MBUNGE MTARAJIWA AFANDE SELE ARUKA KWENYE GARI KUMKIMBIZA MWIZI WA SIMU YAKE

MFALME wa Rhymes, Afande Sele juzi usiku alikumbwa na masahibu makubwa pale alipolazimika kuruka kwenye gari huku likiwa kwenye mwendo ili kumkimbiza mwizi aliyekwapua simu yake.

Hiyo ilitokea Tandika katika chimbo jipya la vibaka linalojulikana kama Côte_d'I voire ambapo wakati Afande Sele akiwa ndani ya gari aki-chat kupitia simu yake ya mkononi, ghafla kibaka akamkwapulia simu yake kupitia dirisha lilokuwa wazi.

Kuona hivyo Afande Sele aliyekuwa amekaa kiti cha mbele cha abiria, akaamua kuruka kupitia dirishani wakati gari likiwa bado lipo kwenye mwendo.

Afande Sele aliyetangaza nia ya kugombea Ubunge uchaguzi ujao, akakimbizana na kibaka huyo hadi makaburini lakini akapigwa chenga ya mwili na kurudi mikono mitupu.

Msanii huyo akawaambia wenzake aliokuwa nao kwenye gari, King Sapeto na Dr Levy kuwa simu yake ilikuwa na mambo yake mengi muhimu ndio maana ilimlazimu kuchukua hatua ile.

Licha ya juhudi na ushirikiano waliopewa na maaskari pamoja na wakazi wa eneo lile, simu haikupatatikana lakini angalau line pamoja na memory card zilipatikana jambo lilipompa ahueni Afande Sele kwa vile kumbukumbu zake muhimu zilikuwa kwenye line na memory card.

Via Saluti 5