TAMASHA LA MATUMAINI 2013: TUNAWASHUKURU WATANZANIA.

TAMASHA la Matumaini 2013 limefanyika kwa mara ya pili Julai 7, mwaka huu kwa mafanikio makubwa ukilinganisha na lile la mwaka jana. Kwa mwaka huu limekuwa na mafanikio zaidi kwa sababu kiongozi wa juu kabisa wa nchi amepata nafasi ya kuzungumza na wananchi kuhusu amani na matumaini kwa nchi yetu.

Sehemu ya wananchi waliohudhuria Tamasha la la Matumaini 2013.

Moja kati ya madhumuni mawili makubwa ya tamasha hilo ni kukumbushana umuhimu wa uzalendo wa dhati wa kudumisha amani, kurejesha matumaini kwa Watanzania waliopoteza matumaini, kuipenda na kujivunia Tanzania. 

Tunaamini kwa Mhe. Rais wa Jamhuri ya Muungano wa Tanzania, Dk. Jakaya Mrisho Kikwete kuhutubia Watanzania, ameweza kutimiza malengo hayo kwa kiasi kikubwa.

Tunapenda kuchukua fursa hii kumshukuru Mhe. Rais kwa kukubali kuacha shughuli zingine na kujumuika nasi katika tamasha hilo na pia kukubali kuzungumza na wananchi na hatimaye kuandika historia mpya ya kuwa rais wa kwanza kuingia uwanjani kuanzisha mechi ya mpira wa miguu, kati ya Yanga na Simba za wabunge kwa kupuliza filimbi!

WOLPER, MDEE NGOMA DROO

Mhe. Halima Mdee akiingia uwanjani.

Wolper akiwa ulingoni tayari kwa pambano.

Mdee na Wolper wakizipiga.

Ngoma droo.

Mdee akitolewa uwanjani kwa mbwembwe.

YANGA WAILAZA SIMBA KWA PENATI 4-3, WATWAA KOMBE

Wachezaji wa Yanga (wabunge) wakishangilia na kombe lao.

Wachezaji wa Yanga (wabunge) wakishangilia baada ya kuwalaza watani wao Simba (Wabunge) kwa penati 4-3.

BONGO FLEVA WAICHAPA BONGO MUVI KWA PENALTI 2-1

Nahodha wa Bongo Fleva, Hamis Baba 'H Baba' akipokea kombe kutoka kwa Mhe. William Ngeleja.

Bongo Fleva wakisherehekea ushindi wao.

Bongo Muvi baada ya kichapo.

Timu ya Bongo Fleva imeibuka kidedea kwa kuichapa Bongo Muvi mabao 3-2 katika mchezo wao wa leo kwenye Tamasha la Matumaini 2013. Mpaka filimbi ya mwisho inapulizwa mabao yalikuwa 1-1 ndipo zikaamriwa penalti na Bongo Fleva kuibuka kifua mbele kwa penalti 2-1.

ESTER BULAYA VS AUNT EZEKIEL HAKUNA MBABE

Aunt Ezekiel na Ester Bulaya wakizichapa ulingoni.

Mhe. Ester Bulaya ndani ya ulingo.

MECHI YA SIMBA NA YANGA (WABUNGE) YANGA YAIBUKA WASHINDI KWA PENATI 4-3.

Rais Kikwete akielekea kukagua timu.

Rais Kikwete akisaini mpira utakaotumika.

...Akiwakagua Yanga.

..Akiwakagua Simba.

Rais Kikwete katika picha ya pamoja na Eric Shigongo, Waziri Fenella Mukangara, marefarii na manahodha wa Simba na Yanga.

 

Rais Jakaya Mrisho Kikwete kabla ya kupuliza kipenga kuashiria kuanza kwa mechi ya wabunge Simba na Yanga.

USIKU WA MATUMAINI 2013 KUWEKA HISTORIA UWANJA WA TAIFA LEO - JK KUPULIZA KIPYENGA!.

AUNT, WOLPER: TUTAWAUA WABUNGE WENU

Aunt Ezekiel.

Na Mwandishi Wetu
NI mshikemshike kwa ajili ya Tamasha la Matumaini, Jumapili hii kwenye Uwanja wa Taifa jijini Dar ambapo mastaa wa filamu za Kibongo wanaoshiriki ndondi na wabunge, Aunt Ezekiel na Jacqueline Wolper wametamba kuwamaliza waheshimiwa hao.

 

                                                                   Jacqueline Wolper.

AUNT VS ESTER BULAYA
Aunt ambaye atazichapa na Mbunge wa Viti Maalum, Mkoa wa Mara (CCM), Ester Bulaya ameapa kuwa lazima siku hiyo ‘amuue’ mheshimiwa huyo kwa madai kuwa kwa sasa yupo fiti baada ya kurejea kutoka kambini, Dubai.
Alisema kuwa amepata mazoezi ya nguvu ya kurusha na kupangua ngumi kutoka kwa mwalimu wake, Abdul Al-Mohd ambaye amempa mbinu zote za kummaliza mbunge huyo katika raundi za mwanzo.

 

                                                                          Ester Bulaya.

“Nipo fiti sana, najua mheshimiwa Ester ni mtu wa Mara kwa wakorofi na ana hasira lakini hilo halinipi shida, cha msingi mashabiki wangu waje kushuhudia nikimmaliza mtu,” alisema Aunt na kuongeza:
“Ester ni mwanasiasa mzuri na ana mazoea na majukwaa ya siasa lakini mimi nataka niwathibitishie watu kuwa naweza kumiliki ulingo vilivyo kama ninavyokuwa stejini.

 

                                                                    Halima Mdee.

“Kazi ni moja tu keshokutwa (Jumapili) kwenye Uwanja wa Taifa, natoa tahadhari kuwa ‘nitamuua’ mbunge wenu. Nawaahidi mashabiki wangu na watu wote ushindi ‘so’ wote tukusanyike tupate burudani na kuchangia elimu yetu.”