ROSE NDAUKA SASA AJA KIVINGINE, SASA ATACHUANA NA KINA MBONI MASIMBA NA JANET MWENDA

MCHEZA filamu nyota wa kibongo, Rose Ndauka, anatarajiwa kupiga hatua nyingine katika sanaa yake pale atakapoanza kuonekana kwenye luninga yako akiwa na kipindi bab kubwa cha majadiliano (Talk Show).

Rose Ndauka ameiambia Saluti5 kuwa kipindi hicho kitajulikana kama The Family Talk Show na kinaandaliwa na kampuni ya Kikoi Tanzania Limited.

Hii inakuwa ni hatua kubwa kwa Rose Ndauka na sasa atawekwa kwenye mizani moja na vipindi kama Ongea na Janet na The Mboni Show ambavyo kwa sasa vinakimbiza ile mbaya.

Rose Ndauka amesema The Family Talk Show kitakuwa hewani kati ya mwezi Februari na mwezi Machi huku kikiwa na mada za kusisimua.

Hata hivyo Rose alipoulizwa kipindi hicho kitarushwa kituo kipi, alisema hilo bado liko chini ya zulia. “Tutaeleza muda mfupia baadae juu ya siku, muda na kituo gani” alisema Rose Ndauka.

Aidha Rose Ndauka ameiambia Saluti5 kuwa ujiowa kipindi hicho haumaanishi kuwa ndio mwisho way eye kucheza filamu. “Filamu ndio kazi yangu na maisha yangu, nitaendelea kuigiza” alisema.

Via - Saluti 5