MBONI AJUMUIKA NA WATOTO YATIMA MKOANI IRINGA

Mtangazaji wa kipindi cha Mboni show, Mboni Masimba akimkabidhi zawadi mtoto yatima Ally Mustapha baada ya kuimba vizuri katika mlo uliandaliwa na Mboni katika ukumbi wa Highland hall.

Wageni  katika hafla maalum ya mlo wa pamoja uliondaliwa na kipindi cha Mboni Show, Kamanda wa Jeshi la Polisi mkoa wa Iringa ACP Ramadhani Mungi (kulia), Mboni Masimba katikati akiwa na mkurugenzi wa makampuni ya Asas, Salim Asas Abri, mgeni kutoka Nigeria

Na Denis Mlowe  wa  Francis Godwin Blog
MTANGAZAJI wa kipindi cha ‘Mboni Show’ kinachorushwa na luninga ya EATV, Mboni Masimba siku ya jana amejumuika pamoja katika hafla na watoto yatima zaidi ya 200 walioko katika mkoa wa Iringa.

Katika hafla hiyo umejumuisha vituo vitatu vya watoto yatima vilivyoko mkoani Iringa vya Upendo center na Tosamaganga na kingine kilichoko katika wilaya ya Mufindi cha Moyo kwa Moyo.

Hafla  hiyo  ya  kula  chakula cha mchana na yatima imefanyika katika ukumbi wa Highland hall na kuhudhuriwa na baadhi ya wafanyabiashara maarufu mkoani hapa akiwemo mkurugenzi wa makampuni ya Asas, Salim Abri Asas na mgeni rasmi alikuwa kamanda wa Polisi mkoa wa Iringa ACP Ramadhani Mungi..

Mbali ya kuwalisha watoto hao mboni ametumia muda huwa kuendesha  kipindi chake cha Mboni Show  kwaa kujumuika na watoto hao.

Watoto yatima hao walipata zawadi mbalimbali ambazo zimetolewa na Mboni.
Mtangazaji huyo amekuwa ni mmoja wa watangazaji wanaojitolewa kwa kiasi kikubwa katika kusaidia watoto yatima na kufikia hatua wakati mwengine kuangusha kilio kutokana na kubanwa na huzuni kutoka kwa watoto hao.

Mboni  alisema  lengo  kuu ni kuwakumbusha  watanzania juu ya  kuwakumbuka  watoto  yatima  kama  ambavyo wamekuwa  wakichangia sherehe mbali mbali kama harusi, vipaimara, na kitchen party.