SERIKALI YAONYA VIONGOZI WA DINI , KUJIHUSISHA KISIASA UVUNJIFU WA AMANI

Mkuu wa Mkoa wa Mwanza, Mhandisi Evarist Ndikilo , akihutubia waumini wa dini ya Kiislam ya Jumuiya ya Ahamadia (hawapo pichani)  

SERIKALI imesema migogoro ya kisiasa na kiitikadi ya kidini, kutokuwepo kwa mgawanyo sawa wa rasimali za nchi kunaweza kuleta uvunjifu wa amani na utulivu uliopo nchini.

  Pia imewaonya wanasiasa na viongozi wa dini wanaochanganya siasa na mambo ya kiroho, kwa kisingizio cha cha dini kuacha kufanya hivyo, kwani wanasababisha uvunjifu wa amani.

  Kauli hiyo ilitolewa jana na Mkuu wa mkoa wa Mwanza, Mhandisi Evarist Ndikilo, katika mkutano wa amani uliondaliwa na Jumuiya ya Waislamu ya Ahamadiya jijini hapa, mkutano ambao ulihudhuriwa na Amiri Sheikh Mkuu wa Jumuiya hiyo nchini, Tahir Mahamood , pamoja na viogozi mbalimbali wa madhehebu ya dini ya kiislamu na kikristo jijini .

  Ndikilo alisema, wapo viongozi wa dini wanachanganya siasa na mambo ya kiroho , wanapofanya hivyo wanavuruga amani ya nchi yetu na kuingiza jamii katika machafuko, ambapo aliwataka viongozi hao na wanasiasa kuacha kuchanganya mambo hayo kwani yatasababisha amani ya nchi yetu kuvurugika.

  “Dini ni kumcha Mungu, lakini siasa ni kuchukua dola au madaraka ya nchi.Wapo baadhi ya viongozi wa dini wanachanganya siasa na mambo ya kiroho, hao wanasababisha uvunjifu wa amani.Siasa tuwachie wanasiasa kwenye majukwaa yao.Serikali inawaunga mkono kutokana na juhudi zetu za kulinda na kutunza amani tuliyo nayo,” alisema Ndikilo.

  Alidai kuwa zipo kelele za dini kutaka kuhatarisha amani ya nchi yetu, kwani jumuiya ya dini nyingine ni kuikumbusha nyingine majukumu yake ya kuhubiri amani , hili litaepusha dhahama kwa nchi yetu.

  Alisema tabia ya vitisho na kukosa uvumilivu kwa baadhi ya dini kuendesha mihadhara ya kutukanana dini zingine ni kinyume cha maadili, kwamba dini zikitumika vibaya zitasababisha umwagaji damu.

  Ndikilo alisema kuwa, serikali inawajibika kuheshimu dini hizo na kutoa uhuru wa kuabudu kwa kila raia wa nchi hii, hivyo dini ni chombo cha kuunganisha wanadamu na ikitumika vizuri itakuwa ni mhimili wa amani duniani kote na si Tanzania pekee.

  “ Wote mmekiri hapa kuwa, amani ikitoweka wote tutaathirika,bila amani hakuna mtu atafanya kazi kwa uhuru,kila mtu atatafuta pa kutokea, hivyo mchango wenu madhehebu ya dini katika kudumisha amani nchini  ni mkubwa.Mmekuwa mkihubiri amani na upendo kwa kutumia neno lenu ‘mapenzi kwa wote bila chuki kwa yeyote’ lakini pia msmamo wenu wa kufuata sheria .Hakuna serikali inataka wananchi wake wasifuate sheria,” alisema

Ndikilo alisema migogoro ya kisiasa na kiitikadi inaweza kuhatarisha amani ya nchi  kutokana na mgawanyo usio sawa wa rasilimali za nchi, kwamba ubaguzi wa rangi, kijinsia,ukabila , ukanda na udini  unaweza kuvunja amani ya nchi.

  Hata hivyo alisema ni ndoto kufikiri kuwa Usilamu ama Ukristo utatoweka kwa kupitia mihadhara au kwa kuchoma Makanisa na Misikiti, kwani yalikuwepo na yartaendelea kuwepo duniani.Kwamba kuvumiliana na kuacha kuzungumza kwa hisia kutadumisha misingi ya amani ya nchi yetu.

  Ndikilo aliwataka viongozi wote wa dini kusaidiana na serikali katika kupiga vita rushwa,mauaji ya walemavu wa ngiozi, mauaji ya vikongwe na mamambukiz ya virusi vya ukimwi kwa kluwa yote hayo hayachagui imani ya mtu.

  Pia alisema kuwa amani huanza kujengwa katika ngazi ya familia na kuitaka jamii kukemea wizi (vibaka) uvaaji wa nguo fupi za nusu uchi na kuwalea watoto katika maadili mema, kwani huo ndio mwanzo wa amani katika ngazi ya familia.

  Alisema watoto kutukana wakubwani malezi mabaya, na  baadhi ya viongozi wa kisiasa kutukana viongozi wa kitaifa kwa kisingizio cha siasa ni uvunjifu wa amani nchini, ambapo alidai ushoga ambao upo katika familia lakini unafumbiwa macho nao ni cghanzo cha kuvunjika kwa amani.

“Kila mmoja ashiriki shughuli za maendeleo akiwa ana amani, waathirika wakubwa ni watoto na akina mama, lazima tuienzi amani tuliyo nayo kwa gharama yoyote , kila mmoja akiwajibika katika eneo lake nchi yetu itakuwa salama na amani,” alisema Ndikilo

 Awali Amiri Sheikh Mkuu wa Jumuiya ya Waislamu wa Ahamadiya, Tahir Mahamood alisema kuwa alisema Quran inaelekeza kuhusu suala la amani na jinsi ya kupeleka ujumbe unaohusiana na amani.

Alisema falsafa ya Uislamu ni amani ni zawadi (tunu) kutoka kwa Mungu,n kukumbushana na jamii kuwa tunu hiyo (amani) tuitunze,kuipoteza ni rahisi lakini kuirejesha ni gharama kubwa.

  Alidai makundi mengi yanayojihusha na mauaji yakiwemo yale ya kigaidi, yanafanya hivyo kutokana na uelewa mdogo na  kinyume na imani ya dini ya Kiislamu kwa vile haifundishi hayo.

  “Vipo vikundi vya kigaidi vinatumia dini kufanya udhalimu.Waisalmu wengi wanatumiwa kujilipua, Wailsmu walikufa kwa kutetea imani ya dini yao, lakini si wale wanaojivika mabomu na kujilipua.Kwamba mtizamo huo umepokelewa na baadhi ya mashaeikh wa dini ya Kiislamu,kinyume na mafundisho ya mtume,” alisema Amiri Sheikh Mahamood na kuongeza;

  “  Mtume hakuletwa kwa ajili ya kujilipua, au kupambana na watu, alikuja kuwafikishia ujumbe wa wazi wazi,kwa anayetaka aamini na kutoa huduma kwa watu lakini si kuwauwa..

  Alisema dini ya kiislamu inashirikiana na dini zingine na misahafu yote ya dini inafundisha hivyo, na kuwataka Waislamu kutovunja makanisa wala misikiti kwa kuwa hizo ni nyumba za ibada.

Viongoizi wa dini mbalimbali za Kiislamu,Kikristo na Kihindu walihudhuria mkutano huo wa amani, ambao ulifanyika kwenye ukumbi wa Nyerere katika hoteli ya  Gold Crest, hapa.