HUYU NDIYE KIJANA JACKSON THOBIAS ALIYEFARIKI BAADA YA KUGONGWA NA TRENI

Kijana mdogo wa miaka 17, Jackson Thobias a.k.a Kush aliyekuwa akisoma kidato cha nne ESACS Academy, amefariki kwa kugongwa na treni maeneo ya kwao Kipawa. Aligongwa akiwa anasikiliza muziki kwa headphones huku akichati katika simu yake wakati akitembea kwenye reli.

Pamoja na mlio mkubwa wa treni, na juhudi za watu kumpigia kelele kuwa kuna treni inakuja nyuma yake, Jackson hakusikia.

Marehemu Jackson ndiye aliyeshinda kwenye Tokelezeiyer Inter-School Concert iliyoandaliwa na kundi la Friends 4 Friends tarehe 12 Mei 2012, pia alishinda Dougie Competition wakati 5Select Event ya EATV ilipotembelea ESACS wiki mbili zilizopita.

Alikuwa ni kijana mwenye kipaji na ndoto nyingi katika umri mdogo wa miaka 17, Mungu aipumzishe roho ya marehemu Jackson Thobias kwa amani, Amen.

PICHA/HABARI NA www.mohammeddewji.com/blog

 Jackson Thobias a.k.a Kush enzi za uhai wake.