Aunt na Wema wamezidi ‘kusherehesha’ bifu lao baada ya kupigana vikumbo kwenye mgahaw

Mafahari wawili Bongo Movies, Aunt Ezekiel na Wema Sepetu ‘Madam’.

Imelda Mtema
MAFAHARI wawili Bongo Movies, Aunt Ezekiel na Wema Sepetu ‘Madam’ wamezidi ‘kusherehesha’ bifu lao baada ya kupigana vikumbo kwenye mgahawa unaojulikana kama Snow Cream na kuchuniana kama vile hawajuani.

Wema Sepetu.

Kwa mujibu wa chanzo chetu ambacho kiliusoma ‘mchezo’ mwanzo mwisho, Wema ndiye aliyekuwa wa kwanza kuingia kwenye mgahawa huo na wapambe wake kisha baada ya muda kidogo kupita, Aunt pamoja na watu wengine nao walifika na kukaa meza nyingine.

Aunt Ezekiel.

Habari zinazidi kudai kuwa baada ya Aunt kukaa, walitupiana macho na Wema bila kupeana salamu ingawa Wema hakuwahi kumuona mtoto wa Aunt tangu ajifungue.

AUNT EZEKIEL AJIFUNGUA MTOTO WA KIKE

 

Staa wa filamu nchini, Aunt Ezekiel.

Imelda Mtema, Dar es Salaam
STAA wa filamu nchini, Aunt Ezekiel amebahatika kupata mtoto wa kike kwa kujifungua salama, jana mchana katika hospitali binafsi iliyopo Mbezi jijini Dar, baada ya kufanyiwa upasuaji.

Akizungumza huku akiwa mwenye furaha, Aunt alisema kuwa anamshukuru Mungu kwa kila jambo kwa kuwa yeye ndiye muweza na aliyefanikisha safari yake hiyo salama, hivyo anamshukuru kwani sasa na yeye anaitwa mama.“Jamani Mungu ni mwema sana safari ilikuwa na vikwazo vingi lakini namshukuru sana nimefanikiwa kupata rafiki yangu mzuri anayeitwa Cookie na ninajivunia kuwa mama, naamini nitakuwa mama bora,” alisema Aunt.
Baba wa mtoto huyo ambaye ni dansa wa mwanamuziki Nassib Abdul ‘Diamond’, Moses Iyobo naye alionekana kuwa na furaha ambapo alisema amefurahi kuona mpenzi wake amejifungua salama na anamshukuru Mungu kwa kufanikisha hilo.
“Asante sana Mungu, Mungu ndiyo kamfikisha mpenzi wangu salama katika safari yake, name sasa naitwa baba,” alisema Iyobo.

AUNT: SITAMZIKA WEMA!

 CHANZO: GLOBAL PUBLISHERS
‘Nikifa usije kunizika, ukifa sitakuzika’! Ni maneno makali sana kuyatamka kiasi kwamba, enzi za wahenga ilipotokea ndugu, marafiki au majirani wakaapishana kwa maneno hayo, walitafutwa wazee wenye hekima ili kuondoa laana hiyo.

Msanii wa sinema Bongo movie Aunt Ezekiel Grayson.

Sasa, hivi karibuni, baada ya kuvunjika kwa urafiki wa ‘kupika na kupakua’ kati ya mashostito wawili walio katika tasnia ya Bongo Movies, Aunt Ezekiel Grayson na Wema Isaac Sepetu maneno hayo yametumika pasipo sababu, Ijumaa Wikienda lina kila kitu!

Wema Sepetu na Aunt Ezekiel.

AUNT BILA KUUMA MANENO
Juzi, Aunt ameibuka na kutoa kauli kali bila kuuma maneno kwamba, Wema akitangulia kuaga dunia, yeye hatakwenda kumzika kwa maana ya kuuaga mwili wake sanjari na kuomboleza.

AUNT ANENA MAZITO BIFU LA KAJALA, WEMA

Staa anayefanya vizuri kwenye tasnia ya filamu Bongo, Aunt Ezekiel.

Gladness Mallya
STAA anayefanya vizuri kwenye tasnia ya filamu Bongo, Aunt Ezekiel amefunguka kuwa anatamani aone mastaa wawili ambao wana bifu kali, Wema Sepetu na Kajala Masanja wanamaliza tofauti zao kwani maisha ni mafupi.

Wema na Kajala enzi wakiwa bado mashosti.

Akizungumza na gazeti hili, Aunt alisema kati ya mabifu ambayo angependa yaishe ni la Wema na Kajala kwani wapo wasanii wamefariki dunia wakiwa na bifu huku wale waliobaki ambao walikuwa na mabifu nao wakitamani waamke walau mara moja wamalize tofauti zao lakini haikuwezekana.

AUNTY: MWANANGU ATANIFUTA MACHOZI YA KUFIWA

Na Laurent Samatta/Uwazi
MKALI wa filamu Bongo, Aunty Ezekiel amefunguka kuwa pamoja na kupoteza wazazi wake miaka kadhaa nyuma pindi akiwa mdogo, anaamini mtoto atakayejifungua atamfuta machozi ya muda mrefu ya kuwapoteza wazazi wake.

Mkali wa filamu Bongo, Aunty Ezekiel.

Aunty alifunguka ishu hiyo kwa upole, ambapo alisema kifo cha wazazi wake kilimfanya kulelewa na bibi yake pamoja na shangazi.

IYOBO: MIMBA YA ‘BABY’ NI FARAJA KWANGU

Dansa mahiri wa staa wa muziki Bongo na nje ya nchi, Nasibu Abdul  ‘Diamond’ aitwaye Moses Iyobo, amefunguka kuwa hakuna kitu kinachompa faraja kubwa kama mimba ya mpenzi wake ambaye ni staa wa filamu Bongo, Aunty  Ezekiel.

Moses Iyobo akiwa na mpenziwe ambaye ni staa wa filamu Bongo, Aunty  Ezekiel.

Akizungumza na Amani hivi karibuni,  Iyobo ambaye nyuma kidogo alipost picha katika mtandao wa kijamii wa Instagram na kutoa pongezi kwa mpenzi wake huyo kwa kumbebea ujauzito, alisema kuwa hakuna kitu ambacho anaona fahari kama hicho.
“ Mimi tu nikiwaza mtu ambaye ninampenda kwa dhati ana mimba yangu napata faraja kubwa sana hivyo kila siku namuomba Mungu ajifungue salama na ampitishe katika majaribu mazito,” alisema Iyobo.
CHANZO: GLOBAL PUBLISHERS

IYOBO: HATA KAMA AUNT AMENIZIDI UMRI, HAIHUSU

Dansa grade one wa Nasibu Abdul ‘Diamond’, Moses Iyobo akiwa na  Aunt Ezekiel.

Stori: mwandishi wetu/Risasi
DANSA grade one wa Nasibu Abdul ‘Diamond’, Moses Iyobo amenyanyua kinywa chake na kusema hata kama mpenzi wake, Aunt Ezekiel amemzidi umri, ataendelea kumpenda hivyohivyo.
Akizungumza na mwanahabari wetu juzikati, Iyobo.
alisema watu wengi wamekuwa wakihoji yeye kumpenda Aunt
ambaye ana umri wa miaka 29, hawajui tu mapenzi hayaangalii umri kwani miaka ni namba tu za kuhesabika.
“Age is just a number, mimi sioni tatizo kuwa  na Aunt. Nategemeaanizalie, awe mama wa watoto wangu. Kuhusu wale wanaosema nina mke mwingine, si kweli yule nilizaa naye tu lakini kwa Aunt ndiyo nimefika,” alisema Iyobo ambaye ana umri wa miaka 23.

WEMA, AUNT KICHEKO KABURINI KWA NGWEA

CHANZO:GLOBALPUBLISHERS
INAWEZEKANA ilikuwa utani? Au ‘waliamka’ nazo?! Kweli binadamu anaweza kuvunjika mbavu (kicheko) juu ya kaburi la mpendwa wake? Mh!

Mastaa wa Bongo, Wema Sepetu na shostito wake, Aunt Ezekiel wakiangusha kicheko katika kaburi la marehemu Albert Mangweha ‘Ngwea’.

Lakini imetokea! Wakati dunia ikisherehekea ujio wa mwaka mpya wa 2015, mastaa wa Bongo, Wema Sepetu na shostito wake, Aunt Ezekiel walionesha jambo tofauti kufuatia kutinga kwenye kaburi la aliyekuwa nyota wa Bongo Fleva, marehemu Albert Mangweha ‘Ngwea’ na kutumia muda mwingi kucheka na kutuma meseji kwa simu wakiwa juu ya kaburi hilo.

AUNT: MUME WANGU HAJUI KAMA NINA MIMBA

Msanii wa filamu Bongo, Aunt Ezekiel ‘Mama Kijacho’ amefunguka kuwa, licha ya ujauzito wake kuwa mkubwa, mume wake Sunday Demonte hana taarifa yoyote juu ya kitumbo hicho.Akipiga stori na paparazi wetu hivi karibuni, Aunt alisema maneno hayo yanaweza kuwashangaza watu lakini ndiyo ukweli wenyewe.

Msanii wa filamu Bongo, Aunt Ezekiel ‘Mama Kijacho’.

Alidai kuwa yeye na mume wake huyo hawajaachana na hajapewa talaka kama watu wanavyodai lakini hajui kwamba ni mama mtarajiwa na hata akijua hawezi kumuacha.
“Kiukweli mume wangu hajui kuwa nina ujauzito na hata akijua wala hawezi kuniacha, ananipenda sana. Sijaachana naye na wala sijapewa talaka, hayo yanayosemwa ni umbeya tu,” alidai Aunt. 

DOKTA AONYA MIMBA YA AUNT!

TABIA za mitoko ya usiku matembezini, uvaaji viatu virefu na unywaji pombe unaofanywa na wamama wajawazito, kama alivyo sasa muigizaji Aunt Ezekiel, zimeelezewa kuwa si nzuri na zina uwezekano mkubwa wa kusababisha madhara kwa mtoto anayetarajiwa kuzaliwa.

Mkali katika tasnia ya filamu Bongo, Aunt Ezekiel.

Akizungumza baada ya kuulizwa na gazeti hili juu ya mwenendo wa muigizaji Aunt Ezekiel ambaye mara kadhaa huonekana akiwa ‘viwanja’  usiku, daktari mtaalamu wa magonjwa ya kina mama na watoto,  aliyejitambulisha kwa jina moja la Dokta Chale, alisema utokaji wa usiku na uvaaji wa viatu virefu unaweza kusababisha matatizo ya nyonga, shida wakati wa kujifungua, miguu kuuma na uvimbe kwenye vifundo vya miguu ‘enka’.

MADAI MAZITO: AUNT ANASA MIMBA NJE YA NDOA

Madai mazito! Pamoja na kutumia nguvu kubwa kukanusha kwa miezi kadhaa, bado staa wa sinema za Kibongo, Aunt Ezekiel Grayson, anaendelea kugandwa na madai kwamba, amenasa mimba nje ya ndoa, Ijumaa lina mkanda kamili.

Staa wa sinema za Kibongo, Aunt Ezekiel akiwa viwanja na shosti yake, Wema Sepetu.

Habari hizo zilishika kasi mithili ya moto wa kifuu baada ya Aunt kunaswa Klabu ya New Maisha iliyopo Masaki jijini Dar, Jumapili iliyopita akiwa ameshiba yaani kitumbo ndi huku akishindwa kukificha baada ya kila kitu kuonekana waziwazi kwa macho yasiyohitaki miwani.

PENNY: SIWEZI KUVUNJA USHOSTI WA WEMA, AUNT!

MTANGAZAJI  Bongo, Penniel Mungilwa ‘Penny’ amefunguka kuwa kamwe hawezi kuwagombanisha marafiki wa damu, Wema Sepetu ‘Madam’ na Aunt Ezekiel, baada ya yeye kuingilia urafiki huo. 

Mtangazaji Bongo, Penniel Mungilwa ‘Penny’ akiwa na Wema Sepetu.

Akizungumza na mwanahabari wetu, Penny alisema kuwa anaamini kabisa kuna baadhi ya watu  hawapendi kuwa na urafiki zaidi ya watu watatu kitu ambacho siyo sahihi, yeye anaamini baada ya  kupatana na Wema hivi karibuni, watakuwa marafiki watatu.

Wema Sepetu akiwa na Aunty Ezekiel.

“Nafurahi sana tunapokuwa na kampani kubwa nashangaa wengine mpaka wanafikia kupigana kisa akiona rafiki yake ana urafiki na mtu mwingine, mimi napenda tuwe wengi ili tuweze kushauriana mambo mbalimbali,” alisema Penny.

NI SHEEDAH 'WEMA, AUNTY HUSAGANA'

Stori: Musa Mateja na Imelda Mtema

Ni sheedah! Pamoja na kukanusha kwa kutumia nguvu kubwa, nyuma ya ushosti wa mastaa grade one wa sinema za Kibongo, Wema Sepetu ‘Beautiful Onyinye’ na Aunty Ezekiel kuna siri nzito ikidaiwa kwamba wawili hao husagana.Wema Sepetu ‘Beautiful Onyinye’ na Aunty Ezekiel wakidendeka hadhalani.

TUKIO BICHI
Madai hayo ya muda mrefu huku wenyewe wakisisitiza si ya kweli, yameibuka upya juzikati baada ya warembo hao kuonesha mahaba niue au nikongorowe kisha ‘kudendeka’ hadharani na kusababisha mwandani wa Wema, Nasibu Abdul ‘Diamond’ kukasirika na kuondoka eneo la tukio akiambatana na timu yake ya Wasafi Classic Baby (WCB).

BETHIDEI YA AUNT YAHUDHURIWA NA MASTAA KIBAO

Staa wa Filamu Bongo, Aunt Ezekiel akikata keki  ya bethidei yake ndani ya Ukumbi uliyopo kwenye   Mgahawa wa Rodizio Masaki jijini Dar es Salaam, usiku wa kuamkia leo.

Aunt Ezekiel akimlisha keki Wema Sepetu.

Shilole (kulia), akilishwa keki na Aunt Ezekiel.

SKENDO YA MASTAA KUHONGWA MAGARI: LULU AANDIKA HISTORIA

Limekuwa ni jambo la kawaida kwa baadhi ya mastaa wa Kibongo kuonesha au kupiga picha anaponunua gari jipya huku suala la kuonesha kadi ya gari likiwa gumu na ahadi zisizokwisha lakini mwigizaji ‘sexy’ mwenye mvuto kwenye tasnia ya filamu Bongo, Elizabeth Michael ‘Lulu’ ameandika historia ya tofauti.

Mwigizaji ‘sexy’ mwenye mvuto kwenye tasnia ya filamu Bongo, Elizabeth Michael ‘Lulu’.

KADI YA GARI
Ijumaa limenasa kadi ya gari jipya la Lulu aina ya Toyota Rav4 New Model lenye rangi ya silva hivyo kuthibitisha kuwa yeye si kama wale wanaohongwa magari bila kupewa kadi.
Habari zilidai kwamba Lulu ameamua kufanya hivyo ili kuwaziba midomo baadhi ya mastaa waliozoea kutembelea magari ya kuhongwa na wanaume.

DONGO KWA WEMA?
Ilisemekana kwamba ni dongo kwa mastaa wakubwa kama Wema Isaac Sepetu ambaye aliwahi kuhongwa gari la kifahari aina ya Audi Q7 na yule kigogo wake maarufu kwa jina la CK, kabla ya kunyang’anywa na kurudishwa kwa mwenyewe kwani lilikopwa.

Mfano wa Gari analomiliki Elizabeth Michael ‘Lulu’.

AU JACK WOLPER?
Kuna madai kwamba pia kijembe hicho kilitupwa kwa Jacqueline Wolper Massawe ambaye naye aliwahi kuhongwa gari la kifahari aina ya BMW X6 na yule aliyekuwa bwana’ke, Abdallah Mtoro ‘Dallas’ ambalo hadi leo linaozea Majembe Auction kwa kuwa liliingizwa Bongo kimagumashi.

JE, NI AUNT AU KAJALA?
Kwa mujibu wa watu wake wa karibu, pia dongo hilo huenda lilielekezwa kwa mastaa wengine kama Aunt Ezekiel Grayson na Kajala Masanja ‘K’ waliowahi kuripotiwa kwa skandali ya kuhongwa magari huku wengine wakitamba na magari ya kukodisha wakidai ni yao.

Muonekano wa kadi ya Gari hilo.

LULU ATIRIRIKA
Baada ya kuinyaka ishu hiyo kutoka kwa chanzo makini, gazeti hili lilizungumza na staa huyo ambapo alisema kwamba amechoka kila kukicha kutangaziwa sijui pedeshee gani kamhonga gari, mara anakodisha magari atanulie mjini, jambo ambalo halina ukweli wowote.

Staa katika tasnia ya filamu Bongo, Aunt Ezekiel.

LULU ANA HOJA
Lulu alitoa hoja kwamba ili kuvunja kasumba hiyo, ameamua kuweka kadi ya gari hilo hadharani ili na hao wenye kujitamba katika mitandao ya kijamii na magari yao ya kifahari, waweke hadharani kadi zao zinazoonesha umiliki wao wa halali.

Staa katika tasnia ya filamu Bongo, Jacqueline Wolper Massawe.

“Mimi siyo Mswahili kama wengine ndiyo maana nimeonesha kadi yangu kutokana na maneno ya ajabu ya kila siku wanayonitangazia.

“Sasa nasema hivi, mimi nimeonesha kadi yangu na wao waweke hadharani kadi zao za hayo magari yao ya kifahari wanayoringia mjini tuone umiliki wao wa halali,” alisema Lulu ambaye ni staa wa kwanza Bongo kuonesha kadi yake ya gari inayomuonesha kuwa ni mmiliki halali.

Staa katika tasnia ya filamu Bongo,Kajala Masanja.

Mbali na gari hilo ambalo mwenyewe anadai amelinunua dola 27,000 (takriban shilingi milioni 44), pia Lulu anamiliki nyumba anayoendelea kuijenga iliyopo maeneo ya Mbezi Shamba jijini Dar hivyo kuwafunika mastaa wengi wakubwa wa tasnia ya filamu Bongo.

CHANZO NI GPL

AUNT AKERWA NA MASHOGA

KERO! Mtendea haki sinema za Kibongo, Aunt Ezekiel amefunguka kuwa anakerwa sana na wanaume wenye hulka za kike (mashoga).

Staa wa sinema za Kibongo Aunt Ezekiel.

Akichonga na paparazi wetu, Aunt alisema mashoga wanamstaajabisha kwa jinsi wanavyojiweka na kujishaua katika jamii kitu ambacho anaamini ni tabia mbaya ambayo mtu anaweza kuiacha mara moja.
“Mashoga hunistaajabisha sana kwa kweli, kila niwaonapo sijui  najisikiaje? Nawashangaa kweli, kwa nini wasibadilike,” alisema Aunt.

WEMA NA KAJALA WAMEPATANA

Stori:  WAANDISHI WETU

Hatimaye! Manguli wawili wa Bongo Movies waliokuwa mahasimu wakubwa na kusababisha tafrani kubwa, Wema Isaac Sepetu ‘Beautful Onyinye’ na Kajala Masanja ‘K’ hatimaye wamekutana uso kwa uso (live) na kumaliza bifu lao saa chache kabla ya kuanza kwa Mwezi Mtukufu wa Ramadhani, Ijumaa Wikienda limesheheni.

Manguli wawili wa Bongo Movies waliokuwa mahasimu wakubwa Wema Isaac Sepetu ‘Beautiful Onyinye’ na Kajala Masanja ‘K’ wakikata mauno.

NI KWENYE VUNJA JUNGU
Tukio hilo la heshima lilijiri wikiendi iliyopita nyumbani kwa staa mwenzao wa sinema za Kibongo, Aunt Ezekiel Grayson, Mwananyamala jijini Dar ambapo baadhi ya mastaa walikuwa wakivunja jungu katika sherehe ya kumpongeza rafiki yao almaarufu kwa jina la Wise Ime aliyejifungua mtoto wa kike hivi karibuni.

...Wema na Kajala katika pozi.

KWA MARA YA KWANZA TANGU WAGOMBANE
Katika tukio hilo, mastaa wenzao walipigwa na butwaa kuwaona wawili hao wakiwa pamoja kwa mara ya kwanza tangu wagombane. miezi kadhaa iliyopita.

WALA UJANA KAMA ZAMANI
Mastaa hao walinaswa pamoja wakiwa kama kumbikumbi wakila ujana kama zamani, kitendo kilichowafurahisha marafiki zao wengine waliofika nyumbani hapo wakimpongeza Aunt kwa kuwaweka pamoja kwani tangu wapatanishwe hawakuwahi kukaa pamoja wala kula sahani moja kama walivyofanya siku hiyo.

...Wema na Kajala wakila sahani moja kwa furaha.

“Ukweli sisi tumefurahishwa na ukaribu wa hawa mashosti tuliwamisi sana kuwaona hasa kwenye shughuli kama hizi za kibao kata, leo wameshirikiana kama zamani, wamezungumza, wamecheka na kukata mauno pamoja,” alisikika mmoja wa mastaa aliyehudhuria katika shughuli hiyo.

AUNT EZEKIEL AKIJIACHIA BEACH NDANI YA DUBAI

UCHAFU WA WEMA, AUNT CHINA NI HUU!

LICHA ya mwaka jana kuita vyombo vya habari na kujisafisha baada ya kukaa nusu utupu jukwaani, mastaa wawili wa filamu za Kibongo, Wema Isaac Sepetu na Aunt Ezekiel wamefanya uchafu wakiwa Hong Kong, China.
Video ya aibu ya wawili hao ilivuja mitandaoni mwishoni mwa wiki iliyopita ikiwaonesha ‘wakidendeka’ na kufanyiana vitendo  vinavyokwenda kinyume na maadili ya Kitanzania.

 

Video hiyo inaonesha ilirekodiwa siku ya ‘bethidei’ ya Wema, Septemba 27, mwaka huu ambapo bidada huyo alikuwa akitimiza umri wa miaka 25.
Katika video hiyo waliyorekodi wakiwa China, wawili hao wanaonekana kwenye chumba wakiimba wimbo wa ‘Happy Birthday’ na baada ya kumaliza, wakasogezeana midomo na kumwagiana mabusu ya nguvu.

HISTORIA FUPI YA MSANII AUNT EZEKIEL HII HAPA,.ALIKOZALIWA,MAISHA YAKE.

  JINA la Aunt Ezekiel siyo geni  kwa wadau mbalimbali wa burudani hapa nchini, ni staa ambaye hivi sasa ana jina kubwa kupitia sanaa yake ya uigizaji wa filamu aliyoianza miaka sita iliyopita.

Japokuwa kwa sasa ni staa, amepitia mambo mengi magumu katika safari yake ya maisha mpaka kufikia hapo alipo hivi sasa.

Aunt alizaliwa mwaka 1988 mkoani Dar es Salaam, baba yake akijulikana kama Ezekiel Grayson’ Jujuman’ ambaye alikuwa ni mchezaji hodari sana wa timu ya Simba. Alipata elimu yake ya msingi katika Shule ya Bunge mwaka 1993 hadi 1998. Alienda kumalizia darasa la saba katika Shule ya Msingi Chanzige iliyopo Kisarawe, mkoani Pwani.

Vipi maisha yalikuwaje baada ya kumaliza shule?

“Kwa kweli maisha yalikuwa ni magumu mno kwa maana nilipomaliza shule tu, alijitokeza mwanaume na kutaka kunioa kitu ambacho mimi sikukipenda kabisa lakini baba yangu alitaka hivyo kwa vile uwezo wa kunisomesha hakuwa nao tena na maisha yalikuwa ni magumu sana.

“Baada ya kuona mambo ya mimi kuolewa yanapamba moto huku yule mwanaume akizidi kuihudumia familia yangu, nikaona nikichelewa nitabebwa mzobemzobe, hivyo niliamua kutoroka alfajiri na mpaka natoroka, sikuwa najua naelekea wapi.