UVCCM DODOMA WATIMUANA

Mwenyekiti wa UVCCM Taifa Ndg Sadifa ametengua uteuzi wa wajumbe wa baraza ambao alikuwa amewateua Ndg Paul makonda pamoja na Msaraka , Makonda katolewa kikaoni sasa hivi kwa kuwa uteuzi umetenguliwa kaambiwa sio mjumbe tena awapishe kikaoni!! UVCCM tutafika kweli , guy hii sio bure tumerogwa

 

Umoja wa Vijana wa Chama Cha Mapinduzi (UVCCM) unafanya kikao chake cha kwanza cha Baraza Kuu la Umoja huo, ambapo ajenda mbalimbali zitajadiliwa ikiwemo tathmini juu ya Hali ya Vijana na Siasa Nchini, lakini pia tathmini ya sehemu ya mkakati wa maamuzi ya Mkutano Mkuu ikiwemo mikakati ya kuimarisha Chipukizi na Uhamasishaji.
 

Pamoja na hayo, kutajadiliwa pia mikakati ya kiuchumi ya kuiwezesha jumuiya ya Umoja wa Vijana kujitegemea kiuchumi kwa kuweka mipango imara ya uzalishaji ili kukuza mapato ya jumuiya. Kikao kitajadili miradi iliyopo na muendelezo wake lakini pia kutafakari juu ya kuanzisha miradi mipya ya jumuiya hiyo.
 

Kikao hicho kitafanya Uteuzi wa Baraza la wadhamini wa UVCCM pamoja na Kamati ya utekelezaji, kisha kitamalizika kwa semina kwa wajumbe wa Baraza Kuu la UVCCM Taifa juu ya wajibu na majukumu ya wajumbe wa Baraza na kukumbushana juu ya majukumu na wajibu wa jumuiya ya UVCCM katika kuimarisha Uhai wa Chama Cha Mapinduzi ngazi ya shina hadi Taifa.