CHELSEA usiku wa kuamkia leo imeyaaga mashindano ya kombe la Capital One baada ya sare ya 0-0 na Swansea.
Sare hiyo imeitupa nje Chelsea kufuatia kipigo cha 2-0 ilichokipata kwenye uwanja wake wa nyumbani katika mchezo wa kwanza.
Kiungo Eden Hazard alilimwa kadi nyekundu katika dakika ya 78 baada ya kumpiga teke kijana muokota mpira uwanjani.
Dogo huyo aliyejulikana kwa jina la Charlie Morgan aliudaka mpira na kuulalia kwa lengo la luchelewesha muda.
Hazard akiwa mwenye usongo wa kutaka mchezo uendelee, alimkimbilia kijana huyo na kujaribu kumyang’anya mpira bila mafaniko.
Kuona hivyo Hazard akampiga teke la tumbo na kumuacha kijana huyo akabaki akiugulia ardhini.
Wakati kijana huyo akisaidiwa kupata matibabu, refa Chris Foy hakuwa na chaguo lingine isipokuwa kadi nyekundu.
Hata hivyo imebainika kuwa kijana huyo alitamba mapema kupitia mtandao wa Twiter kuwa atafanya hila za kuchelewesha mchezo.
No comments:
Post a Comment