BAYERN WAUTEKA MJI WA LONDON, Heynckes na Schweinsteiger WAONGOZA BONGE LA SHEREHE!!

Baada ya wekundu wa kusini mwa Ujerumani, `The Bavarian`, Bayern Munich na mabingwa wa Bundesliga msimu wa 2012/2013 kutwaa ubingwa wa ligi ya mabingwa barani ulaya usiku wa kuamkia leo kwa kuwatandika Nyuki wa kaskazini mashariki mwa nchi hiyi Borussia Dortmund mabao 2-1, wamepiga bonge la sherehe na kuwaacha Waingereza wakiduwaa katika ardhi yao.

Arjen Robben aliyetoa pasi ya bao la kwanza katika mchezo huo na kutia kimiana bao la pili na la ushindi kwa klabu hiyo, aliungana na wachezaji wenzake katika Hoteli ya Grosvenor House Park Lane kushangweka.

Bayern waliingia uwanjani wakiwa na machungu ya kupokonywa tonge mdomoni msimu uliopita baada ya Chelsea kuwafunga katika dimba lao la Allianz Arena kwa changamoto ya mikwaju ya penati.

Katika sherehe hizo, Bastian Schweinsteiger, aliyekosa penati msimu uliopita alionekana mwenye furaha zaidi huku akijifunga kitambaa `skafu` kichwani na kuwaongoza wenzake kushangilia ubingwa wao.

 Jupp Heynckes mwenye miaka 68 alijumuika na mashabiki wengi wa klabu yake kushangilia ubingwa wake wa pili katika msimu huu kwa maana ya Bundesliga akiwapokonya wapinzani wao Borrusia Dortmund na UEFA aliyotwaa jana usiku.

Wachezaji wa Bayern Kama wanajua vile, walisafiri na wapenzi wao pamoja na wake  ili kushangilia pamoja taji la UEFA na hatimaye hapo jana wakafanikiwa kutimiza ndoto zao huku Robben akidondosha machozi mbele ya umati mkubwa wa mashabiki wa klabu yake kutokana kuukosa ubingwa huo mara nyingi.

UFUNGUZI WA BURUDANI: kocha wa Bayern Munich  Jupp Heynckes (kushoto) akifungua burudani kubwa ya kushangilia ubingwa  huku akisaidia na kiungo fundi Bastian Schweinsteiger

 

MWISHO WA YOTE AMESHINDA: Schweinsteiger akiwa amebeba ndoo ya UEFA pembeni akiwa na kimwari wake Sarah Brandner

SHANGWE KUBWA: Arjen Robben (kulia) na Mario Mandzukic (katikati)  akiungana na Schweinsteiger

 

NJOO HAPA: Uli Hoeness akipongezwa na Schweinsteiger  katika hoteli Park Lane 

 

MWENDO WA PICHA: Schweinsteiger akipiga picha kupitia simu yake ya mkonononi

WACHEZAJI WA AKIBA: Xherdan Shaqiri, Anatoliy Tymoshchuk na Rafinha hawakuanza mechi ya jana, lakini walijiunga na wenzao kushangilia ubingwa wao

HADI WEWE?:  Mkurugenzi mkuu wa Bayern  Karl-Heinz Rummenigge akionesha utaalamu wake wa kusakata muziki, hadi raha

 

Shabiki wa Bayern akionesha umahiri wake wa kucheza baada ya kutwaa tajil lao

 

FURAHA KUBWA: Wachezaji wa Bayern wakiimba wimbo wa kushangilia ubingwa huku wakiongozwa na Schweinsteiger pamoja na Robben