliyopita, akiwemo Mwenyekiti Wakili Lloyd Baharagu Nchunga na Makamu wake, Davis Mosha kujiuzulu na watakaochaguliwa Jumapili watadumu kwa miaka miwili, kumalizia kipindi cha uongozi cha waliojiuzulu.

Manji aliwaomba wanachama wa Yanga pamoja na kumchagua yeye Jumapili, pia wawachague na watu hao watano, Sanga, Katabaro, Bin Kleb, Nyambaya na Manyama, kwani ni watu ambao anaamini atafanya nao kazi vizuri na kwa ufanisi.

Alisema iwapo akichaguliwa watu hao na mambo yakawa mabaya klabuni, atakuwa tayari kujiuzulu lakini akasema atasikitika iwapo atachaguliwa pamoja na watu tofauti nao hao.

Alisema katika kipindi hiki ambacho klabu haina uongozi, watu hao watano wamekuwa wakimsaidia kujenga timu kama kusajili na kadhalika kwa kujitolea hivyo ana imani nao kwa kiasi kikubwa.

Shughuli hiyo iliongozwa na Mwenyekiti wa wanachama Vijana wa Yanga, Bakili Mohamed Makele na Mwenyekiti wa Wazee, Mzee Ibrahim Ally Akilimali, ambao waliwaomba wana Yanga kuchagua timu hiyo na mambo yatakuwa mazuri.

Umati wa wanachama wanaokadiriwa kufika 2000 au zaidi ulihudhuria mkutano huo na wakati wote walikuwa wakishangilia hotuba, kuonyesha kwamba wanaafiki.

Manji anahutubia

Manji anahutubia

Manji anahutubia kwa hisia kali

Manji anahutubia kwa msistizo

Mwenyekiti mtarajiwa Yanga

Mtu wa kazi, Bin Kleb

Pentagon inavyoonekana

Hapa anasema baada ya mwaka mmoja tu wa kuwa madarakani; Yanga itakuwa zaidi ya TP Mazembe

Manji inabidi ajenge na vyoo uwanjani akichaguliwa; Mzee huyu alishikwa wakati mkutano ukiendelea, akaamua kujisitiri hapa

Kura za Manji, Sanga, Bin Kleb, Manyama na Nyambaya zikijipoza kwa uji wa mchele

Mussa Katabaro anamwaga sera

Bin Kleb anamwaga sera, alisema yeye si mtu wa maneno, ni mtu wa vitendo

Nyambaya anamwaga sera

Kachaa anapiga mzigo wakati mkutano unaendelea

Sanga kushoto akimsalimu Bin Kleb. Katikati ni Katabaro

Akina mama nao watampa Manji na timu yake, kura zao

Hapa aanahidi kulipa kisasi cha 6+5= 11

Kampeni zinaendelea kwenye mkutano

Nyomi

Ibada zinaendelea sambamba na kusikiliza hotuba za kampeni

Nyomi

Rais na Makamu wake wakijadiliana

Nyomi

Mzee Akilimali akiwaombea kura vijana kwa hisia zote 

Rais na Makamu wake wakijipanga mapemaa 

Via BIN ZURERI