OPERESHENI KIMBUNGA YAZOA MAWAZIRI WABUNGE WATAKA PINDA, NCHIMBI, KAGASHEKI, MATHAYO WANG’OKE

HATIMA ya mawaziri watano kuendelea na nyadhifa zao iko shakani baada ya wabunge kuwatuhumu kushindwa kuwajibika ipasavyo na kusababisha migogoro ya wafugaji na wakulima.

Kufuatia kadhia hiyo iliyojitokeza wakati wa kutekelezwa kwa Operesheni Kimbunga na Operesheni Tokomeza Ujangili, Bunge limeamua kuunda kamati teule kuchunguza migogoro ya wakulima na wafugaji ambayo imesababisha vifo, ukiukaji wa haki za binadamu na upotevu wa mali.

Wabunge wengi waliochangia hoja hiyo waliwataja wazi mawazi kadhaa akiwemo Waziri Mkuu Mizengo Pinda, wakitaka wawajibishwe kwa kuondolewa kwenye nyadhifa zao kutokana na kushindwa kuchukua hatua wakati operesheni hizo zikipoteza maisha ya watu na mifugo.

Mbali na Pinda, wamo pia Dk. Emmanuel Nchimbi (Mambo ya Ndani), Khamis Kagasheki (Maliasili na Utalii), David Mathayo David (Mifugo na Uvuvi) na Shamsi Vuai Nahodha (Ulinzi na Jeshi la Kujenga Taifa).

Dalili mbaya kwa viongozi hao zilianza kuonekana jana asubuhi baada ya Spika wa Bunge, Anne Makinda, kutangaza kuwa amekubali hoja za wabunge wawili waliotaka shughuli za Bunge ziahirishwe ili kujadili jambo la dharura.

Alisema Mbunge wa Sikonge, Said Nkumba (CCM) alitaka Bunge lijadili kuhusu migogoro kati ya wafugaji na watumiaji wengine wa ardhi, huku Mbunge wa Mwibara, Kangi Lugola (CCM), alitaka Bunge lijadili vitendo vinavyofanywa na watendaji katika Operesheni Tokomeza Ujangili.

Lugola alidai watendaji wamekuwa wakiwaua kwa risasi ng’ombe waliowakamata kwenye operesheni hiyo pamoja na kuwatesa wamiliki wasiotoa fedha zinazohitajika.

Kutokana na hoja hizo, Makinda alitoa fursa kwa Waziri wa Maliasili na Utalii, Khamis Kagasheki na Waziri wa Maendeleo ya Mifugo na Uvuvi, David Mathayo kuelezea Operesheni 

Tokomeza Ujangili na migogoro kati ya wafugaji na watumiaji wengine wa ardhi.  

HIVI NDIVYO OZIL ANAVYODATISHWA NA KIMWANA HUYU

Capristo akipozi kupigwa picha na Ozil ambaye alionekana kufurahia kufanya barabarani Jijni London.

KIUNGO Mesut Ozil amekuwa akiteka vichwa vya habari tangu atue Arsenal kwa dau la Pauni Milioni 42.5 kutoka Real Madrid, lakini anaonekana kuekwa akili mno na mpenzi wake, mlimbwende Mandy Capristo. Nyota huyo wa Ujerumani aliyeisaidia Arsenal kurejesha makali yake katika Ligi Kuu England tangu atue Emirates msimu huu, Capristo mwenye umri wa miaka 23, ni bonge la supa staa nchini kwao Ujerumani na kwa sasa ni msanii wa kujitegemea baada ya kujitoa katika bendi ya wasichana wenzake, Monrose, lakini Ozil hawezi kuimba mbele ya watu.

Mamia wajitokeza Gulio la Vodacom Mlimani City

Mkuu wa kitengo cha masoko na Mawasiliano wa Vodacom Tanzania, Kelvin Twissa akizungumza na waandishi wa Habari, wakati Gulio la mauzo ya bidhaa mbalimbali kwa bei nafuu kwa wateja wake iliyofanywa na kampuni hiyo katika viwanja vya makao makuu ya kampuni hiyo Mlimani city jijini Dar e s Salaam, ikiwa ni sehemu ya kutambua na kuthamini mchango kwa wateja wake.

Mamia ya wateja waliojitokeza katika Gulio "Vodacom Expo" lililofanyika katika viwanja vya makao makuu ya ofisi hizo Mlimani City jijini Dar es Salaam, kwa mara ya kwanza kampuni hiyo ilifanya Gulio hilo kwa kuuza bidhaa mbalimbali kwa bei nafuu ikiwa ni sehemu ya kutambua na kuthamini mchango kwa wateja wake.

HUKUMU YA MASOGANGE YAPINGWA..MASOGANGE AJIFICHA

 Agness Gerald ‘Masogange’.

MAKAMANDA wa vitengo vya kudhibiti madawa ya kulevya kwa Jumuiya ya Maendeleo Kusini mwa Afrika (SADC) wamemaliza kikao chao jana kujadili mustakabali wa uhalifu ikiwemo hukumu iliyotolewa kwa Mtanzania Agness Gerald ‘Masogange’ aliyekamatwa na malighafi haramu aina ya Ephedrine, Julai 5, 2013 nchini Afrika Kusini kwamba ni ndogo.
 

Taarifa za ndani kutoka Jeshi la Polisi Tanzania zimeeleza kuwa makamanda wa nchi hizo 15 walikutana jijini Arusha kuanzia Jumatatu iliyopita lengo kubwa likiwa kutokubaliana na adhabu zinazotolewa na baadhi ya nchi wanachama kwa wanaokutwa na hatia ya kukamatwa na madawa ya kulevya ‘unga’.

WALICHOJADILI
Kwa mujibu wa chanzo kilicho ndani ambacho kiliomba hifadhi ya jina kwa kuwa si msemaji, makamanda wa nchi hizo walikuwa na kibarua kizito cha kujadili mbinu mbalimbali za kukabiliana na uhalifu pamoja na hukumu inayotolewa kwa watu wanaokutwa na hatia ya kukamatwa na unga.
“Walijadili matukio mengi ya uhalifu likiwemo suala la madawa ya kulevya, wakajadili mbinu za kukomesha biashara hiyo haramu ili waweze kupata suluhisho la kudumu,” kilisema chanzo hicho.
                                                                           
WATAKA HUKUMU KWA NCHI WANACHAMA IWE MOJA
Ilidaiwa kuwa, malighafi aliyokamatwa nayo Masogange na mwenzake kwa nchi nyingine kifungo chake kinafanana na kile cha mtu aliyekamawa na madawa ya kulevya, lakini kwa Afrika Kusini ni cha chini sana.

Chanzo hicho kilizidi kumwaga data kuwa, miongoni mwa masuala yaliyokuwepo kwenye ajenda ni pamoja na umoja katika suala zima la hukumu hususan kwa watuhumiwa wa madawa ya kulevya kwani kumekuwa hakuna uwiano baina ya nchi moja na nyingine ndani ya Jumuiya hiyo.

“Tumeona ilivyokuwa kwa Masogange, nchi nyingi zimepinga kabisa ile hukumu kwani ilikuwa haifanani na kosa husika. Mtu anatozwa faini ya shilingi milioni nne na laki nane (Sh. milioni 4.8) kitu ambacho hakiingii akilini kabisa, makamanda wengi wameonesha kupinga hukumu ile,” kilisema chanzo hicho.

MASOGANGE AJIFICHA
Wakati makamanda wa nchi hizo wakimaliza kikao chao, habari zenye utata zimesambaa kwamba, Masogange alitua Bongo katikati ya mwezi uliopita lakini anaishi Dar au Mbeya kwao kwa kujificha.

Baadhi ya watu, wakiwemo marafiki zake wamekuwa wakisema kwa mkato staa huyo yupo Dar huku wengine wakisema baada ya kutua Dar alikwenda kwao Mbeya kwa sababu hataki kujulikana kuwa amesharudi Bongo.
Mwenyewe anapopatikana kwenye simu na kuulizwa amekuwa akijibu bado yupo Afrika Kusini lakini siku yoyote atatua Dar.

NZOWA ATOA UFAFANUZI
Kamanda wa Kikosi cha Kuzuia na Kupambana na Madawa ya Kulevya Tanzania, Godfrey Nzowa alipoulizwa kwa njia ya simu juzi kuhusu mkutano huo alijibu kuwa yupo safarini kikazi akiwa katika mazingira mazuri atatoa ufafanuzi.
“Nipo safarini kikazi, naomba unitafute siku nyingine nitakupa ufafanuzi mzuri sana,” alisema Kamanda Nzowa ambaye naye ilidaiwa alikuwepo kwenye kikao hicho.

KUMBUKUMBU
Masogange na Mellisa Edward walikamatwa Julai 5, mwaka huu kwenye Uwanja wa Ndege wa Kimataifa wa Oliver Tambo uliopo Kempton Park jijini Johannesburg  nchini humo wakidaiwa kuingiza madawa ya kulevya aina ya Crystal Methamphetamine yenye thamani ya shilingi bilioni 6.8.
Hata hivyo, mahakama kuu nchini humo ilidai madawa hayo si ya kulevya bali ni malighafi haramu iitwayo Ephedrine ambapo kwa sheria za Afrika Kusini mtu akipatikana na hatia ya kuyaingiza nchini humo ni kifungo cha miezi 32 jela au faini ya shilingi milioni 4.8 kama alivyohukumiwa Masogange ambayo ni ndogo.
Pata habari kama hii kwa ufupi kwenye simu yako ya mkononi ya Vodacom kwa kutuma neno GLOBAL kwenda 15778.

CHANZO  NI GPL

MAPYA YAIBUKA MWANAMKE ALIYEPIGWA RISASI

NYUMA ya sakata la mwanamke, Violet Mathias, mkazi wa PPF jijini hapa aliyepigwa risasi begani na polisi baada ya kukaidi amri ya kutopaki gari sehemu isiyoruhusiwa katika Benki ya CRDB Jengo la TRA hivi karibuni, limeibua mambo mapya nyuma ya pazia.

Ilidaiwa kuwa, polisi alimuwahi mwanamke huyo baada ya yeye kuchukua bastola kwenye gari na kuikoki tayari kumfyatulia, akapigwa yeye mkononi.

Habari nyuma ya pazia zilidai kuwa, siku hiyo haikuwa mara ya kwanza kwa mwanamke huyo na watu wengine kuzuiwa kupaki sehemu hiyo ambayo ina mlango wa kuingilia mkono wa kushoto wa Jengo la Mamlaka ya Mapato Tanzania (TRA) ambapo ndani yake kuna Benki ya CRDB.

Toyota Cresta lenye namba za usajili T888 BWW mali ya Vailet Mathias lililotolewa upepo na kusababisha ugomvi baina ya Polisi na mmiliki huyo aliyepigwa risasi begani.

Ilidaiwa kuwa siku moja kabla ya tukio hilo, Violet alipaki tena gari eneo hilo na alipofuatwa na kuambiwa akalisogeze alikataa kwa nyodo.

WAKATI MISA IKISOMWA, LULU KICHEKO

Stori: Shakoor Jongo

KATIKA hali isiyotarajiwa, staa wa sinema za Kibongo, Elizabeth Michael ‘Lulu’ amenaswa na kamera yetu akiangua kicheko cha nguvu huku misa ya msiba ikiendelea.

Tukio hilo lililowaacha midomo wazi waombolezaji lilitokea Jumanne iliyopita nyumbani kwa marehemu baba wa mwigizaji Wema Sepetu ‘Madam’, Isaac Abraham maeneo ya Sinza-Mori, jijini Dar wakati Lulu alipokuwa amekwenda kumfariji mwigizaji mwenzake huyo.

Lulu ambaye alikuwa amevalia sare maalumu waliyovaa watu wa karibu na familia ya marehemu, alinaswa akiwa amejisahau kabisa kama yupo msibani na kuanza kupiga stori na dada mmoja ambaye jina lake halikuweza kupatikana mara moja.

MSTAHIKI MEYA ALIVYONUSURIKA MKONG’OTO

Stori: Mashaka Baltazar,Mwanza
TUKIO la Mstahiki Meya wa Manispaa ya Ilemela, Mkoa wa Mwanza, Henry Matata, kunusurika mkong’oto kutoka kwa madiwani wa manispaa hiyo wakidai kutomtambua lilikuwa kama sinema.

Tukio hilo lililoshuhudiwa na ‘shushushu’ wetu lilijiri juzi (Alhamisi) asubuhi baada ya meya huyo kufungua kikao cha Baraza la Madiwani wa Manispaa ya Ilemela.

Katika kikao hicho, madiwani wa Chama cha Demokrasia na Maendeleo (Chadema) walimtaka meya huyo aondoke kwenye kiti wakidai kutomtambua ndipo ukaibuka mtiti wa mshikemshike nguo kuchanika.
 

Huku vita ya maneno ikiendelea, Matata aliwaamuru madiwani hao watoke nje ya ukumbi lakini wakamvimbia wakimtaka yeye ndiye atoke.

WAZIRI WA ELIMU ATEMBELEA BANDA LA ATC MAONESHO YA KIMATAIFA YA MADINI

Waziri wa Elimu, Dkt. Shukuru Kawambwa akizungumza na waandishi wa Habari mara baada ya kutembelea banda ya Arusha Technical College. Chuo hicho kinatoa mafunzo ya Uchakataji madini na kutoa wataalamu wanaokubalika katika soko.

Waziri wa Elimu na Mafunzo ya Ufundi, Mhe. Dkt. Shukuru Kawambwa akipokea Maelezo mafupi kuhusu Kozi ya Ukataji Madini na Utengenezaji wa Vito vya thamani kutoka kwa Bi. Shahzimin Premji alipotembelea banda la Chuo cha Ufundi Arusha (ATC).

UNIC YAFURAHI NA WANAFUNZI WA SHULE ZA MSINGI JIJINI DAR‏

Msaidizi wa Maktaba ya kitengo cha Habari cha Umoja wa Mataifa (UNIC) Bi. Harriet Macha akiwaelezea wanafunzi umuhimu wa kuwa na Maktaba mashuleni mwao pamoja na kujijengea tabia za kupenda kujisomea.

Wanafunzi wakifurahi wakati wa Fun Thursday inayofanyika kila Alhamis ya mwisho wa mwezi na kuratibiwa na Kitengo cha Habari cha Umoja wa Mataifa (UNIC).

ANAYEDAIWA KINARA WIZI WA ‘POWER WINDOW’ ANASWA

MKAZI mmoja wa Sinza Lion jijini Dar, Link Mbaga (25) Jumanne iliyopita alinaswa maeneo ya Sinza Afrikasana na kuchezea kichapo kutoka kwa watu wenye hasira akidaiwa kutaka kuiba vifaa vya kwenye gari aina ya Toyota Harrier, Ijumaa limeinyaka.

Link Mbaga baada ya kula kichapo cha nguvu kutoka kwa wananchi wenye hasira kali.

Shuhuda wa tukio hilo ambaye hakutaka kutajwa jina lake gazetini, alisema Mbaga na wenzake wanne wanaodaiwa kuwa ni vinara wanaounda mtandao wa kuiba power window kwenye magari walifika eneo la tukio wakiwa ndani ya gari aina ya Toyota Noah.

Mbaga akisulubiwa na wananchi.

“Lengo lao lilikuwa ni kuiba kwenye gari la mteja wa Hospitali ya Marie Stop lililokuwa limeegeshwa nje ya hospitali hiyo,” alisema shuhuda huyo.

Gari aina ya Toyota Harrier walilotaka kuiba power window Mbaga na wenzake.

Shuhuda huyo alisema Mbaga na wenzake walifanikiwa kulitoboa gari hilo na kuchukua simu mbili pamoja na kompyuta mpakato ‘laptop’.

“Kabla ya kumalizia zoezi lao mlinzi wa hospitali hiyo aitwaye Jonas Mwakajinga aliwasikia ndipo alipofika na kuwakurupusha,” kimesema chanzo hicho.

SERIKALI YATANGAZA VIWANGO VIPYA VYA ALAMA ZA UFAULU ELIMU YA SEKONDARI, YAFUTA DARAJA 0

Katibu Mkuu wa Wizara ya Elimu na Mafunzo ya Ufundi Profesa Sifuni Mchome akifafanua kwa waandishi wa habari (hawapo pichani) juu ya upangaji wa viwango vya alama, matumizi ya alama endelevu ya mwanafunzi na ufaulu jana jijini Dar es Salaam, kulia ni Kamishna wa Elimu Profesa Eustella Bhalasesa.

Baadhi ya Maafisa wa Wizara ya Elimu na Mafunzo ya Ufundi wakimsikiliza Katibu Mkuu wa Wizara hiyo Profesa Sifuni Mchome (hayupo pichani).

Waandishi wa habari na maafisa wa Wizara ya Elimu na Mafunzo ya Ufundi wakimsikiliza kwa makini Katibu Mkuu wa Wizara ya Elimu na Mafunzo ya Ufundi Profesa Sifuni Mchome(hayupo pichani). Picha zote na Eliphace Marwa (MAELEZO).

----

UPANGAJI WA VIWANGO VYA ALAMA, MATUMIZI YA ALAMA ENDELEVU YA MWANAFUNZI NA UFAULU

UTANGULIZI
Wizara imekusanya maoni ya Wadau wa Elimu kuhusu Upangaji wa Viwango vya Alama (Grade Ranges) katika Mitihani ya Kuhitimu Kidato cha Nne na cha Sita pamoja na Matumizi ya Alama za Tathmini Endelevu ya Mwanafunzi (Continuous Assessment ama CA) kwa ajili ya kuamua kiwango cha ufaulu wa mwanafunzi. Maoni ya wadau yamekusanywa kwa sababu kwa muda mrefu sasa upangaji wa viwango vya alama vinavyotumika na utaratibu wake katika mitihani ya kuhitimu Kidato cha Nne na Kidato cha Sita umekuwa haufanani pamoja na kwamba mitihani hiyo yote ni ya elimu ya sekondari.

Pia mfumo masuala mbalimbali ya mitihani katika elimu ya sekondari umekuwa na miundo tofauti ikiwemo ule unaotumika shuleni na ule wa Baraza la Mitihani la Taifa. Kwa sasa kuna miundo mikuu miwili katika mfumo huo.

Muundo wa Kwanza ni upangaji wa viwango katika ngazi ya Shule ambapo Alama Mgando (Fixed Grade Ranges) zifuatazo hutumika kupanga madaraja: A = 81 – 100; B = 61 – 80; C = 41 – 60; D = 21 – 40 na F = 0 – 20. Muundo huu umetumika kwa muda mrefu na umezoeleka kwa walimu na wanafunzi wa elimu ya sekondari kwa ujumla.

NUSU UTUPU YA LINAH YACHANGANYA MIDUME!

Mavazi ya nusu utupu ambayo msanii Esterlina Sanga ‘Linah’ hupenda kuyavaa hasa kwenye matamasha yamekuwa yakiwadatisha wanaume na wengine kuomba kupiga naye picha kwa lengo la ‘kujipoza’ kama ilivyotokea kwenye Fiesta, Dar hivi karibuni.

Linah akipozi na mmoja wa wanaume walioomba kupiga naye picha.

Ijumaa limekuwa likimfuatilia Linah na kubaini kuwa kila mara hupenda kuvaa nguo zinazoacha wazi mapaja na kitovu chake na watu ambao amekuwa akipiga nao picha ni wanaume ambao wengi huonekana wakiwa wamemshika kimahaba.

NATURE, SNURA, FIVE STARS, MWANAHAWA KUUPAMBA USIKU WA KUMTOA MALKIA KOPA DAR LIVE

RPC ILALA AITISHA KIKAO CHA MPANGO KAZI DHIDI YA UNYANYASI WA KIJINSIA

Kamanda wa Polisi, Marietha Minangi (katikati) akizungumza jambo mbele ya wadau.

Wadau mbalimbali wakiwa katika majadiliano.

                                                           Wadau wakimsikiliza kamanda Marietha.
KAMANDA  wa polisi wa Mkoa wa Kipolisi Ilala, Marietha Minangi, jana alifanya kikao na Dawati la Jinsia na wadau mbalimbali kupanga mpango kazi wa maadhimisho ya  siku 16 za kupinga ukatili wa kijinsia Mkoa wa Ilala.
Akizungumza na wadau katika Ukumbi wa Polisi  wa Kituo Kikuu, Kamanda Marietha alisema wamefikia hatua hiyo kutokana na matukio ya unyanyasaji wa kijinsia kushamiri katika mkoa wake hivyo kuanzia Novemba 25 hadi Desemba 10 mwaka huu kutakuwa na maadhimisho ya kupinga ukatili wa kijinsia ikiwa ni pamoja na kutembelea watoto yatima na wenye mtindio wa ubongo walioko kwenye vituo ambapo kauli mbiu ya mwaka huu ni ‘Tumia Mamlaka Yako, Zuia Ukatili wa Kijinsia, Boresha Afya ya Jamii’.
( STORI/PICHA: GLADNESS MALLYA NA HAMIDA HASSAN )