THEA, SAUDA WAPOEWA POLE KWA WATOTO SIYO RIZIKI

 

                                            Sauda Mwilima mtangazaji wa Star Tv

Baada ya kubeba ujauzito na baadaye kujifungua watoto wasio riziki, mstaa wa Tanzania, Ndumbangwe Misaya a.k.a Thea na mwenzake, Sauda Mwalima ambaye ni mtangazaji wa Star Tv wadau mbalimbali wamewapa pole wazazi hao.

Watu waliomwaga pole hizo kupitia mtandao huu walisema taarifa za kujifungua hatimaye watoto wao wakawa siyo riziki ziliwashtua sana kwa vile ni wao wenyewe waliamini kinyume cha hapo.

“Unajua unaposikia mama aliyelea mimba yake kwa miezi tisa bila matatizo, unapokuja kujsikia amejifungua lakini amepoteza mtoto huyo inauma sana. Kwani inamaanisha kwamba miezi yote tisa aliyojitahidi kulea ilikuwa kazi bure na mategemeo yake yamepotea,” mama Rubein ambaye ni mkazi wa Ilala alisema.

Sauda Mwilima, alijifungua mtoto si riziki miezi michache tu baada ya kufunga ndoa. Kinachouma zaidi ni kwamba mtangazaji huyo alijifungua kwa kufanyiwa upasuaji na siku za karibuni aliripotiwa yupo nyumbani anaendelea kuuguza majeraha yake.

Thea ambaye mumewe ni staa wa movie za Tanzania, Michael Sangu ‘Mike’ nay eye pia alijifungua baada ya kuishi miaka miwili katika ndoa lakini kwa bahati mbaya sana mtoto wake akapoteza maisha.