IRENE PAUL NUSURA AZICHAPE KAVUKAVU.

STAA wa sinema za Kibongo, Irene Paul amejikuta akitofautiana kauli na msanii mwenzake, Neema Ndepanya hivyo kutaka kuzichapa kavukavu ‘live’.

 

Shuhuda wetu ambaye alilinusa sakata hilo a to z, alisema wawili hao walianza kama utani kubishanabishana kabla ya kufikia hatua ya kutaka kuzichapa ukweliukweli walipokuwa lokesheni.
 

“Walikuwa wakirekodi filamu ya Kichupa maeneo ya Mbezi jijini Dar sasa ile utaniutani mara ghafla wakashikana kiukweli ndipo mama Kawele alipoingilia na kuwaamua,” alisema shuhuda huyo.

Credit: GLP

FILAMU INALIPA KULIKO UTANGAZAJI- IRENE PAUL.

MWIGIZAJI wa kike Irene Bahati Paul anayefanya vinzuri katika tasnia ya filamu Bongo amedai kuwa ameachana na kazi ya utangazaji baada ya kubaini kuwa filamu inamlipa kuliko fani ya utangazaji aliyekuwa akifanya na kubaini kuwa maslahi kwake ni madogo tofauti na alipojiunga na uigizaji kwa muda mfupi tu faida kaiona.

                                                              IRENE PAUL

Kwangu mimi filamu inanilipa na imekuwa nimeamua kuachana na kazi nyingine zote ili niwe makini na kazi ya uigizaji ambayo naona maslahi ya moja kwa moja na ni kazi ambayo ninaipenda sana imenikutanisha na watu mbalimbali marafiki pia imebadilisha maisha yangu napata ninachohitaji bila wasi wasi,”anasema Irene.

Irene alianza kutangaza katika televisheni ya C2C na baadae Clouds Tv na kuachana na kazi hiyo ya utangazaji kuingia katika uigizaji baada ya kukutana na Ray na kupewa nafasi ya uigizaji, msanii huyo pia amewashukru Zamaradi Mketema kwa kumshauri kuingia katika uigizaji kwani aliona kipaji chake.