LILE shindano bab’kubwa la kumsaka staa wa kike ambaye hajaolewa mwenye mvuto, The Ijumaa Sexiest Girl 2012, leo ni fainali yake ambapo mshindi atapatikana na kutangazwa ndani ya Ukumbi wa Dar Live uliopo Mbagala jijini Dar kwenye shamrashamra za Sikukuu ya Idd.
Katika shindano hilo, warembo wakali Wema Sepetu, Jacqueline Wolper na Agness Gerald ‘Masogange’ waliingia Tatu Bora na leo ndiyo ile siku ya kumjua yule aliyewafunika wenzake.
Tukio hilo la kihistoria litasindikizwa na burudani ya kufa mtu kutoka kwa wasanii wakali na wenye heshima Bongo, Ommy Dimpoz (kwa mara ya kwanza Dar Live), Juma Nature, Chid Benz, TOT Taarab chini ya Khadija Kopa huku lile shindano la King of Mic likiendelea kuchukua nafasi.
“Kwa kweli leo pale Dar Live historia itaandikwa, burudani ya kipekee ambayo haijawahi kutokea itapatikana kwani wasanii wamepania kufanya shoo classic.
“Siyo siku ya kukosa kwa wale wapenda burudani. Watoto nao waje kwa wingi kwani watapata burudani kutoka kwa Dogo Aslay na Mtanga kwa kiingilio cha Sh. 2,000 tu huku wakubwa wakilipia Sh. 5,000 tu getini,” alisema Luqman Maloto, mmoja wa waratibu wa mpango mzima.
No comments:
Post a Comment