Aunt Ezekiel anakuja kivingine

NYOTA wa kike wa tasnia ya filamu, Aunt Ezekiel hivi karibuni anatarajiwa kuonekana kwenye muvi mpya inayokwenda kwa jina la ‘Brothers & Sisters’, imefahamika.

Mmoja wa Wakurugenzi wa Kampuni ya Soweto Picture inayoandaa picha hiyo, Hamis Mbega ‘Bobo Mautundu’ alisema, Aunt ataonekana akicheza zaidi ya kiwango chake cha kawaida.

Bobo alisema kuwa, anaamini Aunt ni kati ya wasanii watakaoiongezea ladha zaidi filamu hiyo, kutokana na namna alivyocheza, “Aunt anakuja kivingine kabisa” alisema Bobo

“Baadhi ya wasanii wengine watakaoonekana kwenye muvi hiyo, ni pamoja na Yusuph Mlela, Lomole Matovolwa ‘Big’ na Thabit Abdul,” alisema Bobo.