OSTAZ JUMA KUMVAA NIMROD MKONO!

Ostaz Juma katika Pozi

Ostaz Juma alipokuwa nje ya nchi

Baada ya kimya cha muda mrefu na baada ya tetesi kuwa Ostaz Juma naye anajituma kwenye siasa, hatimaye ameibuka na kufungukia ishu ya Ubunge kuwa ni kweli anajiandaa kujitosa kwenye siasa. Juzi mtandao huu uliripoti kile ambacho alikiposti Ostaz Juma kwenye mtandao wake wa Instagram ambacho kiliashiria kujiandaa kuingia Bungeni ambapo baada ya kuibuka kwa stori hiyo, Ostaz ameuendea hewani mtandao huu na kupasua jipu:

"Hapa nilipo najiandaa kwenda kuchukua fomu za kugombea kiti cha Ubunge kupitia CCM na wania Jimbo la Musoma Vijijini, soon mtaniona nikiwa nimetinga mavazi ya CCM kuchukua fomu," alisema Ostaz.

Jimbo la Musoma Vijijini linashikiliwa na Mbunge maarufu na milionea Mzee Nimrod Mkono, alipoulizwa Ostaz amejipanga vipi kuchuana na tajiri Mkono ambaye ameliongoza jimbo hilo kwa miaka mingi alisema:

"Mzee Mkono ameshatumikia jimbo hilo kwa muda mrefu sana na ameshakuwa mzee, anahitaji kupumzika kwa kazi kubwa na nzuri aliyoifanya. Watu wanataka vijana sasa na watu wa Musoma wananikubali sana, wameniomba nigombee kwani wanajua mm napenda sana kusaidia watu," alisema Ostaz ambaye amejipatia umaarufu wa Bongo kama promota wa wasanii Bongo Fleva, ambapo wasanii kama PNC, Dongo Janja, Kitale wameshapata sapoti yake kwa nyakati tofauti.