CHELSEA YAIBOMOA 3-1 BASLE NA KUTINGA FAINALI ULAYA.

CHELSEA imefanikiwa kutinga fainali ya Europa League baada ya kuifunga mabao 3-1 FC Basle ya Usiwsi usiku huu kwenye Uwanja wa Stamford Bridge.

Mabao ya Chelsea katika mchezo huo yalifungwa na Fernando Torres dakika ya 50, Victor Moses dakika ya 52 na David Luiz dakika ya 59, wakati la kufutia machozi la Basle lilifungwa na Salah dakika ya 45,

Chelsea imetinga fainali kwa ushindi wa jumla wa 5-2, baada ya awali kushinda ugenini 2-1 na sasa itamenyana na Benfica ya Ureno katika fainali, ambayo usiku huu imeifunga Fenerbahce mabao 3-1 hivyo kufuzu kwa jumla ya ushindi wa mabao 3-2.

Katika mchezo wa leo, kikosi cha Chelsea kilikuwa;Cech, Azpilicueta, Ivanovic, Cahill, Bertrand, Lampard, Luiz/Ake dk81, Ramires/Oscar dk66, Hazard/Mata dk75, Moses, Torres.

Basle: Sommer, Steinhofer, Schar, Sauro, Voser, El-Nenny, Frei/Diaz dk62, Die, Salah, Streller/Zoua dk75, Stocker/David Degen dk62.    

Kitu hicho: David Luiz akifunga kwa shuti la mbali

Shangwe: Luiz akipongezwa na wenzake

David Luiz

Hakuna kukosea: Victor Moses akifunga

Victor Moses

Mtelezo wa bao: Fernando Torres akifunga bao lake la tano katika mechi nane na la 10 katika Europa League msimu huu