KITU CHA JAHAZI TAARAB NDANI YA MORO LEO USIKU.

LEO katika mji wa Morogoro burudani ni moja tu, Jahazi Modern Taarab, wakazi wote wa mji huu wanaongea lugha moja leo, JAHAZI, hakuna kitu kingine zaidi ya Jahazi.

Ni onyesho maalum la mkesha wa X-Mas sambamba na utambulisho wa nyimbo mpya zilizomo ndani ya albam mpya ya “Wasiwasi wako”.

Tayari kundi zima la Jahazi chini ya Mzee Yussuf limeshawasili Morogoro tangu saa 8 mchana, kilichobakia ni wasaa tu wa kwenda kwenye ukumbi wa Savoy kuwapa raha wakazi wa mji huu ambao huwa huwaambii kitu kwa Jahazi. Onyesho linatarajiwa kuanza saa 3 usiku hadi 9 za usiku.