AJALI 17 ZIMETOKEA MORO SIKUKUU ZA IDD

Jumla ya ajali 17 zimeripotiwa mkoani Morogoro katika kipindi cha sikuku ya EID katika ajari hizo kuna baadhi zimesababisha vifo na nyingine zimesababisha majeruhi.

 

Kamanda wa polisi wa mkoa wa Morogoro Faustine Shilogile ametaja ajari zilizosababisha vifo kuwa ni ajari ya pikipiki ambayo ilitokea Agosti 20 saa 1.00 asubuhi katika eneo la Michenga Ifakara katika barabara ya Mlimba ambapo amemtaja Inocent Njoka (29) mfanyakazi wa Taasisi ya Afya Ifakara aligonga kalavati na kupinduka na kusababisha kifo.

Kamanda Shilogile amesema chanzo acha ajari ni mwendokasi wa mwendesha pikipiki hiyo.

 

Aidha kamanda ametaja ajari nyingine kuwa ni ajari ya gari iliyotokea Agosti 20 majira ya saa 4.30 asubuhi katika kijiji cha Msowero tarafa ya mikumi katika barabara ya Mikumi Ifakara gari ikiendeshwa na dereva asiyefahamika jina ilimgonga mwendesha baiskel ambaye jina lake halikufahamika mwenye umri unaokadiliwa kuwa ni miaka 45-50 na kusababisha kifo cha mwendesha baiskel.

 

Kamanda Shilogile amesema uchunguzi zaidi wa ajari hiyo unaendelea ili kumkamata mtu aliyesababisha ajari hiyo na kuwa chanzo cha ajari hiyo ni mwendokasi wa gari hiyo.