AJALI MBAYA YATOKEA MKOANI MANYARA, FUSO LAGONGANA USO KWA USO NA BASI LA ABIRIA

AJALI  mbaya ya gari imetokea usiku huu  tayari maiti 5 zimepatikana huku watu wakijaribu kuwaokoa abiria wengine.

Basi la kampuni ya Mtei No. T 827 CDZ limegongana uso kwa uso na Fuso T 765 ACD huku likihusisha pia gari dogo la abiria Hiace No T 203 AQR.

Kwa mujibu wa ripota wa Saluti5, Adam Kihago ambaye yupo eneo la tukio, amesema Fuso lilikataa kushika breki kwenye mteremko mkali, likaenda kuogonga Hiace na kulisukumiza bondeni na kisha Fuso hilo likaenda kugongana na basi la Mtei uso kwa uso.

Basi la Mtei lilikuwa linatokea Arusha kuelekea Babati kabla ya kukutana ajali hiyo eneo la Kiongozi, Kilomita chache kabla ya kufika Babati mjini.

Kwa hali ilivyo, inaaminika ajali hiyo imesababisha vifo vya watu wengi pamoja na majeruhi wengi.