MWILI WA SAJUKI WAONDOLEWA MUHIMBILI

MWILI msanii nyota wa filamu, Juma Kilowoko “Sajuki” aliyefariki jana alfajiri, umeondolewa katika vyumba vya kuhifadhia maiti vya Hospital ya Taifa, Muhimbili.

Na badala yake, mwili wa Sajuki sasa umekwenda kuhifadhiwa katika chumba cha maiti cha msikiti wa Shadhir (Masjid Shadhully) ulipo kariakoo mtaa wa Sikukuu na Twiga.

Mwili ukiondolewa Hospital ya Muhimbili

Msanii Issa Mussa “Cloud” aliiambia Saluti5 kuwa lengo la kuhamisha mwili huo ni kujaribu kufanikisha taratibu zote za kesho kwenda na muda.

Mwili wa Sajuki ukiingizwa msikiti wa Shadhully

Msikiti wa Shadhully atakaoswaliwa marehemu Sajuki kesho

“Muhimbili process za kuchukua mwili ni ndefu na hata huduma zao za kuosha mwili wa marehemu ni ndefu pia kutokana na wingi wa maiti zinahofadhiwa na kuoshwa hospitalini hapo.

“Hivyo tumeona tuupeleke mwili Masjid Shadhully kwa vile hakuna msongamano kama wa Muhimbili” alisema Cloud.

Masjid Shadhully ndo msikiti atakaoswaliwa Sajuki hiyo kesho ambapo mwili wake utachukuliwa msikitini hapo saa 4 asubuhi na kulepekwa nyumbani kwake Tabata na baadae kurudishwa tena Masji Shadhully kwaajili ya kuswaliwa na kwenda kuzikwa makaburi ya Kisutu baada ya swala ya Ijumaa saa 7 za mchana.

                                                 CHANZO CHA HABARI NA SALUTI5