Taarifa za kuchomwa moto kwa Kanisa huko Yombo, Dar es Salaam.

Taarifa ziliripotiwa mapema leo kuwa lilikuwepo jaribio la kutaka kuchoma moto jengo la Kanisa la Kiinjili la Kilutheri Tanzania (KKKT) Usharika wa Yombo Vituka, Temeke Dar es Salaam, jaribio ambalo halikufanikiwa ilivyokusudiwa.

Taarifa ya mmoja wa watu waliopepeleza ukweli wa taarifa hizo inasema,
“Nimeongea kwa simu na ndugu yangu anayeishi huko Yombo, kanisa lililochomwa ni KKKT ambalo huyo ndugu yangu anaabudu. Ila nasikia hawakufanikiwa kuchoma maana walipata upinzani toka kwa walinzi wawili wa kanisa, mmoja aligonga kengele kwa haraka watu wakaanza kukusanyika hivyo wale wahujumu wakakimbia. Ila nasikitika kwakuwa hawakukamatwa.”