MWANASHERIA ATISHA KWA ‘UMODO’ E. A

Mwanadada Corazon Kwamboka ambaye kitaaluma ni mwanasheria, raia wa Kenya anaonekana kutingisha katika soko la umodo Afrika Mashariki huku baadhi ya warembo wenzake wakimpigia saluti.

Mwanamitindo Corazon Kwamboka.

Mtandao mmoja wa mambo ya mitindo wa Kenya umeandika kuwa, siku chache baada ya Corazon kupiga picha zake za mapozi na kuziingiza mtandaoni, wengi wameonesha kumkubali huku kampuni kibao za mitindo ndani na nje ya Kenya zikitaka kufanya naye kazi.
“Ni mrembo sana, ana umbo namba nane ambalo kila mwanaume atatamani kumuangalia, amekuwa kwenye midomo ya wengi Afrika Mashariki,” aliandika katika mtandao huo mwanamitindo wa Bongo, Hamisa Hassan ‘Hamisa Mabeto’ akionesha kumjua na kumkubali pia.