HIVI NDIVYO RIO ALIVYOPASULIWA USONI NA MASHABIKI WA MAN CITY.

KIPIGO cha mabao 3-2 kutoka kwa Manchester United, kimewafanya mashabiki wa Manchester City kukosa uvumilivu na mmojawao kuamua kumpiga kwa sarafu Rio Ferdinand.

Ferdinand alionekana kutupiwa kitu kutoka kwa mashabiki wa City wakati akishangilia bao la ushindi lilipachikwa dakika za maheruhi na Robin van Persie.

Mbali na kipigo hicho kilichomuacha akivuja damu usoni, beki huyo wa United pia alijikuta kwenye hatari nyingine wakati shabiki mwingine wa City alipoingia uwanjani na kuelekea alipokuwa nahodha huyo wa zamani wa England kwa ghadhabu.

Shabiki huyo alizuiwa na kipa wa timu yake, Joe Hart.

Bosi wa United, Alex Ferguson alisema: "Kilikuwa kitu kisichokubalika kwamba shabiki amekimbilia uwanjani baada ya Rio kupigwa sarafu jichoni...Mechi haikusatahili hilo. Sijui kama kama atashonnwa au hapana.”Asante saluti 5 kwa habari hii.www,saluti5.com