KANISA LA TGMIT LAFANYA IBADA MAALUMU KUIOMBEA AMANI TANZANIA.

 Katibu wa NEC Itikadi na Uenezi akishiriki kuwasha mshumaa kama tendo la kuiangaza nchi ya Tanzania.

 Katibu wa NEC Itikadi na Uenezi Nape Nnauye akizungumza na waumini wa kanisa la TGMIT lililopo Mwanza, Katibu wa NEC aliwaeleza waumini waliohudhuria ibada hiyo maalumu kuwa amani tuliyokuwa nayo imeletwa na Mwenyezi Mungu hivyo tusiruhusu ipotee.

 Askofu Mkuu Msaidizi wa Kanisa la TGMIT Florence Ndaki akiongoza ibada maalumu ya kuiombea Tanzania amani, katika ibada hiyo viongozi mbali mbali walialikwa kutoka serikalini ,vyama vya siasa na asasi zisizo za kiserikali.

DAKTARI WA RAIS KIKWETE KUPIMA MARUBANI WA NDEGE ZA KIMATAIFA.

 

Daktari wa rais Kikwete, Profesa Mohammed Y. Janabi.

Profesa Mohammed Y. Janabi, Daktari wa Rais wa Jamhuri ya Muungano wa Tanzania Mheshimiwa Jakaya Mrisho Kikwete amefanikiwa kuingia katika kundi dogo la madaktari wa Afrika waliothibitisha kuwa na ujuzi na utaalam wa kuwapima na kutoa liseni za vipimo vya afya kwa watumishi wa anga wakiwamo marubani.

Katika barua ambayo aliipokea Dkt. Janabi wakati anaandamana na Rais Kikwete katika ziara ya kikazi ya Marekani na Canada iliyomalizika  Jumamosi, Septemba 28, 2013, Wizara ya Usafirishaji ya Marekani kupitia Utawala wa Shughuli za Anga wa Marekani (FAA) imesema kuwa imemteua Profesa na Dkt. Janabi kuwa Daktari wa Shughuli za Anga (AME) kuanzia Agosti 14, mwaka huu, 2013.

“Uamuzi huu una maana kuwa sasa unaweza kuwapima na kuendesha shughuli za kitibabu na kutoa ama kukataa kutoa liseni ya kuthibtisha afya za watumishi wa sekta ya anga wakiwemo marubani wa ndege za usafirishaji, wa ndege za biashara za abiria, marubani wa ndege binafsi na marubani wanafunzi.

Profesa Janabi anakuwa daktari wa 31 katika Afrika na wa tatu katika Afrika Mashariki kupatiwa hadhi hiyo ambayo inapatikana baada ya kazi ngumu ambayo ni pamoja na kufanya mtihani maalum.

Nchi pekee katika Afrika Mashariki iliyokuwa na madaktari wa kiwango hicho kabla ya Dkt. Janabi kuingia katika kundi hilo ni Kenya yenye madaktari wawili. Tanzania sasa inakuwa nchi ya pili katika Afrika Mashariki kuwa na hadhi hiyo.

Kwa upande wa Afrika, Profesa Janabi anaungana na madaktari kutoka Burkina Faso (1), Cameroun (2), Misri (6) ambayo ndiyo madaktari wengi zaidi katika kundi hili, Ghana (1), Libya (1), Morocco (1), Nigeria (5), Ethiopia (4), Kenya (2), Afrika Kusini (5) kukubaliwa kuifanya kazi hii ya kimataifa.

Imetolewa na:
Kurugenzi ya Mawasiliano ya Rais,
Ikulu,
DAR ES SALAAM.
29 Septemba, 2013

KAMA NI SHABIKI WA MAN UTD NA ARSENAL KATUNI YAKO.

Tigo yazidi kurahisisha huduma za mawasiliano kwa wateja wake.

 Katika azma yake ya kuboresha mawasiliano na kufanya wateja wake wazidi kutabasamu, Tigo Tanzania imezindua kodi mpya ya huduma *148*00# itakayowawezesha wateja wake kupata huduma zote za simu kupitia menyu moja.

Meneja Chapa wa Tigo, William Mpinga akizungumza na waandishi wa habari jijini Dar. Kushoto ni Mtaalamu wa Ofa kutoka Tigo, Bi. Jacqueline Nnunduma.

Akizungumza katika mkutano na waandishi wa habari, Meneja Chapa wa Tigo, William Mpinga, alisema kwamba waliona umuhimu wakuanzisha kodi hii mpya ili kuwarahisishia wateja wake kuweza kupata bidhaa na huduma mbali mbali kutoka Tigo kupitia menyu moja tofauti na kutumia nambari tofauti tofauti kama ilivyozoeleka hapo awali.

“Kama mnavyofahamu, kampuni ya simu ya Tigo ina huduma mbali mbali, kwahiyo kitu tulichokifanya ni kumrahisishia mteja kutokupoteza muda na kuondokana na usumbufu wa kukariri nambari tofauti tofauti za huduma zetu kwa kuyakusanya huduma zote na kuziweka katika menyu moja,” alisema Mpinga.

“Kitendo cha kupiga *148*00# wateja wetu watakuwa na uwezo wakupata huduma na bidhaa za Tigo kwenda Tigo, pamoja na za Tigo kwenda mitandao mengine kama vifurushi vyetu vya Xtreme na Mini Kabaang. Huduma zingine ambazo zitapatikana katika hii kodi mpya ni vifurushi vya Intaneti, Burudani na Nunua pitia Tigo Pesa,” aliongeza.

RAIS KIKWETE: ICC INAHARIBU MAHUSIANO YAKE NA AFRIKA.

 

Rais wa Jamhuri ya Muungano wa Tanzania, Mheshimiwa Jakaya Mrisho Kikwete.

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amesema kuwa mwenendo wa Mahakama ya Kimataifa ya Makosa ya Jinai (ICC) kuhusu Bara la Afrika na viongozi wake, unainyima Mahakama hiyo nafasi kubwa ya kuungwa mkono na Bara la Afrika.

Rais Kikwete pia amelaani vikali mashambulizi yanayoongezeka dhidi ya vikosi vya kimataifa vya kulinda amani katika nchi mbali mbali duniani wakiwamo walinda amani wa Tanzania.

Rais Kikwete alitoa msimamo huo wa Tanzania mwishoni mwa wiki wakati alipohutubia Kikao cha Baraza Kuu la Umoja wa Mataifa (UNGA) mwaka huu, kwenye Makao Makuu ya Umoja wa Mataifa mjini New York, Marekani.

Katika hotuba yake fupi na iliyowavutia wasikilizaji, Rais Kikwete alisema kuwa ni dhahiri kuanzishwa kwa ICC kutokana na Mkataba wa Rome kulikuwa ni hatua muhimu sana katika mfumo wa kimataifa wa kupambana na makosa ya jinai.

“Kwa hakika kuundwa kwa Mahakama hiyo kuliweka mfumo mzuri wa kuondokana na watu kutenda vitendo vya jinai na kuweza kuepukana na kuwajibika kwa vitendo hivyo na Mahakama hiyo ilianzishwa kwa kuungwa mkono kwa kiasi kikubwa na Afrika.

“Hata hivyo, muongo mmoja tu baada ya kuanzishwa kwa Mahakama hiyo, ni dhahiri kuwa mvutano umezuka kati ya ICC na Bara la Afrika. Sasa Mahakama hiyo inaonekana kama taasisi isiyojali maoni na msimamo wa Afrika, kwa mambo ambayo kwa maoni yangu, ni hofu halali ya Waafrika,” amesema Rais Kikwete na kuongeza:

“Bado Mahakama hiyo inaendelea kupuuza maombi ya mara kwa mara ya Umoja wa Afrika. Ni jambo la kutia huzuni kuwa maombi ya kubadilisha muda wa kuanza kusikilizwa kwa kesi dhidi ya Rais Uhuru Kenyatta wa Kenya na Naibu Rais William Ruto yalipuuzwa na hata hayakujibiwa kabisa.”

Ameongeza Rais: “Tabia hii imekuwa ni hitilafu kubwa ambayo inaleta kikwazo kwa ICC kushindwa kutimiza wajibu wake wa kupambana na tabia ya watu wanaofanya makosa ya jinai kutokuchukuliwa hatua. Kwa hakika, kugangamara kwa ICC hata katika masuala yaliyo wazi, kumethibitika kuwa kunainyima Mahakama hiyo nafasi ya kuendelea kuungwa mkono Barani Afrika.”

    

Rais Kikwete alisema pia kuwa Tanzania sasa imekuwa moja ya nchi ambazo zinashiriki zaidi katika shughuli za kimataifa za kulinda amani chini ya Umoja wa Mataifa. Tanzania ina zaidi ya walinda amani 2,500 katika Darfur, Sudan; Lebanon na Jamhuri ya Kidemokrasi ya Congo (DRC) na kuwa ni nchi ya sita katika Afrika na ya 12 duniani kwa kutoa walinzi wa amani duniani.

   

 “Kwa hakika tunaridhishwa na mchango wetu mdogo katika shughuli hii. Na tunajua kuwa wakati mwingine tunalipa gharama kubwa na maisha ya vijana wetu kwenye shughuli hizi kama ilivyotokea majuzi katika Darfur na DRC. Waliopoteza maisha yao ni mashujaa wa taifa letu ambao maisha yao hayakupotea bure.”

   

 Aliongeza Rais Kikwete: “Vifo vya walinda amani wetu ni ukumbusho wa kutosha wa hatari zinazowakabili walinda amani wote duniani. Ni jambo la kuudhi, kwamba vikundi vyenye silaha na waharibifu wa amani duniani wanaongeza mashambulizi hayo dhidi ya watumishi wa amani. Ni lazima tulaani mashambulizi haya kwa nguvu zetu zote kwa sababu hakuna  sababu yoyote ya kuhalalisha mashambulizi haya ya kinyama ambayo ni kosa la kimataifa la jinai chini ya Sheria za Kimataifa.”

  

  Alisisitiza: “Baraza la Usalama la Umoja wa Mataifa ambalo wajibu wake mkuu ni kulinda amani na usalama wa kimataifa lazima liwe mstari wa mbele katika kulaani vitendo hivyo vya kinyama na haraka tu vinapotokea.”

    

Rais Kikwete ambaye alikuwa katika ziara ya kikazi katika Marekani na Canada ameondoka New York usiku wa leo, Jumamosi, Septemba 28, 2013, kurejea nyumbani ambako atawasili Jumatatu mchana.

Imetolewa na:
Kurugenzi ya Mawasiliano ya Rais,
Ikulu,
DAR ES SALAAM.

29 Septemba, 2013

DADA YAKE FREEMAN MBOWE, Grace aikaeli Mbowe na mumewe wafariki kwa ajali ya gari Kabuku Tanga.

Grace Aikaeli Mbowe (kushoto) wakati akijiunga na CCM akitokea Chadema mwezi Agosti mwaka huu.

Na Mashaka Mhando,Korogwe

DADA wa Mwenyekiti wa Chama Cha Demokrasia na Maendeleo (CHADEMA), Freeman Mbowe, amefariki papo hapo baada ya gari alilokuwa akiendesha kupasuka tairi ya mbele na kuingia chini ya daraja baada ya kupinduka na kusababisha watu wawili kufa na wengine watatu kujeruhiwa vibaya.

Dada huyo, Grace Aikaeli Mbowe,  anayesadikiwa kuwa na umri kati ya miaka 47 hadi 50, alikuwa akiendesha gari yenye namba T 277 CAJ aina ya Toyota Cresta akiwa na mumewe  aliyefahamika kwa jina la Ibrahim Lukindo (52), wakitokea Jijini Tanga, walipata ajali hiyo eneo la Kabuku wilayani Handeni.

Kamanda wa polisi mkoani Tanga (ACP) Costatine Massawe alisema kupitia Ofisa wake wa upelelezi mkoani Tanga, Bw Aziz Kimata, kwamba

 ajali hiyo ilitokea majira ya saa 1:30 leo asubuhi  katika eneo hilo baada ya gari hilo kupasuka tairi ya mbele kulia na kisha kuingia chini ya daraja lililokuwepo eneo hilo.

"Ni kweli kuna ajali ilitokea eneo la Kabuku gari aina ya Cresta lililokuwa likiendeshwa na ndugu inavyosemekana wa Bw Freeman Mbowe, limepata ajali baada ya kupasuka tairi la mbele na kuacha barabara na kuingia chini ya daraja dereva anayeitwa Grace Aikael Mbowe na mtu anayesemekana ni mumewe anayeitwa Ibrahim Lukindo, wamefariki na watu watatu waliowachukua wamejeruhiwa," alisema RCO Kimata.

Aliwataja waliojeruhiwa kuwa ni pamoja na Bw Ridhiwani Bakari (29) aliyekuwa na mkewe Zeddy Nzuke (29) raia wa Kenya aliyekuwa na mtoto wake mwenye umri wa miaka miwili na miezi minne aliyefahamika kwa jina la Mariam Ridhiwan ambao kwa sasa wamelazwa katika hospitali ya Magunga wilayani Korogwe.

RCO Kimata aliyezungumza kwa niaba ya kamanda huyo wa polisi alisema chanzo cha ajali hiyo inasemekana kimetokana na kupasuka kwa mpira huo na mwendo kasi wa kawaida na kwamba majeruhi na maiti zi9mehifadhiwa kwenye hospitali hiyo.

Mwandishi wa habari hizi, aliyefika kwenye hospitali hiyo na kuzungumza na Ridhiwani pamja na mkewe ambaye amelazwa wodi namba mbili ya wanawake katika hospitali hiyo, alisema kwamba ndoto zake za kufanya kazi Dar es salaam zimezimika ghafla kutokana na kwamba alikuwa aende kupamba kazi ya uofisa ugavi katika taasisi moja ya fedha ya marehemu Mbowe Jijini Dar es salaam.

"Nilikuwa naenda kupewa kazi na mama Mbowe katika Institution yake ya Micro-Financial Jijini Dar es salaam, mimi ni procurement (Mgavi-manunuzi) na ni Mkenya kwetu ni Eastern Province Kang'undo na nimeolewa na bwana Mtizedi...Lakini sasa ndoto zangu za kufanya kazi Dar es salaam zimezimika ghafla," alisema Zeddy akiwa kitandani amelala na mwanwe ambaye alikuwa haongei tangu amefika katika hospitalini hapo.

Mumewe na mwanamke huyo akizungumzia ajali hiyo alisema kuwa hakuwa akijua kwani alikuwa amelala dakika tatu kabla ya kutokea ajali hiyo ambapo alishtukia yeye, mkewe na mwanawe wametupwa chini kwenye majani wakiwa hawajijui na walikimbizwa katika hospitali hiyo ya Korogwe.

Ridhin ambaye ni mkazi wa Nguvumali Jijini Tanga, alisema safari yao hiyo ilikuwa ifanyike Jumamosi mchana lakini kutokana na na kuchelewa kwa wenyeji wao hao, waliondoka Tanga kwenye hoteli ya Doliphin walikolala majira ya saa 11:00 alifajiri kwa ajili ya kwenda Jijini Dar es salaam.

Muuguzi wa zamu wa hospitali hiyo Bi Nayela Missingo alikiri kuwapokea wagonjwa hao ambapo alisema wanafanya jitihada za kuwahamishia katika hospitali ya Taifa Muhimbili Jijini Dar es salaam mtoto Mariam ambaye amepata majeraha katika kichwa chake na kwamba tangu afikishe hospilaini hapo hakuwa katika hali nzuri, haongei walakunyonya.

  Bi Zeddy Nzuke  na mtoto wake wakiwa wamelazwa katika hospitali ya Magunga wilayani Korogwe baada ya kupata majeraha katika ajali hiyo.

Muuguzi wa zamu katika hospiotali ya magunga wilayani Korogwe Nayela Missingo akimsaidia kukaa kwenye kitanda Bw Ridhiwani Bakari baada kuopata ajali hiyo

KWA HIZI PICHA 20 ZA FIESTA MWANZA NI WAZI JAMAA WAMEVUNJA REKODI MWAKA 2013.

Kiukweli hii ni moja ya show zilizovunja rekodi Fiesta 2013 mtu wangu, muchlove sana kwenu watu wetu wa nguvu 88.1 Mwanza
 

Hii picha ya pili inaonyesha upande wa kushoto wa stage yani… daaah!

Imagine hapa ni upande wa kulia wa stage…
Upande wa kushoto wa stage
Shilole kazini
 

Dj Fetty na B12 kutoka XXL ya Clouds FM ndio walihost show

HOT NEWS: MTOTO ALIYEFARIKI MIAKA MIWILI ILIYOPITA AONWA NA MAMA YAKE AKIWA HAI‏.

• 

    Mtoto Shabani Maulidi akiwa tayari melala kitandani katika hospitali ya wilaya ya Geita.

  

     Mama mzazi wa mtoto Shabani menye kilemba kichwani akiwa amepigwa bumbuazi  maeneo ya hospitali.

  

YANGA YAICHAPA 1-0 RUVU SHOOTING SIKU YA JANA.

Hamis Kiiza (20) akishangilia bao alilofunga dhidi ya Ruvu Shooting leo pamoja na Kavumbagu, Niyonzima, Msuva na Chuji

Young Africans Siku ya jana imeibuka na ushindi wa bao 1-0 dhidi ya timu ya Ruvu Shooting katika mchezo wa Ligi Kuu ya Vodacom uliofanyika dimba la uwanja wa Taifa jijini Dar es salaam.

Young Africans ambayo katika mchezo wake wa mwisho ilipoteza kwa kufungwa na Azam FC mabao 3-2 iliingia uwanjani kwa lengo la kuhakikisha inapata ushindi katika mchezo huo na ndivyo ilivyokua.

Ikiwatumia washambuliaji wake Hamis Kiiza, Didier Kavumbagu, Saimon Msuva na Mrisho Ngassa, Young Africans ilifanya mashambulizi kadhaa langoni mwa timu ya Ruvu Shooting lakini kutokua makini kwa washambuliaji wake kuliiinyima bao la mapema.

Dakika ya 27, Saimon Msuva alipoteza nafasi ya wazi ya kufunga akiwa yeye na mlinda mlango Abdu Juma Seif huku Hamis Kiiza pia akishindwa kutumia nafasi kama hiyo dakika ya 33 ya mchezo.

Washambuliaji wa Ruvu Shooting  walifanya mashambulizi langoni mwa goli la Yanga kupitia kwa Cosmas Lewis, Jerome Lembele na Elias Maguli lakini umakini wa walinzi wa Yanga ulikuwa kikwazo kwao kuweza kuziona nyavu za Ally Mustapha 'Barthez'.

Mpaka dakika 45 za kipindi cha kwanza, Young Africans 1-0 Ruvu Shooting.

KUNA WAKATI UNATUMIA CREME INAKUTOA WEKUNDU/WEUSI SEHEMU ZA KARIBIA NA MACHO!!?AK CLASSIC COSMETICS

LILE TATIZO LA KUUNGUA SEHEMU ZA KARIBIA NA MACHONI AMBALO LIMEKUWA LIKIWATOKEA HASA WALE WANAOTUMIA CREME KALI SASA TIBA IMEPATIKANA!!! TEA TRE OIL NDO KIBOKO YAO IPO AK CLASSIC COSMETICS PIGA NAMBA HII 0753 482 909  AU 0713 468 393.

Interview ya Wema Sepetu na mtandao wa bongo5, amzungumzia diamond, maisha yake binafsi na mengine mengi.

Siku ya jana akisherehekea siku yake ya kuzaliwa, mwanadada wema sepetu alipata nafasi ya kufanya interview na mtandao wa burudani wa bongo five.

Katika interview hii, wema sepetu ameongelea mambo mengi sana na makubwa yakiwema mapenzi, na maisha yake bunafsi kwa ujumla. Ifuatayo na sehemu ya interview hiyo kama iliyonukuliwa toka mtandao kwenye mtandao huo

Swali: Kuna wakati wowote uliwahi kujuta maisha ya ustaa baada ya kuwa Miss Tanzania?

Yes, nimewahi kujuta lakini mwisho wa siku huwaga nasema kwamba mwenyezi Mungu ndio anapanga kwasababu kama mwenyezi Mungu ndio amenipangia hivi nisingefika hapa kwanza, kwahiyo regrets zinatokea kwa kila mtu, lakini siwezi kusema kwamba zimetoka kwa mara nyingi, labda mara moja mara mbili na zinatokea pale tatizo linapotokea, hauwezi ukapata regrets kama hakuna tatizo.

Ukiwa staa kila mtu atataka awe rafiki yako, na kabla ya kuwa Miss Tanzania ni wazi ulikuwa na marafiki uliokuwa ukihang out nao hapa na pale, uliendelea kuwa na urafiki nao, ama baada ya kuingia maisha hayo ikakuwia vigumu kuwa nao tena pamoja?

Nina marafiki mpaka sasa ninahangout nao wanakuja mpaka nyumbani lakini hatushei sana zile common interests kama zamani because once upon a time tulikuwa tuko wote on the same rank. So nilivyokuwa nipo kwenye spotlight obvious nimekutana na watu wengine wapya watu ambao naonana nao katika kazi zangu za kila siku, because apart from being Miss Tanzania, I am also an actress, kwahiyo nakutana na wasanii wengine ambao labda nakaa nao kwa muda mrefu sana kwahiyo utajikuta tu unashare nao common interests sababu unafanya nao kazi pamoja.

Swali: Ulikuwa na boyfriend tayari?

Yes nilikuwa naye

Swali: Kuna wakati wowote aliwahi kujihisi inferior kutokana wewe kuwa maarufu? Ulifanyaje kumweka sawa?

Well, si unajua zile za kishuleshule, zile za kitoto naweza kusema. Sana sana ukishafika ile o-level nini utakuwa na yule boyfriend ambaye unaamka tu asubuhi umeshavaa unasema sasa hivi naenda kuonana na boyfriend wangu, ukisharudi kutoka shuleni from there nyumbani, no boyfriend. Yeah nilikuwa naye, in the beginning alivyojua kwamba nashiriki Miss Dar Indian Ocean akaniambia kwamba ‘ukishiriki mimi nisahau, sitaweza kuwa na wewe tena’, nikamwambia, why? Akaniambia ‘utakuwa upo kwenye public’ nikamwambia ‘okay fine’, nikamdanganya kwamba sishiriki.

So siku moja gazeti la Mwananchi pale katikati kulikuwa na picha yangu kubwa ‘Miss Dar Indian Ocean kushindana kesho’ and lile gazeti kuanzia naingia shuleni naingia kila mtu ananiambia ameniona kwenye gazeti. So kitu cha kwanza nikafikiria ‘Mungu wangu yule mtu akiliona’ so sikuonana naye the whole day.

Nikiwa nyumbani ndio nikamuona anakuja kalishikilia, nikawa namsikiliza. Akaniambia, ‘nimeona gazeti lako and ndio hivyo kwahiyo umeshanidhihirishia kwamba umechagua hiyo issue, so fine we endelea’. Basi nikajaribisha kuongea naye lakini hakuweza kunisikiliza lakini luckily the next day wakati ndio nashiriki nimekaa pale time ya kujibu swali namuona pale anapiga picha kwahiyo he was there na alinisupport mpaka nilipofika Miss Tanzania lakini after that sababu nilikuwa ambassador wa Vodacom nikawa nafanya kazi Vodacom nikawa sionani naye vile kama kawaida, kila akinipigia simu nipo busy, yeye mwenyewe akasema tu ‘bwana mimi siwezi’. Basi tulielewana vizuri na mpaka kesho tunaongea, tunasalimiana’

Swali: Uwewahi kusema bila Kanumba usingeingia kwenye movies, marehemu alikuwa ana mchango gani kwako?

Nakumbuka nilipokutana na marehemu nilikuwa niko na dada yangu mimi nilikuwa nakaa na dada yangu, kwasababu once nilishawahi kuishi na mama yangu and then from there unajua baada ya kuingia kwenye nini nini nikawa busy. Dada yangu mimi kaolewa lakini kwa dada yangu nilikawa nahisi kama pako free zaidi, kwamba mama ukirudi ‘umetoka wapi sijui nini na nini hivyo, alikuwa haelewi. So ikabidi tu nianze kuishi na dada yangu.

MISS WORLD 2013-MEGAN YOUNG.

PICHA: Lulu akiwa jijini Mwanza kwenye semina ya FURSA. Apata nafasi ya kuzugumza na washiriki.

Tazama picha mbalimbali za mwadada Elizabeth Michael- LULU akiwa jijini Mwanza kwenye semina ya FURSA inayoandaliwa na kituo cha redio cha clouds FM.Semina hiyo imeandaliwa kwa ajili ya wajasilimali mbalimbali mkoani humo waweze kuzitumia fursa mbalimbali zilizopo kwenye mazingira yao.Lulu alikuwa mmoja wa wazungumzaji waalikwa wa semina hiyo.

Mkuu wa Wilaya ya Mbulu,awapigia magoti wananchi.

Mbulu. Mkuu wa Wilaya ya Mbulu, mkoani Manyara, Anatory Choya, amesema kuwa aliwapigia magoti wananchi wa Kijiji cha Hydom, ili kuonyesha unyenyekevu kwa wananchi hao aliodai walionekana kujazwa maneno ya uchochezi na wanasiasa ili wavuruge amani .

 
 Mkuu wa Wilaya ya Mbulu, mkoani Manyara, Anatory Choya akiwa amewapigia wananchi magoti kwa maana ya kuonyesha unyenyekevu.

Alisema kutokana fujo zilizofanywa na baadhi ya wananchi hao katika mkutano wa hadhara uliofanyika majuzi, kwa nafasi yake angeweza kuagiza hata Jeshi la Polisi kuwadhibiti watu, lakini misingi ya dini yake haimruhusu kumdhuru mtu zaidi ya kumwonyesha unyenyekevu.

Alisema hali hiyo ndiyo iliyomfanya kuamua kupiga magoti na kumshtakia Mungu.

“Mimi ni mkristo, unyenyekevu ndiyo nguzo pekee ya kuonyesha upendo na kudumisha amani. Ningeweza kuagiza polisi wawadhibiti, lakini sioni sababu kwa kuwa hiyo siyo misingi ya utawala. Ndiyo maana nikaona bora nitumie njia nyingine ya kumshirikisha Mungu mbele yao,”alisema Choya na kuongeza:

“Wanasiasa wamekuwa wakipandikiza chuki kwa wananchi kwa makusudi kwa lengo la kuvuruga amani lakini kwa kumweka Mungu mbele nina imani tutafanikiwa ili siku moja tusije tukaingia kwenye mkumbo wa Syria na Misri”

MAGAIDI WA AL SHABAAB WALITOROKA KUPITIA MTARO UNAOPITISHA MAJI MACHAFU,NA WANAJESHI WA KENYA HAWAKUUA GAIDI HATA MMOJA.

Friday September 27, 2013 - As Kenya and foreign detectives continue to comb the Westgate debris in search of missing bodies and answers to the Westgate terror attack, shocking revelations have emerged that may catch Kenyans unaware following the 4-day horror they went through.

This is after detectives discovered a huge underground tunnel, also used as sewerage tunnel, which runs several metres from the Westgate Mall to the neighboring Nakummatt Ukay Mall.

The detectives noted that the Al-Shabaab terrorists are likely to have escaped through the tunnel, and left their explosives in the Westgate Mall, whose explosions have continued to be heard even after the Kenya Defence Forces secured the Westgate Building.

According to impeccable sources from the intelligence community, KDF did not kill any Westgate terrorist after all, because there is no sign of any of them in the debris even after combing the rubble for days now.

This comes as KDF through Interior Cabinet Secretary, Joseph Ole Lenku, insist they killed five terrorists, but have since failed to prove their assertion

CREDIT: AFRICA WOMEN BLOG

HII NDO TOP 3 YA MISS WORLD MWAKA 2013/2014..GHANA WACHUKUA NAMBA TATU.

 
                                          HUYU NDIYE MISS WORLD
 Megan was born in the USA before moving to the Philippines when she was 10. Currently studying Digital Film making, Megan has been appearing on screen since the age of 15, starring in films, TV shows, and as a presenter. Megan has ambitions of moving behind the camera in the future, taking the role of director after gaining experience and finishing her qualifications. In her spare time she enjoys playing video games, she says she has and always will be a Harry Potter fan, and that she is “guided by my heart… I think and speak from it.”
 

                                     HUYU NDIYE NAMBA MBILI

Marine was born and raised in the city of Mâcon. Describing herself as hardworking, she is currently a 2^nd year medical student with aspirations of travelling the world helping its people before becoming a paediatrician or obstetrician. Marine has practiced athletics and gymnastics at a competitive level, winning “Vice Championnes de France” for her athletics team in the past. Her favourite author is Anna Gavalda, she enjoys listening to Lana del Ray, and her favourite food is Italian Cuisine.

NAMBA 3::Carranzar was born in the suburbs of Accra and has lived in the capital all her life. She is a BSC Medical Student with ambitions of qualifying as a paediatrician in the future. Describing herself as “down to earth with a vivacious personality and a passion to help the under privileged”, she partakes in quarterly outreach programs bringing medical care to rural areas of Ghana. In her spare time she enjoys reading, sightseeing, and travelling, and her favourite book is Think Big by Ben Carson.

Magazeti ya Mtanzania na Mwananchi yafungiwa.

 TAMKO LA SERIKALI

Serikali imeyafungia  kutochapishwa Magazeti ya MWANANCHI na MTANZANIA kuanzia 27 Septemba,2013  kutokana na mwenendo wa magazeti hayo kuandika habari na makala  za uchochezi na uhasama kwa nia ya kusababisha wananchi wakose imani kwa vyombo vya dola hivyo kuhatarisha amani na mshikamano ulipo nchini.

Gazeti la MWANANCHI limefungiwa kutochapishwa kwa siku kumi na nne(14) kuanzia 27 Septemba,2013.Adhabu hii imetangazwa kwa Tangazo la Serikali(Government Notice )Namba 333 la tarehe 27 septemba,2013.

Gazeti la MWANANCHI limepewa adhabu hiyo kutokana na hivi karibuni kuchapisha habari zenye mwelekeo wa uchochezi na uvunjifu wa amani,mfano tarehe 17 Julai,2013 katika toleo Namba 4774 ilichapisha habari isemayo “MISHAHARA MIPYA SERIKALINI 2013”  kwa kuchapisha waraka uliozuiliwa kwa matumizi ya vyombo vya habari waraka huo ulikuwa wa Siri  haukupaswa kuchapishwa Magazetini.

Aidha, katika toleo la Jumamosi,tarehe 17 Agosti,2013 lilichapisha habari yenye kichwa kisemacho “WAISLAM WASALI CHINI YA ULINZI MKALI”  habari hiyo ilikolezwa na picha ya mbwa  mkali mwenye hasira.Habari na picha hiyo ilitoa tafsiri ya kuwa Jeshi la Polisi lilipeleka Mbwa katika maeneo ya ibada ya waumini wa dini ya kiislam.Jambo ambalo halikuwa la  ukweli.

Jeshi la Polisi katika doria siku hiyo halikupeleka mbwa katika maeneo ya Misikiti.Serikali na jeshi la Polisi linaheshimu na kuzingatia maadili ya dini ya Kiislamu na kwa hiyo Jeshi lake haliwezi kupitisha au kuingiza mbwa katika maeneo ya ibada.
Hivyo basi,kwa gazeti hili kuchapisha habari iliyokolezwa na picha ya mbwa ni uchochezi wa kulichonganisha Jeshi la Polisi na waumini wa dini ya kiislam  mbwa ni najisi hapaswi kuingia  katika maeneo ya ibada.
 

Gazeti la MTANZANIA limefungiwa kutochapishwa kwa siku tisini(90) kuanzia tarehe 27 Septemba,2013 kwa kuchapisha habari zenye uchochezi.Gazeti hili limeonywa mara nyingi  lirekebishe mtindo wake wa uandishi wa  kichochezi na lizingatie maadili na Sheria na Kanuni za  fani ya Habari.
 

Pamoja na kuonywa gazeti hili halikuonyesha kuzingatia maelekezo ya Msajili wa Magazeti, mfano ;katika toleo na 7262 la 20 Machi,2013 liliandika habari yenye kichwa kisemacho “URAIS WA DAMU”,tarehe 12 Juni,2013,toleo Namba 7344 lilichapisha makala isemayo “MAPINDUZI HAYAEPUKIKI”.
 

Aidha, siku ya Jumatano,tarehe 18 Septemba,2013 katika toleo Namba 73414 ukurasa wa mbele lilichapisha Kichwa cha habari kisemacho “SERIKALI YANUKA DAMU” taarifa hiyo ilikolezwa na picha zilizo unganishwa kwa ustadi mkubwa kwa kutumia kompyuta  kutapakaza rangi nyekundu mithili ya damu nyingi kumwagika .Katika habari hiyo gazeti hilo limedai bila uthibitisho kuwa Jeshi la Polisi linahusika  na wahanga waliomizwa na watu wasiojulikana kwa kumwagiwa tindikali na  waliyovamiwa na kujeruhiwa vibaya.
Vile vile gazeti hilo limeishtumu serikali kuwa goigoi katika kushughulikia matukio yenye sura ya kigaidi.
 

Kwa ujumla wake habari hiyo ni ya kichochezi ina lengo la kuwafanya wananchi wavichukie vyombo vya ulinzi na usalama  wavione kuwa haviwasaidii.
Kutokana na makosa yalitajwa hapo juu serikali imelifungia gazeti la Mtanzania  kutochapishwa kwa muda wa siku tisini(90) kwa Tangazo la Serikali Namba 332(Government Notice No.332) la tarehe 27 septemba,2013,.
 

Serikali inawataka wamiliki,wahariri na wanahabari kwa ujumla kuwa makini,kuzingatia weledi,miiko na madili yataaluma uandishi wa habari.
Serikali inawataka wamiliki na hasa wahariri kuhakisha kuwa habari wanazoziandika na vipindi wanavyoviandaa vinazingatia taaluma,kuweka mbele maslahi ya taifa letu kwa kuwa na uzalendo wa hali ya juu.
 

Serikali inavionya vyombo vya habari vinavyoutumia uhuru wa habari bila wajibu kuwa haitasita kuvichukulia hatua kali ikiwemo ya kuvifungia .Serikali haitakubali kuona vyombo vya habari kuwa chanzo cha uvunjifu wa amani  nchini.
Imetolewa na

MKURUGENZI IDARA YA HABARI
WIZARA YA HABARI,VIJANA, UTAMADUNI NA MICHEZO
28 SEPTEMBA,2013

Chanzo ni hapa www.tanzaniangovernment.blogspot.com

Watatu EPA waenda jela

Habari na Happiness Katabazi wa Tanzania Daima.

MAHAKAMA ya Hakimu Mkazi Kisutu Dar es Salaam, imewahukumu kwenda jela miaka tofauti washitakiwa watatu waliokuwa wakikabiliwa na kesi ya wizi wa sh bilioni 1.1 katika akaunti ya madeni ya nje (EPA) katika Benki Kuu ya Tanzania.

Hatua hiyo ni baada ya kuwakuta na hatia katika makosa mbalimbali, likiwemo la kughushi hati ya kuhamisha deni toka Kampuni ya Marubeni ya Japan kwenda Kampuni ya Changanyikeni Residential Complex ya nchini.

Hukumu hiyo ya kesi ya jinai iliyokuwa ikiwakabili Bahati Mahenge, Manase Makalle, Davis Kamungu, Geofrey Mosha na Edda Mwakale ambaye ni mke wa mshitakiwa wa pili, ilitolewa na jopo lililokuwa likiongozwa na Jaji Sekela Mushi, Jaji Sam Rumanyika na 

Hakimu Mkazi Lameck Mlacha ambaye aliisoma kwa niaba ya wenzake.

Mlacha alisoma hukumu hiyo kwa kuanza kuikumbusha mahakama kuwa hati ya mashitaka ilikuwa na mashitaka tisa na kwamba kosa la kwanza ni kula njama kinyume na kifungu cha 384 cha sheria ya kanuni ya adhabu ya mwaka 2002.

Alisema kuwa washitakiwa hao walitenda kosa hilo kati ya Desemba 23 mwaka 2003 na Oktoba 26 mwaka 2005, ambapo kwa pamoja na watu wengine ambao hawapo mahakamani walitenda kosa hilo na kuiibia BoT.

Hakimu Mlacha alisema baada ya kupitia ushahidi na vielelezo vyote, mahakama yake inawatia hatiani Mahenge na Manase na kuwahukumu kwenda jela miaka mitano huku akiwaachia huru washitakiwa wengine.

Wasichana 55,000 wakosa masomo kwa ujauzito.

ZAIDI ya wasichana 55,000 wa shule za msingi na sekondari Tanzania Bara, wamekatisha masomo yao kwa sababu za ujauzito.

Licha ya kukatisha masomo, wasichana hao walitengwa na jamii baada ya kupata ujauzito na kuwaharibia mtiririko bora wa maisha yao katika kipindi cha miaka 10 iliyopita.

Hayo yalibainika Dar es Salaam juzi usiku wakati wa uzinduzi wa ripoti ya utafiti namna Wasichana wa shule nchini Tanzania wanavyofanyiwa kwa nguvu vipimo vya ujauzito na kufukuzwa wanapokutwa wajawazito.

Utafiti huo ulifanywa na Kituo cha Kutetea Haki ya Uzazi kiitwacho Centre for Reproductive Rights kati ya mwaka 2012/2013 na kubainisha hayo huku ukieleza kwamba asilimia 44 ya wasichana Tanzania Bara wamepata mimba wakiwa na umri chini ya miaka 19 huku wengi kati yao wakitengwa na jamii.

Akizungumzia utafiti huo mkurugenzi mkazi wa kituo hicho kanda ya Afrika Evelyne Opondo alisema utafiti huo umehusisha shule za bweni za serikali na binafsi.

“Tumegundua kwamba wakuu wa shule wanawapima mimba wananfunzi kwanza kwa njia za kienyeji, pili wanafanya hivyo bila kujua kwamba hakuna sheria wala sera inayowaruhusu kuwapima mimba wanafunzi hao.

Atupwa jela kwa kuendesha bodaboda bila leseni.

MAHAKAMA ya Wilaya ya Igunga, mkoani Tabora imemhukumu kutumikia kifungo cha miezi sita jela mshitakiwa Lupembe Majebele (25), mkazi wa Kijiji cha Lutende, Wilaya ya Uyui mkoani Tabora kwa kosa la kuendesha pikipiki bila leseni.

Awali akisomewa mashitaka mbele ya Hakimu Mkazi Mfawidhi wa Mahakama ya Wilaya ya Igunga, Ajali Milanzi, Mwendesha Mashtaka wa Polisi Dezidery Kaigwa aliiambia mahakama kuwa mshitakiwa anakabiliwa na makosa mawili.

Aliiambia mahakama kuwa kosa la kwanza ni kuendesha chombo cha moto bila leseni kinyume na sheria ya usalama barabarani ya mwaka 1963 iliyofanyiwa marekebisho mwaka 2002 inayozuia kufanya makosa kama hayo na kosa la pili ni kumgonga mtembea kwa miguu na kusababisha kifo chake.

IANPHI KUFANYA MKUTANO WAKE WA 8 TANZANIA

 Kwa mara ya kwanza katika historia ya Chama cha Kimataifa cha Taasisi za Kitaifa za afya ya Jamii (IANPHI), Tanzania imepewa heshima ya kuratibu mkutano wa nane wa mwaka wa  taasisi hiyo  na kupata nafasi ya kuing'arisha nchi katika ramani ya dunia na hatimaye kuweza kutangaza maliasili zake na vivutio vya Utalii vilivyomo. Mkutano huo wa nane wa IANPHI unataraji kufanyika kuanzia 29 Septemba 2013 hadi 1 Oktoba mwaka huu jijini Arusha katika Hoteli ya Ngurdoto.

 Akizungumza hii leo jijinni Dar es Salaam, Makamu wa Rais, Chama cha Kimataifa cha Taasisi za kitaifa za Afya ya Jamii(IANPHI) na Mkurugenzi Mkuu, Taasisi ya Taifa ya Utafiti wa Magonjwa ya Binadamu (NIMR), Dr. Mwele Malecelaamesema mkutano huo utashirikisha washiriki 150 kutoka nchi 73 wanachama.

Bodi yatangaza wanafunzi waliopata mikopo katika mwaka wa masomo 2013/2014.

SERIKALI imetangaza kuwapatia mikopo wanafunzi wa elimu ya juu 29,754 kati ya wanafunzi 31,647 katika mwaka wa masomo 2013/2014.

Mkurugenzi wa Habari, Elimu na Mawasiliano, Bodi ya Mikopo ya Wanafunzi wa Elimu ya Juu, Cosmas Mwaisobwa, alieleza hayo jijini Dar es Salaam jana alipozungumza na waandishi wa habari kuhusu utaratibu wa utoaji wa mikopo hiyo kwa wanafunzi wapya na wanaoendelea na elimu ya juu.

Alisema uchambuzi wa maombi ya mikopo kwa mwaka huu wa masomo umekamilika na kwamba lengo la serikali ni kuwawezesha wanafunzi wa elimu ya juu kupata fedha kwa muda muafaka.

Alisema kuwa mchanganuo wa utuoaji wa mikopo hiyo ulizingatia vigezo na masharti ya uombaji mikopo na ruzuku.

Alisema idadi ya waombaji wapya waliotuma maombi yalikuwa 53,239, waombaji wanaoendelea na masomo 43,032, waombaji waliokuwa na maombi yenye matatizo ni 6,364.

“Wengine ni waombaji waliorekebisha matatizo kwenye maombi yao 3,151 na waombaji ambao hawakurekebisha matatizo kwenye maombi yao 3,213,” alisema.

Akifafanua zaidi kuhusu mchanganuo huo alisema waombaji wapya 53,630 watakaosoma  ndani na nje ya nchi wamepata mikopo hiyo.

Alisema maombi ya mikopo kwa wanafunzi wanaoendelea 61,692 ambao wanasoma ndani na nje ya nchi wamepangiwa kupata mikopo hiyo.

Mrisho Ngassa amelipa Milioni 45 za Simba.

Mrisho Ngassa (katikati) akionyesha risti ya malipo aliyopewa TFF baada ya kulipa deni la mil 45, kushoto kwake ni mhasibu wa Yanga, Rose Msamila na kulia ni Afisa Habari wa Yanga Baraka Kizuguto

Kiungo mshambuliaji wa timu ya Young Africans Mrisho Khlafani Ngassa leo amelipa jumla ya mil 45, deni la mil 30 pamoja na faini ya mil 15 za klabu ya Simba SC kwa Shirikisho la Soka nchini TFF ili aweze kuitumikia timu yake kuanzia kesho.

Ngassa ambaye aliambatana na viongozi wa klabu ya Yanga mjumbe wa sekretariat Partick Naggi, Afisa Habari Baraka Kizuguto na mhasibu Rose Msamila alikabidhi hundi za malipo kwa idara ya fedha ya shirikisho hilo.

Mara baada ya kukabidhi hundi hiyo Ngassa aliongea na waandishi wa habari nje ya ofisi za TFF na kusema ameamua kulilipa deni hilo ili aweze kuitumikia klabu yake, kwani kukosa michezo sita kumemnyima fursa ya kuisaidia timu yake.

MASTAA WAAIBIKA KWA MADENI

Mastaa wa kada mbalimbali Bongo, akiwemo mtangazaji Maimartha Jesse, mwigizaji Nuru Nassoro ‘Nora’, wanamuziki Elias Barnaba, Aneth Kushaba wa Skylight Band na wanawake wa mjini, Maila Msafiri na Devotha, wanadaiwa kuaibika kisa madeni.

Lulu Mathias Semagongo ‘Aunty Lulu’.

Habari zinadai kuwa mastaa hao wamekuwa wakihenyeshwa na madeni ya nguo kutoka kwenye duka moja lililopo maeneo ya Kinondoni, Dar linalomilikiwa na mtangazaji ambaye pia ni mwigizaji, Lulu Mathias Semagongo ‘Aunty Lulu’.
Akizungumza na gazeti hili huku akidondosha chozi, Aunty Lulu alisema anasikitishwa na kitendo hicho alichofanyiwa na mastaa wenzake.
“Niliwaamini, nikawakopesha nguo lakini wamekuwa wakinisumbua kwenye kunilipa. Inauma sana kwa sababu wanataka kunirudisha nilikotoka.

BABA MZAZI KANIBAKA MIEZI TISA...BINTI DARASA LA TANO.

Stori: Gladness Mallya na Hamida Hassan KWELI dunia haina huruma! Binti wa umri wa miaka 15 tunayemtambulisha kwa jina moja tu la Zaina, mkazi wa Kimara jijini Dar ameamua kufunguka na kusimulia jinsi alivyokuwa akibakwa na baba yake mzazi aliyemtaja kwa jina moja la Mohamed, Ijumaa ndiyo lina habari hii ya kusikitisha.

 

Binti wa darasa la tano aliyebakwa na baba yake kwa miezi tisa.

ANAANZA KWA KUANIKA HISTORIA YAKE FUPI!
Akisimulia kwa uchungu, Zaina alianza kwa kuanika historia yake kwa ufupi kwamba tangu atoke tumboni, hakuwahi kumuona mama yake zaidi ya kuoneshwa kwenye picha tu!
 

Akasema hiyo yote ilitokana na hadithi aliyowahi kusimuliwa kwamba, akiwa kichanga, baba huyo alimuiba kwa mama yake anayeishi Kigamboni, Dar na kwenda kumlea Kimara kwa ushirikiano na mama yake wa kufikia.
 

Lakini akasema: Hata huyo mama wa kambo mwaka jana aliachana na baba baada ya kutufumania chumbani mimi na baba, akakasirika na kuondoka zake.

Kamanda Suleiman Kova.

SIKIA FILAMU KAMILI SASA
“Nakumbuka ilikuwa mwanzoni mwa mwaka jana, nikiwa darasa la tano katika Shule ya Msingi Kimara ndipo baba alipoanza tabia ya kunilazimisha tufanye mapenzi. Alisema anataka tufanye kwa njia ya kawaida na ya kinyume na maumbile.
 

“Nilikataa lakini akawa ananilazimisha na vitisho juu. Tulianza kwa kufanya mchezo huo na baba lakini si kwa kupenda kwangu, nililazimika kwa sababu niliamini ni baba ambaye anaweza kunifanya lolote kama nitakataa, mbaya zaidi hakuwa akitumia kinga,” alisema na kuongeza:
 

“Kuanzia hapo, zoezi hilo liliendelea kila siku hadi mwishoni mwa mwaka jana nilipoamua kutoroka na kwenda kuwaeleza ndugu wa baba, kule Tanga.”

Miss Universe Tanzania kujulikana leo

SWALI la nani atatwaa taji la Miss Universe Tanzania 2013, linatarajiwa kupata jibu leo wakati warembo 15 kutoka mikoa mbalimbali ya Tanzania watakapochuana kwenye ukumbi wa Makumbusho ya Taifa, mkabala na IFM jijini Dar es Salaam kuanzia saa moja kamili usiku.

Warembo hao mbali ya kuwania taji la Miss Universe Tanzania, ambalo kwa sasa linashikiliwa na Winfrida Dominique, pia watawania taji la Miss Earth Tanzania na kupata tiketi ya kuiwakilisha nchi katika mashindano ya kimataifa.

Warembo hao kwa nyakati tofauti, wamekuwa wakitambiana huku kila mmoja akijigamba kutwaa taji hilo na kuiwakilisha nchi katika mashindano ya dunia yaliyopangwa kufanyika jijini Moscow, Russia Novemba 9.

 

Mkurugenzi wa Kampuni ya Compass Communications inayoandaa mashindano hayo, Maria Sarungi, alisema kuwa kila kitu kimekamilika na warembo wamepania kufanya makubwa jukwaani, ambapo warembo wote wana ari ya juu na kila mmoja akiwa na shauku ya kutwaa taji hilo.

“Kwa upande wetu, kila kitu kiko tayari, warembo wamejiandaa vilivyo na tumeandaa shoo bora na fupi, hivyo mashabiki wa masuala ya urembo wanatakiwa kufika mapema ili kuona nani anatwaa taji na kupata tiketi ya kuiwakilisha nchi kimataifa,” alisema Maria.Warembo watakaochuana leo ni Aziza Victoria, Irene Nsiima, Betty Boniface, Kundi Mlingwa, Mariam Ngwangwa, Naomi Kisaka, Glady Msemo, Salsha Lukiko, Upendo Dickson, Vestina Mhagama, Angela Lutataza, Consolata Mosha, Clara Noor, Agnes Thobias, Dinah David na Clara Noor.

Madiwani Bagamoyo waishukia Tasaf..watumikisha wananchi kazi za miradi mbalimbali huku fedha wakichukua wao.

Habari na Zawadi Chogogwe wa Tanzania Daima.

MADIWANI wa Halmashauri ya Bagamoyo, mkoani Pwani, wamelaani kitendo cha Mfuko wa Maendeleo ya Jamii (TASAF) kufika katika vijiji vya Bagamoyo na kuwatumikisha wananchi kazi za miradi mbalimbali huku fedha wakichukua wao.

Madiwani hao waliibua hayo mjini Bagamoyo juzi katika kikao cha baraza la madiwani cha robo ya nne ya mwaka 2012 na 2013 kilichofanyika katika ofisi za mkurugenzi wa halmashauri hiyo ambacho kilihudhuriwa na wataalamu mbalimbali.

Diwani wa Kilomo, Hassan Usinga, alisema Tasaf wamekuwa na tabia ya kutofika kwa watendaji wa vijiji pindi wanapofanya kazi zao za miradi na badala yake wanaenda moja kwa moja kwa wanakijiji na kuwatumikisha katika miradi ya maendeleo huku wakiwalipa fedha kidogo.

“Kitendo cha kwenda kwa wanakijiji kuwafanyisha kazi na kuwalipa fedha kidogo kumechangia miradi mingi kuwa mibovu huku mingine ikiwa imekufa kama vile miradi ya kuku,” alisema Usinga.

Alisema taarifa za maendeleo ya vijiji zinaonyesha kuwa dawa za mifugo na matumizi zimetolewa kwa wanakijiji na kueleza kuwa taarifa hizo zikiwa hazina ukweli.

“Kutowashirikisha watendaji wa vijiji katika mikutano ya maendeleo kumepelekea kukosa wanakijiji wengi kushiriki katika mikutano yao,” alisema.

Alisema wanaoshiriki wanakuwa wachache hali inayowafanya Tasaf kuwavalisha fulana na kofia huku wakiwapiga picha na kuzipeleka kwa wafadhili kwa kuonyesha ushahidi kuwa wanakijiji wameshiriki mkutano huo wakati sio kweli.

Soko la Kariakoo laelemewa na wateja kutokana na idadi kubwa ya watu 62,000 wanaoingia.

SOKO la Kariakoo jijini Dar es Salaam limeelemewa na wateja kutokana na idadi kubwa ya watu 62,000 wanaoingia na kutoka kila siku kwa ajili ya kupata huduma mbalimbali.

Meneja Mkuu wa soko hilo, Florence Seiya, alibainisha hayo alipozungumza  ofisini kwake jana na kusema kwa siku soko hilo linahudumia watu 62,000.

Alisema mbali na kuelemewa na wateja, soko hilo linahitaji ukarabati utakaogharimu sh bilioni moja.

Alisema soko hilo lililojengwa miaka 39 iliyopita lina wafanyabiashara halali 1,558, mbali na wale wanaouza biashara za mkononi wanaojulikana kama ‘wamachinga’.

“Wafanyabiashara waliomo shimoni ni 600, walioko nje soko dogo ni 190, walioko ndani soko dogo ni 289, soko kubwa ni 189 waliobaki ni Mtaa wa Swahili eneo la soko,” alisema Seiya.

Seiya alisema kadiri siku zinavyokwenda nafasi inazidi kuwa ndogo, baada ya Shirika la Masoko Kariakoo kushindwa kujenga soko jingine la ghorofa la kisasa litakalokuwa na uwezo wa kuchukua wafanyabiashara 4,000 kwa wakati mmoja.

Pia alisema kumekuwapo na ufinyu wa barabara za kuingilia sokoni hapo kutokana na magari mengi yanayoegeshwa katika soko hilo, mikokoteni, pikipiki na wale wafanyabiashara wanaofanya biashara zao kwenye barabara za lami.

‘Wajumbe wa Tume hawatajiuzulu’.

Dar es Salaam. 
Mwenyekiti wa Tume ya Mabadiliko ya Katiba, Jaji Joseph Warioba amesema hakuna mjumbe wa Tume hiyo aliyetishia kujiuzulu licha ya kwamba wanafanya kazi kwenye mazingira magumu.

 
Amesema katika awamu ya pili ya kukusanya maoni kupitia Mabaraza ya Wilaya ya Katiba wajumbe hao wamefanya kazi ngumu huku wakikabiliwa na changamoto nyingi, lakini wamevumilia kwa sababu wanafuata sheria.

Akizungumza na waandishi wa habari Dar es Salaam jana, Jaji Warioba alisema: “Naona kwamba wajumbe wa Tume wanaeleweka vibaya kwamba wanataka kujiuzulu, lakini jambo hilo halipo kwani wanafanya kazi kwa kufuata sheria.

Warioba: Sheria ya Mabadiliko ya Katiba ina upungufu.

Dar es Salaam. 
Wakati wananchi wa kada mbalimbali wakishinikiza Rais Jakaya Kikwete kutokusaini Muswada wa Sheria ya Marekebisho ya Sheria ya Mabadiliko ya Katiba 2013, kwa maelezo kuwa una kasoro, Mwenyekiti wa Tume ya Mabadiliko ya Katiba, Jaji Joseph Warioba naye amesema sheria ina upungufu.

 
Warioba alisema jana kwamba ni jambo la kushangaza sheria hiyo kueleza kuwa tume hiyo itavunjwa baada ya kukabidhi Rasimu ya Katiba kwenye Bunge Maalumu la Katiba, wakati huohuo ikieleza kuwa itahusika tena kusimamia utoaji wa elimu ya kura ya maoni.

Kauli hiyo ya Warioba imekuja wakati vyama vya NCCR Mageuzi, Chadema na CUF, vikifanya mikutano nchi nzima kuwashawishi wananchi kupinga kile wanachokiita hujuma dhidi ya upatikanaji wa Katiba Mpya.

Sheria hiyo ambayo Warioba amesema ina upungufu, muswada wa marekebisho yake ulijadiliwa na kupitishwa wa wabunge Septemba 6, mwaka huu katika Mkutano wa 12 wa Bunge Mjini Dodoma, ikiwa ni baada ya kubadilishwa kwa baadhi ya vifungu na hivi sasa Rais Kikwete anasubiriwa kuusaini ili iwe sheria kamili.