JULIO AZICHAPA KAVUKAVU NA SHABIKI TANGA.

Kocha Msaidizi wa Simba, Jamhuri Kihwelo ‘Julio’.

KOCHA Msaidizi wa Simba, Jamhuri Kihwelo ‘Julio’, juzi Jumatano alikuwa katika wakati mgumu na kulazimika kuzichapa na shabiki ambaye alimvaa na kumtupia maneno makali.

Mashabiki akadhaa walimtuhumu kuchukua mlungula na kusababisha timu hiyo kushindwa kufanya vizuri baada ya kuambulia suluhu katika mechi dhidi ya Coastal Union kwenye Uwanja wa Mkwakwani, Tanga.

Baada ya mechi hiyo mashabiki hao walimfuata Julio nyuma ya jukwaa kubwa na kumzonga huku wakimtupia lawama kwa kuihujumu timu yao.

Julio alipoona mashabiki hao wanaendelea kumtolea lugha kali, naye alikazana kuwajibu kwa kuwatolea lugha kali, baada ya mapishano kushika kasi, Julio akitumia makabrasha aliyokuwa ameyashika, akaanza kumpiga nayo shabiki mmoja kichwani.

Baada ya kuona vuta nikuvute imezidi ndipo askari wa kutuliza ghasia waliitwa kutuliza zogo hilo ili kocha huyo aondoke kwa amani uwanjani hapo.

“Wewe tushakujua mtu wa ‘ten percent’, huna lolote, unaacha kuchezesha wachezaji wa maana unatuwekea makanyanga yako,” alisikika shabiki huyo aliyetwangwa na makabrasha kichwani.

“Kwani we nani kwenye timu hii, hata kadi huna hapo ulipo,” alisikika Julio akijibu mashambulizi huku akiingia kwenye gari aina ya Mitsubishi Erandis yenye namba za usajili T 404 CBJ. 

CREDIT GPL.