NISHA AHOFIA UZEE

GLADNESS MALLYA/mchanganyiko11
MSANII wa filamu Bongo, Salma Jabu ‘Nisha’ ambaye alitumia muda wake mwingi katika maisha yake ya ujana kwa  kujirusha, amesema sasa yatosha na kwamba huu ni muda muafaka kutengeneza maisha yake ya baadaye.

Msanii wa filamu Bongo, Salma Jabu ‘Nisha’.

Akipiga stori na gazeti hili, Nisha alisema kwa sasa ameamua kuachana na maisha hayo kwa vile umri unakwenda na ni vyema akatumia muda uliobaki kufikiria kuhusu maendeleo yake, hasa yajayo.
“Naogopa sana kuja kujutia ujana wangu uzeeni, maana unaambiwa fainali uzeeni, kama ni starehe nimeshafanya nyingi sana, sasa hivi nimeamua kuachana nazo maana sioni faida yake,” alisema Nisha.

NISHA BWANA MPYA, GARI MPYA

Mwaka huu umekuwa wa mafanikio kwa msanii wa filamu za Kibongo, Salma Jabu ‘Nisha’ kutokana na kuvuta ndinga mpya na huku akidaiwa kutoka na mwanaume mpya.

Msanii wa filamu za Kibongo, Salma Jabu ‘Nisha’.

Kikizungumza na Ijumaa, chanzo ambacho ni jarani wa msanii huyo kilisema licha ya Nisha kuendesha mkoko huo aina ya Toyota Harrier, sasa anatoka na mwanaume mwingine ambaye mara kadhaa wamekuwa wakimbonji pamoja.
“Sasa ana mwanaume mwingine, huenda ndiye aliyemnunulia lile gari analoendesha,” alidai jirahi huyo wa Nisha.
Nisha alipotafutwa kuzungumzia hilo alisema, ni kweli ana gari lingine ila kuhusu mwanaume anayetembea naye kwa sasa ni siri yake ila atamuanika siku si nyingi kwa kuwa wana mipango mikubwa baadaye.

Nisha: Muziki nilifuata mkumbo, najuta

Salma Jabu ‘Nisha’

STAA wa filamu Bongo, Salma Jabu ‘Nisha’ amesema kuwa katika maisha yake hakuwahi kufikiria kujihusisha na masuala ya muziki, isipokuwa aliingia katika fani hiyo kwa kufuata mkumbo.
 

Akipiga stori na paparazi wetu, Nisha  alisema imekuwa ni aibu kubwa kujikita kwenye fani hiyo na kukaa kimya kwa kipindi kirefu kwa kuwa hana mapenzi ya dhati na fani hiyo kama ilivyo kwenye filamu.
 

“Niliona waigizaji wanaingia kuimba na mimi nikaingia, nilivamia fani tu ndiyo maana  najuta, nimeamua nikae chonjo kwanza na mambo hayo nijikite zangu kwenye filamu,” alisema Nisha.

NISHA AGOMEA FILAMU ZA MAPENZI.

SIKU chache tangu Mfungo wa Mwezi Mtukufu wa Ramadhani uanze, msanii wa filamu za Kibongo, Salma Jabu ‘Nisha’ amefunguka kuwa hachezi filamu za mapenzi kwani zitamsababishia kuharibu funga yake.

 

Salma Jabu ‘Nisha’.

Akichonga  juzi, Nisha alisema ndani ya mwezi huu wa Ramadhani hatocheza filamu za mapenzi kwani ni rahisi sana kuharibu swaumu na kujikuta akishinda njaa badala ya kufunga na kumuomba Mungu.
“Kiukweli mwezi huu sichezi filamu za mapenzi kwa sababu huwezi kujua yule mwanaume unayecheza naye anakutamani au la kwani ndani ya mwezi huu ukitamani au ukijiweka katika mazingira ya kutamaniwa tayari umeshamkosea Mungu na kuharibu swaumu hivyo kuepukana na majaribu hayo ndiyo maana nimeamua kuachana na filamu za mapenzi,” alisema Nisha.

MADAI MAZITO NISHA AHONGWA NYUMBA

Stori:Gladness Mallya-Global Publishers.
Unakumbuka zile habari za Wema Isaac Sepetu kununuliwa jumba la kifahari na bilionea mmoja Kijitonyama, Dar? Sasa zimegeukia kwa staa wa sinema za Kibongo, Salma Jabu ‘Nisha’ ambaye naye kuna madai mazito ya kuhongwa nyumba.

Ilikuwa mwishoni mwa wiki iliyopita ambapo gazeti hili lilipokea ujumbe mfupi wa simu ya mkononi ‘sms’ kutoka kwa chanzo chake.

HABARI ILIVYOANZA
Chanzo: Hivi ninyi mna habari?
Risasi Jumamosi: Nyingi tu lakini kama una ya kwako itatufaa sana.

Chanzo: Kwa taarifa yenu Nisha kanunuliwa bonge la mjengo hapa Kijitonyama karibu kabisa na Kituo cha Polisi cha Kijitonyama ‘Mabatini’.
Risasi Jumamosi: Nani kamnunulia?
Chanzo: Nasikia ni bilionea mmoja mwenye fedha zake hapa Dar es Salaam, kainunua kisha kamhonga Nisha kwa sababu ni mpenzi wake.
Risasi Jumamosi: Tunashukuru kwa taarifa, kaa mkao wa kula itaruka hewani mara moja baada ya upelelezi wetu.

RISASI LATUA KIJITONYAMA
Baada ya kuzinyaka habari hizo, gazeti hili lilisaga soli hadi maeneo hayo na kuanza kugonga geti moja baada ya lingine hadi lilipofanikiwa kuinasa nyumba hiyo huku Nisha akiwa ndani kapumzika.
Msichana aliyejitambulisha kuwa ni dada wa kazi au hausigeli kwa lugha laini ndiye aliyetoboa siri kuwa ni kweli staa huyo yupo ndani na amehamia mahali hapo muda si mrefu.