Mauaji ya mpigo hutokea kila mwezi nchini Marekani

Uchunguzi uliofanyika hivi karibuni nchini Marekani unaonesha kuwa, tangu mwaka 2009 kwa uchache mauaji mamoja ya watu wengi kwa mpigo yanatokea kila mwezi nchini humo. 

Uchunguzi huo ulioendeshwa na watafiti wa Mayors Against Illegal Violence kwa kuangalia data za polisi ya FBI  na ripoti za vyombo vya habari katika kila tukio la mashambulizi yaliyopelekea watu wengi kuuawa kwa mpigo tangu mwezi Januari mwaka 2009 unaonesha kuwa, pamoja na mambo mengine, kuna kesi 43 za mauaji yaliyosababishwa na ufyatuaji risasi na kuua watu wengi kwa mpigo zilizofanywa na watu waliobeba silaha waliovamia maeneo ya uma katika majimbo 25 ya Marekani katika kipindi hicho cha miaka minne iliyopita jambo ambalo linaonesha kuwa kwa kila mwezi kwa uchache kesi moja ya mauaji kama hayo inatokea nchini Marekani. 

Hayo yaliripotiwa jana na gazeti la Washington Post na kuongeza kuwa, mashambulizi ya namna hiyo ni sehemu ndogo tu ya vifo vinavyotokea Marekani kwa kutumia mabavu. Kwa mujibu wa uchunguzi huo, kesi hizo zinajumuisha yale mashambulizi ambayo kwa uchache yamepelekea watu wasiopungua wanne kuuawa kwa mpigo.

                                                Chanzo Idara ya Iran kiswahili Radio