TUMIENI KISWAHILI KATIKA FILAMU ZETU Prof. John Nkomo.

MKURUGENZI wa Mamlaka ya Mawasiliano Tanzania (TCRA) Prof. John Nkomo amewahimiza wasanii na watayarishaji wa filamu Swahiliwood kutumia lugha ya Kiswahili ikiwa ni katika kulinda na kutukuza Utamaduni wa Mtanzania, mkurugenzi huyo aliyasema hayo wakati akifungua Semina ya siku mbili iliyoandaliwa na shirikisho la filamu Tanzania TAFF.

 Prof. John Nkomo Mkurugenzi Mamlaka ya mawasiliano (TCRA) aliyewasihi wasanii kutumia lugha ya Kiswahili na kutangaza utamaduni wetu.

“Nawapongeza kwa kuwa na chombo hiki ambacho lengo lake ni kuwaunganisha wasanii na kujitafutia maslahi katika utengeneza ji wa filamu, jambo la kuzingatia ni matumizi ya lugha yetu ya Kiswahili, ukiangalia filamu kutoka Bollywood unaona kabisa utamaduni wao, lakini hata ndugu zetu wanaijeria kupitia filamu zao unaona utamduni wao hadi sasa hapa nyumbani kuna watu wanaiga wanaijeria katika uongeaji wao,”alisema Prof. Nkomo.

 Simon Mwakifwamba Rais wa TAFF akimkaribisha Prof. John Nkomo kwa ajili ya kufungua Semina ya Mkakati kazi wa TAFF.

Mkurugenzi huyo alisisitiza watayarishaji wa filamu kubaki na utamaduni wa Kitanzania kwani katika kuiga huko kazi za kitanzania zimejikuta zikipoteza mvuto kwa kuchanga vitu vinavyojenga maswali mengi, alisema anaona kasi ya nchi kama Naijeria angependa Tanzania ifikie huko na hata kuwa nchi ya pili au ya kwanza katika utengenezaji wa filamu Ulimwenguni.

“Kila jambo ukijipanga linawezekana na kufanikiwa, kwani hata sisi awali tuliposema tunataka kujenga jengo kubwa ambalo ndilo hili leo mnafanyia mkutano watu walibeza kwa kusema wataweza lakini leo hii jengo limekamilika na linatumika,”alisema Prof. 

Nkomo.Semina hiyo ya uaandajia wa mkakati kwa ajili mipango ya TAFF iliandaliwa na shirikisho la filamu Tanzania (TAFF) na kudhaminiwa na TCRA semina ilifanyika kwa siku mbili na kuhudhuriwana wadau mbalimbali pamoja na wawezeshaji kutoka Tanzania Consultech International Limited mtoa mada alikuwa Prof. Elisante Ole Gabriel mkurugenzi wa maendeleo ya Vijana kutoka Wizara ya Habari, Vijana, Utamaduni na Michezo.