SIKU ZA SAMIR NASRI MANCHESTER CITY ZINAHESABIKA

LONDON, ENGLAND

SAMIR NASRI anakaribia kufikia mwisho wa maisha yake Manchester City na sasa vimwaga wa Ufaransa, Paris St-Germain wanapiga hatua kutaka kumsajili.

Kiungo huyo mwenye mkataba hadi mwaka 2015 amekuwa si chaguo la kwanza kwa bosi Roberto Mancini na ameanzishwa karibu nusu tu ya mechi za City katika Premier League msimu huu.

Mancini hafurahishwi na kiwango cha staa huyo wa Ufaransa aliyenunuliwa kutoka Arsenal kwa pauni milioni 24 mwaka 2011 na kuisaidia City kutwaa ubingwa msimu uliopita.

Lakini PSG walio vinara wa Ligue 1 ya Ufaransa wamefungua ukurasa wa majadiliano na washauri wa kiungo huyo aliyezaliwa Marseille miaka 25 iliyopita.