Hakuna haja ya maandamano - Udasa ya kupinga matokeo mabaya ya kidato cha nne

Dar es Salaam. Jumuiya ya wanataaluma wa Chuo Kikuu Cha Dar es Salaam (Udasa), imesema hakuna haja ya wanasiasa kufanya maandamano ya kupinga matokeo mabaya ya kidato cha nne na badala yake wanatakiwa kushirikiana na Watanzania kudai mfumo mpya wa elimu.

Mbali na hilo, wamesema kwa sasa wanatakiwa kusubiri majibu ya Tume iliyoundwa na Waziri Mkuu Mizengo Pinda kufuatilia chanzo cha wanafunzi wengi kufanya vibaya kwenye mitihani yao ili wajue tatizo.

Hayo yalisemwa Dar es Salaam jana na Mwenyekiti wa Jumuia hiyo, Dk Francis Michael wakati akitoa taarifa ya kukemea vitendo mbalimbali vya uvunjifu wa amani vinavyofanywa na baadhi ya watu.