WANAKOELEKEA DIAMOND NA BOB JUNIOR

inShare

WASANII nyota wa muziki wa kizazi kipya, Diamond na Bob Junior, kwa siku chache za hivi karibuni, wameweza kuchuana vikali katika kuachia nyimbo mpya.

Wasanii hao wenye upinzani mkubwa wamekuwa ni kama waliokuwa wanategeana kuachia nyimbo ambapo baada tu ya Diamond kupakua wimbo wake “Nataka kulewa” , wiki chache baaadae Bob Junior akaachia “Kichuna”.

Kuona hivyo, wiki moja baadae, Diamond akashuka na kitu kipya “Kesho” ambao ulionekana kama umelepelekwa mahsusi kuuzima wimbo wa Kichuna.

Mwishoni mwa wiki iliyopita, siku mbili baada ya wimbo wa Diamond, Bob Junior nae akaachia wimbo mpya “Kizembe”.

Diomond ambaye nyimbo zake zilizomtoa zimepita kwenye mikono ya Bob Junior, kwa muda mrefu amekuwa akitajwa kuwa ana bifu kali na producer wake huyo wa zamani.

Haileweki kama piga nikupige ya kuchia nyimbo mpya zitaaishia hapo au zitaendelea, lakini wataalam wa muziki wanasema spidi hiyo haitawasaidia kitu zaidi ya kuwamaliza.

Msanii mmoja mzoefu wa Bongo Fleva ameimbia Saluti5: “Ukiangalia nyimbo “Kesho” na “Kizembe” ni nyepesi sana, hazina jipya.

“Kwa mfumo wa soko ulivyo, kuachia nyimbo mpya haraka haraka ni kujimaliza” alisema msanii huyo ambaye hakutaka jina lake litajwe.

                       CHANZO CHA HABARI NA SALUTI 5