UJINGA WA ADEBAYOR WAIBEBA ARSENAL, CHELSEA YACHAPWA, MAN CITY YAUA, LIVER YATAKATA.

UJINGA wa Emmanuel Adebayor umesababisha Tottenham kula kipigo cha mwaka 5-2 kutoka kwa Arsenal katika mechi ya kuvutia ya London derby kwenye Uwanja wa Emirates.Adebayor alifunga dhidi ya waajiri wake wa zamani bao la dakika ya 10 lakini dakika saba baadaye wakati alipewa nyekundu kwa kumfanyia rafu mbaya Santi Cazorla.

Tottenham ilijitahidi kukabiliana na hasara ya kuwa pungufu lakini ni Arsenal waliozawazisha muda mfupi baadae kupitia kwa beki wake Mertesacker.

Bao la Lukas Podolski dakika ya 42, na Olivier Giroud (dak 45) likiwa ni bao lake la tano katika michezo yake mitano iliyopita zilipeleka Arsenal mapumziko kwa starehe ya tofauti ya bao 2.

Tottenham ilifanya maboresho nusu ya pili, lakini ni Arseno waliopata bao la nne kupitia kwa Santi Cazorla dakika ya 60 kabla Gareth Bale kufungia Tottenham bao la pili dakika ya 71.

Kutia chumvi kwenye kidonda, Theo Walcott tulistahili akacheka na nyavu dakika za wa majeruhi kufanya mabao yasomeke 5-2.

Katika mechi zingine zilizovuta hisia za wengi ni ile iliyoshuhudia Chelsea ikilala 2-1 dhidi ya West Brom pamoja na ile ya Manchester City iliyovuna ushindi mkubwa wa 5-0 kwa Aston Villa magoli ya David Villa, Aguero (2) na Tevez (2) huku Liverpool ikiitandika Wigan 3-0 mabao mawili yakitokea kwa Luis Suarez

Ushindi wa Arsenal ina maana wao wanaruka juu ya Tottenham katika msimamo wa ligi, huku kocha wa Tottenham Andre Villas-Boaz, akiwa na maswali mazito ya kwenda kujibu kujibu kuhusu kwa nini aliamua kumchezesha Adebayor iwapo kulikuwa na wasiwasi kuhusu uwezo wa mshambuliaji kudhibiti hisia zake.Via Saluti5.