Vurugu eneo la Kigamboni

Leo mchana kumetokea purukushani na vurugu katika mji wa Kigamboni eneo la Kisota kwa sababu wananchi wanaojishughulisha na uchimbaji kokoto walizuiliwa na Serikali kuendelea na shuguli hiyo.

Wananchi waliokuwa na ghadhabu walifunga barabra kwa mawe na kuwasha matairi barabarani kama inavyoonekana pichani.

Inaripotiwa askari wa kuzuia fujo, FFU, walikuwa katika eneo husika ili kutuliza ghasia na kurejesha usalama wa raia na mali.

(picha via ukurasa wa facebook wa Dkt. Mkunde Mlay)

Askari wa Kikosi cha Kutuliza ghasia (FFU), wakiwa wameweka doria katika barabara kuu ya kutoka Kigamboni kwenda Mji Mwema Dar es Salaam leo, baada ya kudhibiti vurugu za wachimba kokoto wa eneo la Maweni ambao walifunga barabara hiyo kwa mawe kwa zaidi ya masaa natatu na kuchoma matairi wakishinikiza kuruhusiwa kuchimba kokoto. (picha: RICHARD MWAIKENDA)

Baadhi ya mawe yaliyoondolewa barabarani baada ya kuwekwa na wachimba kokoto eneo la Maweni, Kigamboni. Watu kadhaa wanaotuhumiwa kufanya vurugu hizo wametiwa mbaroni. (picha: RICHARD MWAIKENDA)