ASHITAKIWA KWA KUTAKA KUMUUA MPENZI WAKE KWA MATITI

UNNA, UJERUMANI- Habari na Saluti5.com

MWANAMKE mmoja nchini hapa, Karin Hoffer amepandishwa kizimbani akidaiwa kutaka kumuua mpenzi wake kwa kumziba pumzi na maziwa yake.

Karin anatuhumia kwa kumlazimisha mpenzi wake huyo kuingiza kichwa katikati ya maziwa yake wakati wakifanya mapenzi.

Mahakama ilielezwa kwamba mpenzi wake huyo, Andreas Koller alihangaika kupumua wakati alipokuwa amebanwa kisawasawa na mwanamke huyo.

Waendesha mashitaka wamesema kuwa wakati Andreas alipojaribu kupumzika kwa kuondoka kifuani, Karin mwenye umri wa miaka 33, alimvuta na kumbana kwa mikono yake.

Majaji waliahirisha kesi hiyo baada ya wanasheria wa upande wa utetezi kuiambia mahakama kuwa mtuhumiwa anasumbuliwa na matatizo ya kisaikolojia na asingeweza kupanda kizimbani.

Andreas aliiambia mahakama: “Hakika nilimpenda kwa moyo wangu wote, lakini ninachohitaji si maneno, bali kufanyika uchunguzi kuthibitisha kama ana akili sawasawa ama la.”