MSHINDI WA KWANZA WA GARI LA SERENGETI FIESTA 2012 MOSHI APATIKANA

Mkurugenzi wa Vipindi na Uzalishaji wa Clouds Media Group, Rugemalila Mutahaba (kulia), akikabidhi funguo na fairi la gari hiyo kwa mshindi wa Serengeti Fiesta 2012 Moshi.
Mshindi wa gari hiyo, Adam Ramadhan Gogo, akiwa kwenye mshangao wakati akijaribu kuwasha gari hilo mara baada ya kukabidhiwa.
Adam Gogo akimkabidhi ufunguo wa gari mkewe Sophia, huku akishuhudiwa na Mkurugenzi wa Vipindi na Uzalishaji wa Clouds Media Group, Rugemalila Mutahaba (wa kwanza kulia), na Godfrey Kusaga aliyesimama kushoto.
Kaka wa mshindi wa gari hilo, Hamisi Ramadhani Gogo, akiongea  kwa furaha muda mfupi baada ya mdogo wake kukabidhiwa gari. Wanaoshuhudia ni baadhi ya ndugu zake.
Adam akitoa neo la shukrani baada ya kupokea nyaraka na ufunguo wa gari hilo.

MSHINDI wa gari  aina ya Toyota Vitz, inayochezeshwa kwenye muonekano mpya wa Serengeti Fiesta 2012, Bw. Adam Ramadhan Gogo, jana alikabidhiwa rasmi mchuma wake na Mkurugenzi wa Vipindi na Uzalishaji wa Clouds Media Group, Rugemalila Mutahaba, baada ya kuibuka mshindi katika Bahati Nasibu iliyochezeshwa na Mkuu wa Mkoa wa Kilimanjaro, Bw. Leonidas Gama katika uzinduzi wa Serengeti Fiesta 2012 Moshi.
Makabidhiano hayo yalifanyika nje ya Hoteli ya Nyumbani mjini Moshi.