WAZICHAPA WAKIGOMBEA BWANA

Uswahilini kuna mambo! Wanawake wawili waliofahamika kwa jina moja moja la Asha na Mariamu wakazi wa Gongo la Mboto, jijini Dar hivi karibuni walizichapa mchana kweupe wakiwa harusini kwa ajili ya kumgombea mwanaume.
 

Mwandishi wa habari hizi alishuhudia tukio zima ambapo wawili hao walikuwa miongoni mwa washiriki wa sherehe ya harusi hiyo na wote wakiwa wamevaa madira.

Mariamu na nguo za ndani baada ya kuzichapa na Asha.

Asha alionekana akiwa karibu na mwanaume aliyesababisha tafrani hiyo ambaye hata hivyo hakufahamika jina lake mara moja.
 

Ilidaiwa kuwa mwanaume aliyegombaniwa, awali aliwahi kuwa na uhusiano wa kimapenzi na Mariamu kabla ya kuachana na kuanzisha urafiki na Asha.

Wakiwa wanaendelea kucheza muziki, walionekana kufanyiana vituko kwa ishara huku kila mmoja akijiona ndiye anayefaa, hatimaye uzalendo ulimshinda Asha aliyemfuata na kumvamia Mariamu na kuanza kuzichapa, wakang’atana na kuvuana nguo hadharani huku watu wakishangilia.

 

Mtiti ulikuwa mkali hali iliyosababisha Mariamu abakie na nguo za ndani pekee huku Asha akidai kuwa mwenzake huyo alikuwa akimcheka kwa muda mrefu.

“Siwezi kukubali hata kidogo kwa sababu nilikuwa nacheza yeye akasema eti nilikuwa namcheka, kwa lipi, kama huyo mwanaume hapa kwangu ni kama msikiti, asipokuja kusali atakuja maiti,” alisikika akitamba Mariamu.
Baada ya vurumai hiyo, Asha alitokomea kusikojulikana akiwa na mwanaume huyo huku hasimu wake akiondoka na kundi la marafiki zake kuelekea nyumba anayoishi adui yake kwa maelezo kuwa watamsubiri hadi atakaporejea ili wazichape upya.

CHANZO NI GPL