Arsenal yabanduliwa nje ya kombe la FA

Kwa mara nyingine matumaini ya klabu ya Arsenal, kumaliza ukame wa miaka zaidi ya saba ya bila kunyakuwa kikombe chochote yamepotea mchana wa leo,baada ya kupoteza mchezo wao wa marudiano dhidi ya klabu ya iliyoshuka daraja msimu uliopita, Blackburn Rovers.

COLIN KAZIM - RICHARDS mchezaji anayecheza kwa mkopo Blackburn Rovers amefunga bao pekee lililoitupa Arsenal nje ya michuano ya kombe la FA.

Wakati Arsenal ikiingiza wachezaji wake watatu kwa mpigo Theo Walcott, Santi Carzola na Jack Wilshere dakika ya 70 ili kusaka ushindi, ikajikuta inafungwa bao dakika ya 72 lililodumu hadi mwisho wa mchezo.

Furaha ya goli

Kazim aliyeazimwa kutoka Galatasaray ya Uturuki aliufumania mpira uliotemwa na kipa Szczesny na kuachia shuti lilogonga nguzo ya kulia kabla ya kujaa wavuni

Dakika 15 za mwisho mpira uliweka kambi ya kudumu kwenye lango la Blackburn, Arsenal waliokuwa nyumbani wakafanya mashambuli ya mfululizo lakini safu ya ulinzi wageni ikongonzwa na kipa Jake Kean ilikuwa imara kufagia kila hatari.

Heka heka uwanjani

Kwa matokeo hayo, Arsenal sasa imezidi kujiweka katika hatari ya kumaliza msimu mwingine bila taji.

Arsenal: Szczesny, Coquelin, Vermaelen, Koscielny, Monreal, Diaby, Rosicky (Wilshere 70), Arteta, Gervinho (Walcott 70), Oxlade-Chamberlain (Cazorla 70), Giroud.

Blackburn: Kean, Orr, Dann, Grant Hanley, Martin Olsson, Pedersen, Williamson, Lowe, Markus Olsson (Bentley 63), Kazim-Richards, Rhodes (Goodwillie 82) Via www.saluti5.com