BAHATI BUKUKU NUSU KIFO!

Stori: Oscar Ndauka
NI kweli ajali haina kinga! Nyota wa nyimbo za Injili Bongo, Bahati Lusako Bukuku ameumia mgongo na maeneo kadhaa ya mwili (nusu kifo) kiasi cha kushindwa kukaa, kusimama wala kutembea kufuatia ajali mbaya ya gari iliyotokea kwenye eneo la Ranchi ya Narco wilayani Kongwa, Dodoma saa tisa usiku wa kuamkia Jumamosi, Ijumaa Wikienda lina undani wa mkasa mzima.

Nyota wa nyimbo za Injili Bongo, Bahati Lusako Bukuku.

Kwa mujibu wa chanzo makini, katika ajali hiyo ambayo Bahati alikuwa akienda Kahama, Shinyanga kwenye mkutano wa Injili, dereva wa gari alilokuwa akisafiria aina ya Toyota Nadia lenye namba za usajili IT 7945, Edison Mwakabungu ‘Eddy’ (31) aliumia sana kwenye vidole vya miguu na hawezi kutembea.

Muonekano wa gari hilo kwa ubavuni kulia.

Wengine waliokuwemo kwenye ajali hiyo ni wacheza shoo wa Bahati, Frank Muha (20) na mwenzake ambaye jina lake halikupatikana mara moja.

BAHATI BUKUKU APATA AJALI

Muimbaji wa nyimbo za Injili, Bahati Bukuku.

Muimbaji wa nyimbo za Injili, Bahati Bukuku amepata ajali ya gari akiwa na dereva wake, Eddy maeneo ya Kongwa Dodoma usiku wa kuamkia leo.
Akiongea kwa simu Bahati amesema: “Ni Mungu tu aliyetuokoa, tulikuwa tunaelekea Kahama kwenye huduma ghafla tukagongana uso kwa uso na lori, gari yetu aina ya Toyota Nadia  iliruka na kubiringika kama mara tatu hivi, tumetoka tukiwa tumeumia sana.
“Hapa siwezi kusimama wala kukaa na dereva wangu kaumia sana mguu. Gari yangu imeumia sana wala huwezi kuamini kama kuna mtu katoka salama.”
Taratibu za kumhamishia Bahati kutoka Hospitali ya Kongwa kuja Muhimbili zinafanywa na ndugu pamoja na marafiki.
Tunakuombea upone haraka Bahati.

KUTOKA MSIBANI KWA BABA MDOGO WA BAHATI BUKUKU

BAHATI BUKUKU AFIWA NA BABA YAKE MDOGO

Bahati Bukuku.

MSIBA mkubwa umeikumba familia ya msanii wa nyimbo za injili, Bahati Bukuku amefiwa na baba yake mdogo Lwagha Amen Bukuku kafariki dunia leo saa 3 asubuhi hospital ya Kadinali Ukonga baada kuugua kwa muda mrefu jijini Dar es Salaam.
Msiba upo nyumbani kwa Bahati Bukuku Tabata Kisukulu utaratibu wa Mazishi ni siku ya Alhamis makaburi ya Sinza.
GLOBAL PUBLISHERS LTD INAMPA POLE BAHATI BUKUKU PAMOJA NA FAMILIA NZIMA YA MZEE BUKUKU KWA MSIBA HUU. BWANA ALITOA NA BWANA AMETWAA, JINA LAKE LIHIMIDIWE.

(Habari: Jelard Lucas/GPL)

BAHATI BUKUKU KUZINDUA DUNIA HAINA HURUMA BURE PTA JUMAPILI YA LEO PTA SABASABA.

Rose Muhando, Christina Shusho, Bonny Mwaitege, Martha Mwaipaja, Upendo Nkone, Edson Mwasabwite, Jennifer Mgendi, Christina Matai, na wengineo wengi tu watakuwepo kumsindikiza Bahati Bukuku wakati wa tamasha la kuzindua DVD ya dunia haina huruma bure kabisa.

Katika mahojiano na Silas Mbise kupitia Gospel Celebration ya WAPO Radio FM, Bahati anaeleza sababu ya kufanya uzinduzi huo bure ni kwamba anahitaji watu wengi wafike kwenye ukumbi wa PTA kwenye viwanja vya sabasaba.

Kwa kuwa imekuwa desturi ya baadhi ya watu kutofika kutokana na kukosa hela ya kiingilio, sasa hapa anawaambia kuwa wajipange kwa nauli yao tu na kwenda siku hiyo (Jumapili tarehe 8) wapate kununua DVD yake kwa mara ya kwanza itakapoanza kuuzwa.

Kwa maelezo ya Bahati Bukuku, basi hauna sababu ya kukosa kuhudhuria kwenye tamasha hilo litakaloanza mishale ya saa 8 mchana na kuendelea.

KIINGILIO NI BURE LEO HIIIIIII TPA SABASABA

DIVA: HATA KAMA ANA WANAWAKE, NIACHENI NA PREZZO WANGU

MTANGAZAJI wa Kituo cha Redio cha Clouds, Loveness Malinzi ‘Diva’ ambaye hivi karibuni alianika penzi lake na mwanamuziki wa Kenya, Jackson Makini ‘Prezzo’, amefunguka kuwa watu waache kumsema vibaya mtu wake huyo na kudai hata kama ana wanawake wengine, anampenda tu.

 

Loveness Malinzi ‘Diva’ katika pozi na staa wa muziki wa Kenya, Jackson  Makini ‘Prezzo’.

Diva juzikati kupitia mtandao mmoja wa kijamii alisema: “Watu wananizungumzia sana mimi na Prezzo na wengine wanasema eti ni mtu wa wanawake sana, jamani Prezzo ni rais, ni mtu mzima na labda hamumjui vizuri ila niamini mimi, jamaa ni sweetheart.

 

                                               Prezzo katika pozi na Huddah.

“Ni mtu mzuri sana na naweza kusema nina bahati sana kuwa naye. Acheni kuzusha vitu ambavyo havipo na hata kama vipo hamna uhakika navyo. Hilo la kusema anatembea na Huddah au Victoria, namtakia kila la heri, ana baraka zangu zote na nampenda kwa kuwa ni mwanaume wa aina yake, niacheni,” alisema Diva na kuongeza:
“Prezzo ni mwanaume, tena mwanaume wa Kiafrika, maneno ya nini?”
Ijumaa lilijaribu kumtafuta Diva kupitia simu yake ya kiganjani ili azungumzie maneno yake hayo lakini hakuweza kupatikana mara moja.

BAHATI BUKUKU APATA MCHUMBA.

Mwimbaji wa Muziki wa Injili Bahati Lusako Bukuku.

MWIMBAJI wa Muziki wa Injili mwenye muonekano wa ‘mama mwenye ndoa’, Bahati Lusako Bukuku amefunguka kuwa amepata mchumba lakini tatizo linabaki kuwa mume wake wa zamani, Daniel Basila ambaye anasuasua kumpa talaka yake, Amani lina mkoba mkononi.
Akizungumza na ‘balozi’ wetu jijini Dar juzikati, staa huyo anayetamba na wimbo wake wa Dunia 

Haina Huruma aliweka ‘pleini’ kwamba hivi karibuni Mungu amemjalia kupata mchumba ambaye anahofia kumwanika kwa kuwa anabanwa na kifungo cha ndoa yake ya kwanza aliyofunga na Basila.
 

Bahati alisema kuwa kifuatacho inabidi adai talaka yake kwa nguvu zote hata ikiwezekana kufikishana polisi ili aondokane na kifungo cha ndoa hiyo na aanze mipango ya ndoa kwa kuwa hataki kumtendea Mungu dhambi.
 

Alisema kuwa, mara nyingi amekuwa akimkumbusha mumewe huyo wa zamani kuhusu talaka lakini amekuwa akimwambia asikonde talaka yake ipo hivyo avute subira.
Bukuku aliolewa na Daniel na kufanikiwa kupata mtoto mmoja ambaye alifariki dunia mwaka 2006 kabla staa huyo kutengana na mumewe.

CHANZO CHA HABARI NI MTANDAO WA GLOBAL PUBLISHERS