MADENTI, PICHA ZA UTUPU ZA NINI?

Niwape hi kwa furaha sana wapendwa wasomaji wa safu hii, ingawa zaidi ningependa ziwafikie wanafunzi popote pale gazeti hili linaposomwa. Hawa jamaa ni wadau wangu wakubwa sana, hasa katika kubadilishana mawazo inapobidi.

Juzi nilikuwa naperuziperuzi kwenye mtandao, mara nikakutana na picha za aibu zilizopigwa na msichana ambaye ametambulishwa kama ni mwanafunzi, haikuelezwa kama ni denti wa sekondari au vyuo, lakini kwa uzoefu, inaonekana kabinti ni ka sekondari!

Nilipoziona, zikanikumbusha miaka kadhaa nyuma, kama minne au mitano hivi, wakati picha za msichana mmoja, aliyekuwa amevalia fulana zinazotumiwa na shule moja ya sekondari iliyopo Mbezi, jijini Dar es Salaam, zilipovuja na kufika gazetini. Binti huyo, alipigwa picha akiwa katika mikao mbalimbali akiwa mtupu!
 

Simulizi zilivuja kwamba kabla ya picha hizo kufika magazetini, ambako zilichapishwa, msichana huyo alishajaribu mara nyingi kuzuia zisisambae lakini bila mafanikio. Unajua ilikuwaje?

Mtu wa kwanza kuzidaka, alimfuata na kumuonyesha picha zake na kumtisha kuwa angezipeleka magazetini au kwa wazazi wake kama asingempa uroda. Kwa hofu, denti akalazimika kutii matakwa yale. Basi ikawa mchezo, picha zikaendelea kuhama kutoka kwa huyu hadi huyu na binti akajikuta akigeuka mtumwa wa ngono ili kulinda heshima yake, hadi alipokuja kugundua kuwa angetumika hadi mwisho wa dunia, akaamua kukataa, akisema liwalo na liwe, ndipo zilipofika gazetini na kutoka!

Pistorius alimuua mpenzi wake kimakosa

Oscar Pistorius

Mwanariadha mlemavu wa Afrika Kusini Oscar Pistorius alimuua mpenzi wake kimakosa baada ya kudhania kuwa alikuwa mwizi aliyekuwa amevamia nyumba yake.

Aliambia mahakama kuwa alimpenda mchumba Reeva Steenkamp na wala hakuwa na nia yoyote ya kumuua

Viongozi wa mashtaka wanamtuhumu Pistoriusa kwa mauaji wakisema alikuwa amepnga kumuua mchumba wake baada ya kumpiga risasi mara tatu na kumuua akiwa ndani ya bafu nyumbani kwake.

Taarifa kuhusu mauaji hayo zimeanza kujitokeza katika kesi ambapo jaji ataamua ikiwa atampa Pistorius dhamana au la.
Haya yamejitokeza kwenye maelezo ya viongozi wa mashtaka huku mazishi ya mwanamitindo huyo yakifanyika mjini Port Elizabeth

Viongozi wa mashtaka wanasema kuwa Oscar alimuua Reeva baada ya kupanga mauaji yake. Madai anayotarajiwa kuyapinga vikali.
Pistorius alibubujikwa na machozi alipokuwa anasikiliza maelezo ya viongozi wa mashtaka, lakini mawakili wake walisema kuwa mauaji hayo hayakupangwa.

MSAADA PEKEE KWA WATU WENYE UFAHAMU MDOGO

KAMA wewe ni mmoja kati ya watu ambao wana tatizo la ufahamu mdogo au mwanao ana ufahamu mdogo, basi ungana nami upate ufumbuzi wa tatizo hili. Uchunguzi unaonesha kuwa mashuleni,  makazini na kwenye jamii kuna watu ambao wanadharaulika kwa sababu si wazima katika uelewa. Hali hii imekuwa ikiwauma wahusika hasa pale wanapojaribu kufanya mambo kwa uwezo wao wote na kupata matokeo dhaifu.
Wanafunzi wengi wamejaribu kusoma kwa bidii, lakini wamejikuta katika nafasi za chini,  wengine wametumia uwezo wao katika kazi, lakini ukaguzi wa bosi hukosoa walichokifanya. Kwa kifupi watu wenye kasoro hii wamejikuta wakipoteza dhamana mbele ya wenzao. Kutwa hubebeshwa kauli hizi: “Usimtume fulani hataweza.” “Somo gani, la Kiswahili? Hawezi.” “Hana uwezo wa kuoa.”
Kauli hizi zinauma na wengi zimewakatisha tamaa. Wazazi wamewatenga watoto wao kwa sababu wanashindwa kupata alama za juu katika mitihani yao. “Wewe shule huwezi labda usubiri kuolewa.” “Mtoto huyu hasara tupu haelewi kabisa unapomwambia.” Lakini je, saikolojia inaamini katika kushindwa? Jibu ni hapana kwa sababu historia inaonesha kuna watu wengi ambao walikuwa hawawezi lakini baadaye waliweza. Njia ya kufanya ni hii!

JUKUMU LA MHUSIKA
Jukumu la mhusika katika kushughulikia tatizo la ufahamu mdogo ni kujitambua. Atambue maeneo ambayo yanamkwaza na ayaorodheshe tayari kwa kuyaongezea umakini. Kama ni masomo, basi ajue ni yepi yanayomshinda, kama ni yote uchungu wake usiwe kuona aibu baada ya kudharauliwa bali kwa kushindwa kufanikiwa.
Mhusika atenge muda wa kutosha kujizoeza katika yale anayofundishwa na awe na wakati wa kuyarudia. Aepuke kuchanganya mambo kabla ya kutimiza alichokusudia kukifanya. Mbio zake ziwe ni kupata alichokilenga. Kwa wale ambao ufahamu wao ni mdogo kazini, nao vivyo hivyo wanatakiwa kujifunza kwa bidii na kuwaweka wenzao wanaoweza kama shabaha ya ukamilifu. Kujielimisha kupitia vyombo vya habari, kusoma vitabu na kuwa karibu na wenye uelewa mkubwa ni jambo la muhimu.
Mwisho wahusika wanatakiwa kuwa mbali na hali ya kukata tamaa, hasa pale wanapojaribu jambo na kujikuta wamekosea. Wawe karibu zaidi na waalimu wao, wawe tayari kukiri kushindwa kwa lengo la kutaka msaada na kuepuka ukimya na kufanya jambo huku wakiwa na hofu au uelewa mdogo.