Hemed: Niacheni nitafute maisha

MWIGIZAJI  na mwanamuziki mwenye mbwembwe nchini Hemed PHD ametoa onyo kwa wanawake ‘wanaomsarandia’ wakitaka penzi lake wamwache atafute maisha kwani huu ndio wakati wake.

Hemed PHD.

Amesema kitendo cha  baadhi ya wanawake kuacha shughuli zao na kuanza kumfuatilia wakitaka awe mpenzi wao kimekuwa kikimkera sana hasa ikizingatiwa kuwa hakiendi sawa na utamaduni kwani mwanamume ndiye anayetakiwa kumfuata mwanamke.

“Wakati mwingine inakuwa ni vigumu kwangu kukaa na namba moja ya simu kwani nikishaona nasumbuliwa sana huwa nalazimika kubadilisha ili kuepusha usumbufu,” anasema.

Anaongeza kuwa huwa anawatosa wanawake wanaomfuatilia kwa kuwa anaamini hawamtakii mema : “Ninahisi wengine wanataka kuniharibia tu, huwezi jua labda ni mbinu tu za kutaka kunipoteza kwenye ramani.”

Hemed anasema kipaumbele chake sasa ni kazi na ndiyo maana muda mwingi amekuwa haonekani au kusikika.

Tazama picha:Utengenezaji wa filamu mpya wa wastara na Hemedy.

Filamu hii iliyoigizwa Mkoani  Mwanza, inahusu kisa cha usaliti wa ndani ya ndoa unaopelekea mpaka mke kuwa chizi kutokana na maumivu ya mapenzi anayoyapata toka kwa mumuwe na hatimaye  kusababisha kuingia kwenye kesi ya mauaji inayofanya filamu hii kuwa nzuri, ya kusisimua na ya aina yake.

 

Ndani ya filamu hii Wastara na Hemedy ndio wahusika wakuu, na wastara ndio mke wa hemedy- mume mkorofi.

Filamu hii imeongozwa na Bond Bin salim aliyeshinda tuzo ya mwongozaji bora wa filamu katika tuzo za ZIFF.Filamu hii inatarajiwa kuanza kupatikana sokoni kuanzia mwezi wa kumi na moja Tanzania kote. Usikose nakala yako.

Hemedy Suleiman aka PHD “IN LOVE WITH TIWA SAVAGE.

Msanii wa ‘Going Crazy’ Hemedy Suleiman aka PHD amekiri kupitia mtandao wa Twitter kuwa anamzimia mwanamuziki wa Nigeria, Tiwa Savage.

Kupitia Twitter Hemedy ameandika, “IN LOVE WITH TIWA SAVAGE……Daaaah.”

Hata hivyo Hemedy inabidi aendelee tu kuumia sababu Tiwa Savage anafly kwenye matawi mengine kabisa.