Linah asema habweteki na mafanikio

MWIMBAJI nyota wa muziki wa kizazi kipya hapa nchini, Adelina Sanga (Linah), amesema mikakati yake ni kuhakikisha kuwa anaendelea kutamba ndani na nje ya nchi kwa kufanya makubwa kwenye tasnia hiyo na kamwe hatabweteka kwa mafanikio machache aliyoyapata hadi hivi sasa.

Msanii huyo aliyetokea katika nyumba ya kukuza na kulea vipaji, Tanzania House of Talents (THT), sasa anafanya kazi kwa kujitegemea mwenyewe baada ya kufanikiwa kuonyesha uwezo wake katika muziki wa Bongo Fleva.

Linah alisema kwamba mikakati hiyo itamuwezesha pia kuwika kimataifa, kama alivyozea kupata shoo katika nchi mbalimbali, ikiwamo Uingereza anayokwenda kila wakati.

Alisema kwamba sanaa yake inatokana na mipango yake pamoja na ujuzi wa kuimba kwa ajili ya kuwapatia burudani kamili mashabiki wake waliozagaa katika mikoa mbalimbali na kupenda nyimbo na shoo zake.

“Nafanya mikakati kwa ajili ya kuendelea kuwa juu katika ramani ya muziki wa kizazi kipya kwa kutoa nyimbo nzuri au kutoa burudani kwa kuangalia mashabiki wangu wanahitaji nini kutoka kwangu kwa ajili ya kuwa nao sawa” alisema Linah.Via saluti5.