‘Mapepo’ yasababisha Sekondari ya Kata ya Manzeseshule kufungwa.

Dar es Salaam. 
Wanafunzi wa Sekondari ya Kata ya Manzese, wamedai kutokewa na hali isiyoeleweka na kusababisha wenzao 32 kuanguka na kupoteza fahamu kwa nyakati tofauti.

 
Tukio hilo lilianza saa 2:35 asubuhi na kudumu hadi saa 6:00 mchana. Kutokana na hali hiyo, uongozi wa shule hiyo umesitisha masomo kutwa nzima ya jana ili kuwahudumia wanafunzi hao na kuwaruhusu wengine kurudi nyumbani hadi kesho.

Mkuu wa sekondari hiyo alipofuatwa ofisini kwake kuzungumzia suala hilo, alikutwa akiombewa na Mchungaji wa Kanisa la Tanzania Assemblies of God (TAG), ambaye baadaye alijitambulisha kwa jina la Godfrey Alphonce maarufu kama Punda wa Yesu.

Mchungaji huyo baada ya kumaliza ibada hiyo, Mkuu wa shule alitoka akiwa ameambatana na watu wengine na alikataa kuzungumza na waandishi wa habari waliokuwapo.

“Nimechanganyikiwa naomba uniache, akili yangu haipo vizuri,” alisema mwalimu huyo na kupanda gari kisha kuondoka eneo hilo.

Kamanda wa Polisi Kinondoni, Charles Kenyela alipulizwa kuhusiana tukio hilo, alisema ofisi yake haijapata taarifa.

Wanafunzi wa shule ya Sekondari Manzese iliyopo Manzese Uzuri, jijini Dar es Salaam wamevamiwa na mashetani na kuanguka hovyo darasani huku wakipiga kelele na kuongea

maneno yasiyoeleweka na kusababisha hofu kutanda maeneo hayo.

Tukio hilo limetokea kuanzia saa nne asubuhi ambapo alianza mwanafunzi mmoja kupiga kelele na kuanguka wakati wakiendelea na masomo ambapo alitolewa nje ya darasa lakini cha kushangaza waliendelea kuanguka wengine wengi huku wakipiga kelele na kupigana kama vichaa.