Mandela apata afueni, aondoka hospitalini

 

Rais wa zamani wa Afrika Kusini, Nelson Mandela ameruhusiwa kwenda nyumbani baada ya kupata matibabu katika hospitali moja mjini Pretoria. Madiba mwenye umri wa miaka 94 alilazwa hospitalini mwishoni mwa wiki kwa ajili ya vipimo vya afya yake.

Rais wa Afrika Kusini, Jacob Zuma alisema Jumapili kwamba madaktari wamekamilisha vipimo vyote vilivyokuwa vimepangwa na kwamba Bw. Mandela yupo kwenye hali nzuri na ilivyokuwa siku za nyuma, afya yake inaendelea kuangaliwa na timu ya madaktari.

Msemaji wa Rais wa Afrika Kusini Mac Maharaj amesema hakuna sababu yeyote ya kuwa na wasiwasi wakati madaktari wakiendelea kumfanyia uchunguzi zaidi mshindi huyo wa tuzo ya amani ya Nobel. Bw. Mandela alilazwa mwezi Desemba kwa sababu ya maambukizo kwenye mapafu.Chanzo cha habari hidhaa ya kiswahili irani