ENGLAND YACHAPWA 4-2 NA SWEDEN, IBRAHIMOVIC APIGA 4 PEKE YAKE.

SWEDEN wakiwa nyumbani jana usiku waliitandika Uingereza 4-2 katika mchezo mkali wa soka wa kirafiki.

Mtu aliyepeleka kilio kwa Waingereza ni mshambuliaji wa PSG ya Ufaransa Zlatan Ibrahimovic aliyefunga mabao yote manne.

Hiki kinakuwa ni kipigo cha kwanza tangu Roy Hodgson achukue nafasi ya kuikochi Uingereza na ni mara ya kwanza pia kwa taifa hilo kufungwa mabao manne na mtu mmoja.

Ibrahimovic alianza kufunga goli mwanzoni kabisa mwa mchezo kabla ya Uingereza haijapata mabao mawili kupitia kwa Welbeck na Steven Caulker na kufanya Sweden iwe nyuma kwa 1-2 hadi mapumziko.

Mabao matatu yaliyofungwa na Ibrahimovic katika ngwe ya pili yalikuwa ni shubiri tosha kwa nahodha wa Uingereza Stephen Gerald aliyekuwa akifurahia kutimiza mechi ya 100 kwa taifa lake.Via www.saluti5.com