Burkina Faso na Nigeria kukipiga fainali siku ya kesho

 

Timu ya taifa ya soka ya Burkina Faso jana ilifanikiwa kuingia fainali ya Kombe la Mataifa ya Afrika baada ya kuinyuka Ghana mabao 3 kwa 2 kwa mikwaju ya penalti. Timu zote mbili za 

Burkina Faso na Ghana zililazimika kupiga mikwaju ya penalti baada ya kutoka sare ya bao moja kwa moja katika dakika zote za mchezo huo.

Sasa Burkina Faso itachuana na Nigeria katika fainali ya Kombe la Mataifa ya Afrika. Nigeria imeingia fainali baada ya kuinyuka Mali mabao 4 kwa 1. Mashindano hayo yanafanyika nchini Afrika Kusini.

Katika mechi za kuwania Kmbe la Mataifa ya Asia, timu ya taifa ya Jamhuri ya Kiislamu ya Iran pia jana iliinyuka timu ya taifa ya Lebanon mabao matano kwa sifuri. Mechi hiyo ilikuwa ni ya hatua ya kwanza ya mechi za awali za kuwania tiketi ya kucheza fainali za Kombe ya Mataifa ya Asia mwaka 2015.

Katika mechi muhimu za kirafiki zilizofanyika jana timu ya taifa ya Uingereza imeichapa Brazil mabao mawili kwa moja katika uwanja wa Wembley, Ufaransa imechapwa mabao mawili kwa moja na Ujerumani, Italia na Uholanzi zimetoka sare ya bao moja kwa moja na Argentina imeikung'uta Sweden mabao 3 kwa 2.