FLORA NA HOFU YA KIFO

KUTOKANA na hivi karibuni mumewe, Hamis Baba ‘H. Baba’ kuugua ugonjwa wa homa ya Dengue ‘Dengi’ na kulazwa Muhimbili, msanii wa filamu Bongo, Flora Mvungi amesema alijikuta kwenye wakati mgumu kuhofia mumewe angepoteza maisha.

Msanii wa filamu Bongo, Flora Mvungi akiwa na Hamis Baba ‘H. Baba’.

Akizungumza na gazeti hili hivi karibuni, Flora alisema ni Mungu tu mumewe kupona kwani alikuwa katika hali mbaya ambayo mpaka yeye kama mkewe alikuwa na hofu kubwa ya kifo haswa ukizingatia vifo vya wasanii vilivyotokea mfululizo.
“Nilipoona wasanii wenzangu wakifariki dunia na mume wangu kuzidiwa mpaka kulazwa Muhimbili, nilikuwa nina hofu kubwa ya kifo lakini namshukuru Mungu amepona na tunaendelea na maisha kama kawaida, dengue noma sana,” alisema Flora.

MASTAA WAMZODOA FLORA MVUNGI.

TIMU ya mastaa waliokuwa wakishabikia timu ya Bongo Movie wamemzodoa mwigizaji mwenzao, Flora Mvungi baada ya kumuona anashabikia Timu ya Bongo Fleva anayochezea mumewe, Hamis Ramadhan ‘H. Baba’.

Nahodha wa Timu ya Bongo Fleva, Hamis Ramadhan ‘H. Baba’ ambaye ni mume wa Flora.

Tukio hilo lilitokea Jumapili iliyopita katika Uwanja wa Taifa, jijini Dar ambapo mastaa hao waliibua minong’ono mara baada ya kuona Flora anashangilia pindi timu ya Bongo Fleva inashambulia lango la Bongo Movie.
“Mh! Tumekaa naye tukijua ni mwenzetu kumbe hamna lolote, bora tumtenge asituharibie shughuli,” alisema staa mkubwa wa kike aliyeomba hifadhi ya jina lake gazetini.
Baadhi ya mastaa ambao walikuwa wamekaa pamoja katika jukwaa na Flora ni pamoja na Shamsa Ford, Rechael Haule ‘Recho’, Chuchu Hans na wengineo.

Credit: GLP

H. BABA NA FLORA MVUNGI WAFUNGA NDOA.

BAADA ya maneno kibao katika uhusiano wao, hatimaye wasanii wa filamu na muziki Bongo, Hamis Ramadhan Baba ‘H. Baba‘ na Flora Mvungi, wametiza ahadi yao ya kufunga ndoa ya nguvu.

H Baba na mkewe Flora Mvungi katika pozi.

 

Wawili hao walifungishwa ndoa na Shehe Maulid katika Msikiti wa Kibo, uliopo Ubungo, Dar, Jumamosi iliyopita na baada ya ndoa kufungwa sherehe ilifanyika nyumbani kwa akina Flora maeneo ya Kibo.

“Tumefurahi sana na tunamshukuru Mungu kwa kuwa tumetimiza ndoto yetu kwani maneno yamesemwa mengi sana juu ya uhusiano wetu lakini Mungu ameendelea kutuweka pamoja mpaka tumefunga ndoa,” alisema Flora.

Baada ya watu kula na kunywa na maharusi kusaini vyeti vya ndoa, waliondoka kuelekea nyumbani kwao Mikocheni, Dar ambako kulikuwa na sherehe ya maulidi kulikokuwa na vyakula na vinywaji vya kutosha.

SEND OFF YA FLORA MVUNGI YAPIGWA UMBEYA

Stori:Imelda Mtema
SEND OFF ya ua zuri kwenye soko la filamu Bongo, Flora Mvungi iliyofanyika Jumanne iliyopita Msasani Beach, Mikocheni jijini Dar imepigwa umbea kuwa ni bosheni kwani hata ndoa yake na Hamis Ramadhan ‘H. Baba’ haitadumu kutokana na tabia ya wasanii kutodumu kwenye ndoa.

Mmoja wa wasanii waliohudhuria sherehe hiyo na kuomba hifadhi ya jina, amepenyeza habari kuwa ndoa ya mastaa hao inayotarajiwa kufungwa Jumamosi hii (leo) haitadumu kwani mara nyingi wasanii wanakuwa na tabia za kutotulia hivyo wanaipa mwaka mmoja, itavunjika.

“Yaani hiyo ndoa mimi nawaambia nawapa mwaka mmoja tu mtaniambia kama kutakuwa na ndoa tena, wasanii ni wasanii tu hata iweje. Tatizo lao wanaleta maisha ya kuigiza hadi kwenye filamu.