Maimatha wa Jesse anatazamiwa kuibuka na shindano jipya litakalojulikana kama Kigoli wa Manywele.

MBUNIFU wa shindano la Manywele Kimwana wa Twanga, Maimatha wa Jesse anatazamiwa kuibuka na shindano jipya litakalojulikana kama Kigoli wa Manywele.
Maimatha amesema kuwa shindano hilo la Kigoli litawahusisha wasichana wenye vipaji kemkem ikiwemo kucheza ambapo alisema mipango inafanywa ili mshindi azawadiwe gari.

Amesema kila kitu kimekaa mkao wa kula na mwishoni mwa mwezi wa 3 shindano litaanza kunguruma na bendi itakayotumika ni Extra Bongo Wazee wa Kizigo.

Hata hivyo Maimatha alikataa kusema iwapo shindano la Kigoli ndio mwisho wa Kimwana wa Twanga alilokuwa analienda kwa kushirikiana na Twanga Pepeta.

“Hivi ni vitu viwili tofauti, sidhani kama kutatokea hitilafu yoyote ya shindano moja kati haya mawili kulimeza shindano lingine,” alisema