MABESTE CHARITY SHOW KUHAMIA TEGETA

Pam Daffa.

Venance Mabeste 'Mabeste'.

BAADA ya kufanya shoo maalum ya kuchangia matibabu kwa mkewe, Lisa Karl Fickenscher, staa wa Hip Hop Bongo, Venance Mabeste ‘Mabeste’ anatarajiwa kuiendeleza shoo hiyo tena Jumapili hii ndani ya Club 71, Kibo Complex jijini Dar.

Akizungumza na mtandao huu, Mabeste ambaye aliwahi kubamba na Wimbo wa Baadaye sana alisema kuwa hadi sasa wasanii wengi wa muziki na filamu wameahidi kuwepo siku hiyo.
“Msaada wangu mkubwa bado upo mikononi mwenu, niwaombe tujitokeze kwa wingi kwani kufanya hivyo kutasaidia hata mimi kuweza kumtibia mke wangu ambapo bado shilingi milioni 18.
“Miongoni mwa wasanii tutakaokuwa nao ni Jacqueline Wolper, Shebby-Love, Bob Junior, Pam D, Amini, Rose Ndauka na wengine wengi,” alisema Mabeste.
Mke wa Mabeste anaumwa kwa muda mrefu tangia ana ujauzito wa mtoto wao, Kendrick. Alikuwa akisumbuliwa na moyo pia pumzi zinabana jambo linalomfanya kuzimia mara kwa mara.
Unaweza kumchangia mke wa Mabeste kwa namba za simu hapo chini;
0715 03 24 72 – Wiliam Venance
0712 71 11 11 – Ahmed Sabry